Sportva harakatli o’yinlar o’qitish metodikasi
Yüklə 2,98 Mb. Pdf görüntüsü
|
- Bu səhifədəki naviqasiya:
- Hissiy obrazlar vositasida fikrlash
|
Diqqatni boshqarish
Malakasi xali endi shakllanayotgan yosh tennischilar kuchli hayajonda bo’lganligi bois, musobaqa jarayonida sodir bo’layotgan ko’pgina voqea va hodisalarning kelib chiqish sabablarini diqqat bilan aqlan hal qilishda kutilmagan qiyinchiliklarga uchraydi. Jumladan, tennis zalidagi ko’plab tomoshabinlar va murabbiyning tinimsiz hayqiriqi natijasida sportchida hayajonlanish, bezovtalanish, tashvishlanish holati oshib ketadi. Natijada ularda fikrini bir nuqtada to’plab, uni aniq bir ob’ektga ishonchsizlik bilan harakatlanish holati sodir bo’ladi. 96 Masalan, tennischi musobaqa jarayonida hujumkor taktikada o’ynaydigan sportchi bilan raqib bo’ldi. Partiya boshlanishidan raqibning murakkab shar uzatishlarini (podacha) va ketma-ket kuchli bo’lgan top- spin zarbalarini o’tkazib yuborishi sababli, hujumdan ko’ra ko’proq himoya taktikasiga o’tadi va unda diqqat bilan raqibning berayotgan zarbalariga nisbatan sharni qaytarish hamda turli xil qarshi usullardan foydalanish holatlari pasayib ketadi. Shuningdek, raqib imkoniyatlari, harakatlari to’g’risida vaqtida etarli ma’lumot ololmaydi, aniq vaziyatni hisobga olib fikran stol yonida to’g’ri joy tanlashda (stoyka), mustaqil bir qarorga kelishda qiynaladi. Shuning uchun tennischilar bilan diqqatni murakkab vaziyatlarda ham aniq zaruriy obe’ktga to’plash va yo’naltirishga yordam beradigan har xil mashqlar o’tkazish orqali ularda o’z diqqatini boshqarish malakalarini rivojlantirish zarur. Hissiy obrazlar vositasida fikrlash Tennischi bu uslub yordamida bo’lajak musobaqada o’z harakatini xayolan obrazlar vositasida tafakkurida mushohada etib, fikran tasavvur etadi, mashq qiladi. Natijada, sportchi xayolan mashq qilgan harakatlarini musobaqa jarayonida tez, shiddatli, yuqori darajada aniq bajarish imkoniyatiga ega bo’ladi. o’z harakatlarining boshlanish, o’rta va keyingi qismlari izchilligini saqlagan holda bir necha obrazlarda xayolan takror va takror ishlab chiqadi. Sportchi fikran oddiy hissiy obrazlardan murakkab obrazlarga o’tadi. Bu obrazlar real hayotda, sport amaliyotida (jismoniy mashqlar va musobaqa jarayonida) kuzatilgan, orttirilgan tajribalarga ko’ra, mushohadalar natijasida yuzaga keladi. Jumladan, qachondir qozonilgan g’alaba, o’rnatilgan yangi rekord yoki muddatdan oldin o’z raqibi ustidan qozonilgan g’alaba to’g’risidagi turli aniq-tiniq obrazlar yordamida fikran mashq qilish ham sportchining musobaqalarda g’oyat aniqlik bilan harakat qilishini ta’minlaydi. Yüklə 2,98 Mb. Dostları ilə paylaş:
|