Ms excel cədvəl prosessoru

Mövzu № 6. MS Excel cədvəl prosessoru
Plan
1. MS Excel 2010 cədvəl prosessorunun proqram pəncərəsi və onun əsas komponentləri
2. MS Excel 2010 cədvəl prosessorunun lent tabları və onların əmrləri
3. MS Excel 2010 cədvəl prosesorunda məlumatın daxil edilməsi və məlumatların silinməsi.
4. MS Excel 2010 cədvəl prosesorunda, oyuqların köçürülməsi, yerdəyişməsi, daşınması və formatlanması. oyuqların və ya diapazonların seçim üsulları.
5. MS Excel 2010 cədvəl prosesorunda funksiyalar
1.MS Excel 2010 cədvəl prosessorunun proqram pəncərəsi və onun əsas komponentləri Microsoft Excel elektron cədvəl prosessorunun təyinatı və əsas xüsusiyyətləri. Excel 2010 proqram pəncərəsi və onun əsas komponentləri.

Hesablama əməliyyatlarını yerinə yetirmək üçün nəzərdə tulumuş cədvəl proqramlarına elektron cədvəl deyilir. Bu tipli proqramlara missal olaraq Quattro-Pro, SuperCalc, Lotus 1-2-3 proqramlarını göstərmək olar. Belə cədvəl proqramlarından biri də cədvəllərin atası, beyni, prosessoru Ms Excel proqramıdır. Ms Excel proqramı ilə mürəkkəb formalı cədvəllər yaratmaq mümkündür. Haqqında bol-bol danışacağımız Ms Excel cədvəl prosessoru Microsoft Office paketinə daxildir. Baxmayaraq ki, bizim öyrənəcəyimiz 2010-cu il təvəllüdlü Excel cədvəlinin bu ilin noyabrında 9 yaşı olur, ancaq biz yenə də qəbul imtahanında bizləri 2010-un cədvəli gözlədiyi üçün onunla özümüzü yoracağıq. Qısacası, möhkəm olun, 9 yaşlı bu balaca bizi qorxuda bilməz deyirik və gedirik Exceli peşman eləməyə.

İndi görək bu Excelin başına nə oyun aça bilərik? Ümumiyyətlə nə deyilən şeydir bu? Nə işə yarayır? Kimdir, kimlərdəndir? Görək hələ özümüzü yormağa dəyərmi? Bu suala cavab olaraq deyə bilərik ki, təbii ki,dəyər. Çünki imtahanda Excel bizə 3 sual verəcək. Ona görə də biz indi Excel-i elə yaxından tanıyacağıq ki, elə mükəmməl öyrənəcəyik ki, hətta bundan sonra hara CV atsaq, rahat-rahat Excel-i də yapışdıracağıq. (Elə yapışdır ki, qopmasın J)