Mübariz yusifov m IL Azərbaycan Respublikası Prezidentinin
Yüklə 4,66 Mb. Pdf görüntüsü
|
|
Mübariz Yusifov
4. Nizamini iranlı hesab edənlər onda yanılırlar ki, onun əsərlərində iranlılığa aid olan elə bir ciddi rəğbət görünmür. Firdovsi ilə müqayisədə onu demək olar ki, Firdovsinin türk etnosuna münasibəti nədirsə, Nizaminin də iranlılığa münasibəti və
rəğbəti o qədərdir. Başqa xalqların nümayəndələrinin Nizamini özününküləşdirmək cəhdinə gəlincə onu demək lazımdır ki, onlar Nizamini düzgün başa düşmək üçün onun
əsərlərinin məzmununa diqqətlə yanaşmalıdırlar. Nizaminin öz əsərləri onun şəxsiyyəti, vətəni, milliyyəti, ailəsi haqqında bütün məlumatları tam əks etdirdiyi halda Nizami barədə nə cür gəldi fikir söyləyən tədqiqatçıların doğruya bənzəməyən yalanlarına istinad etməyə yol verilməməlidir. 5. Nizaminin «Leyli və Məcnun» əsərindəki «Kitabın yazılma səbəbi» hissəsindən görünür ki, onun Azərbaycan dilində böyük divanı var imiş. Şair, bəlkə də «Leyli və Məcnun»unu elə Azərbaycan dilində yazmaq istəyirmiş. Lakin tələb başqa cür olmuşdur. Nizami tədqiqatçılarının ən əsas vəzifələrindən biri, əvvəla, onun Azərbaycanca divanını müəyyənləşdirməkdən ibarətdir. İkincisi, Nizamidə Azərbaycan sözlərinin, Azərbaycan atalar sözlərinin, zərbi- məsəllərinin, hikmətli sözlərin araşdırılması həlli vacib bir məsələ kimi qarşıda durur. Üçüncüsü, Nizaminin əsərlərində Azərbaycan nağıl-dastanlarının, əfsanələrinin və digər folklor növlərinin qaynaqları araşdırılmalıdır. Nəhayət, Nizaminin əsərlərinin tərcüməsi məsələsinə gəlincə, tərcümənin orijinala yaxınlığı dəqiqləşdirilməlidir. Nizami doğma vətəni Azərbaycana öz ölməz əsərləri ilə adı tarixlərin yaddaşında yaşayan əzəmətli bir abidə qoymuşdur. Vətən övladları bu borcun müqabilində Nizami irsinin, həmçinin, Nizami həqiqətlərinin tədqiqi və təbliğini Nizami yə layiq şəkildə yerinə yetirmək üçün maddi, mənəvi və intel lektual qüvvələrini səfərbərliyə almaqdan çəkinməməlidirlər. 166
Yüklə 4,66 Mb. Dostları ilə paylaş:
|