Metodik göSTƏRİŞ

Buraxılış işinin hazırlanması və yerinə yetirilməsi prosesi

Buraxılış işinin hazırlanması və yerinə yetirilməsi bir neçə əsas mərhələyə ayrılır:

1) mövzunun seçilməsi və təsdiqi;

2) işin yerinə yetirilməsi üzrə təqvim planı tərtib olunması;

3) plan tərtib olunması;

4) elmi-nəzəri mənbələrlə iş metodikasının müəyyənləşdirilməsi;

5) materialların və ədəbiyyatın toplanması, toplanmış materialların ümumiləşdirilməsi və təhlili;

6) tədqiqatın nəticələrinin ümumiləşdirlməsi və təkliflər irəli sürülməsi;

7) ədəbiyyatın siyahısı və əlavələrin tərtib olunması;

8) elmi rəhbərin işi yoxlaması və ona rəy verməsi;

9) qeydlər və tövsiyələr əsasında işin redaktə edilməsi və təkmilləşdirilməsi;

10) buraxılış işinə kənar rəyin verilməsi;

11) müdafiəyə hazırlıq - işin məzmununu əhatə edən məruzə və müdafiə zamanı nümayiş etdirmək üçün zəruri materialların (prezentasiya, sxem, diaqram, cədvəl, şəkil və s.) hazırlanması.

Buraxılış işi əsasən tədris dilində yazılır və müdafiə edilir. İş tələbənin öz seçimi əsasında onun təhsil aldığı ixtisas (ingilis, alman, fransız, ispan və s.) dilində yazıla və müdafiə edilə bilər.

Buraxılış işində aşkarlanmış plagiat əlamətlərinə görə tələbə bilavasitə məsuliyyət daşıyır.