Qurılıs materialları hám buyımlarınıń ulıwma tiykarları Joba

Qurılıs materialları hám buyımlarınıń ulıwma tiykarları


Joba:
1.1. Oqıw pániniń maqseti hám wazıypaları
1.2. Qurılıs materialların islep shıǵarıw tariyxı
1.3. Energiya hám resurs nátiyjelilik
1.4. Mámleket standartları. Qurılıs normaları hám qaǵıydaları


1.1. Oqıw pániniń maqseti hám wazıypaları
Pándi oqıtıwdan maqset - studentler qurılıs materialların islep shıǵarıwda shiyki zattı tańlawdı, islep shıǵarıwda energiya hám resurs tejemli texnologiyalardı, qásiyet hám ózgesheliklerin anıqlawdı, olardı isletiw tarawların belgilew sıyaqlı bilim, kónlikpe hám tájiriybelerdi qáliplestiriwden ibarat.
Pánniń wazıypaları: - studentlerge import ornın basıwshı hám eksportqa baǵdarlanǵan qurılıs materialları hám buyımların islep shıǵarıwdı shólkemlestiriw;
- isletiliw tarawlarına qaray materiallar hám buyımlardı durıs tańlaw;
- materiallar hám buyımlar islep shıǵarıwda hám isletiwde energiya hám resurs tejemlilikti ustivor dep esaplaw.

Pán boyınsha studentlerdiń bilimine, uqıbına hám kónlikpesine qoyılatuǵın talaplar

Qurılıs materialları hám buyımları páni boyınsha
Bakalavr:
- qurılıs materialları hám buyımları pániniń maqseti, wazıypaları hám áhmiyeti;
- qurılıs materialları hám buyımların izertlewdiń zamanagóy usılları;
- kompozicion qurılıs materiallarınıń quramı, nano, mikro hám makrostrukturası, qásiyetleri hám olardı tayarlaw, resurs hám energiya tejemli, ekologiyalıq qáwipsiz texnologiyaları;
- qurılıs materialları hám buyımlarınan injenerlik kommunikaciyaları, imarat hám inshaatlardı qurıw, ońlaw hám qayta qurıwda nátiyjeli paydalanıw;
- qurılıs materialları hám buyımların islep shıǵarıwda jergilikli shiyki zatlar hám ekilemshi resurslardan paydalanıw haqqında túsinikke iye bolıw;
- túrli qurılıs materialları hám buyımlarınıń tiykarǵı qásiyetleri hám qollanıw tarawların;
- ıssılıq izolyaciyalawshı materiallarınan qurılısta ónimli paydalanıwdı;
- mineral hám organikalıq baylanıstırıwshı zatlar tiykarında tayarlanatuǵın kompozicion qurılıs materiallarınıń qásiyetleri hám olardı jaqsılaw usılların biliwi hám olardan paydalana alıwı;
- qurılıs materiallarınıń qásiyetlerin anıqlawdıń standartlastırılǵan usılların qollap, laboratoriya sınawların ótkiziw hám alınǵan nátiyjelerdi analizlew;
- zamanagóy qurılıs materialları hám buyımları tuwralı maǵlıwmatlar toplaw hám olardıń qurılıstaǵı áhmiyeti tuwralı referatlar jazıw;
- qurılıs materialları hám buyımları óndirisin jolǵa qoyıwda metrologiya, standartlastırıw, sertifikatlastırıw hám sapanı qadaǵalawǵa tiyisli normativ texnikalıq hújjetlerden paydalana alıw kónlikpelerine iye bolıwı kerek.