Mövzu 4. Beynəlxalq nəqliyyat əməliyyatları üzrə yükdaşımaların bazis şərtləri və qaydaları
Beynəlxalq nəqliyyat əməliyyatlarında çoxtərəfli razılaşmalar sistemi.
Xarici-iqtisadi fəaliyyətin və beynəlxalq ticarətin
tənzimlənməsində Ümumdünya Ticarət Təşkilatının rolu.
“İnkoterms 2000, 2010”- Beynəlxalq nəqliyyat
əməliyyatlarının baziş şərtləri.
Kontrakt – beynəlxalq yük daşımalarının və nəqliyyat
əməliyyatlarının hüquqi razılaşma sənədi kimi.
4.1. Beynəlxalq nəqliyyat əməliyyatlarında çoxtərəfli razılaşmalar sistemi.
Beynəlxalq nəqliyyat əməliyyatlarının səmərəli təşkili və nizamlanması bir sıra mühüm beynəlxalq statuslu razılaşmaların işlənib hazırlanmasını və qəbul edilməsini şərtləndirir.
Beynəlxalq nəqliyyat əməliyyatlarında çoxtərəfli razılaşmalar sisteminin nəzəri baxımdan mahiyyəti- bu razılaşma üzrə imzalanan beynəlxalq sənədin iştirakçıları həmin ölkələrin ərazisindən beynəlxalq nəqliyyat reyslərinin, həmçinin tranzit marşrutların təşkili hüququ əldə etmiş olurlar.
Beynəlxalq nəqliyyat əməliyyatlarında çoxtərəfli razılaşmalar sisteminin formalaşmasında və yekun sənədin hazırlanmasında bir sıra beynəlxalq əhəmiyyətli istiqamətlər üzrə müqavilələr və razılaşmalar hüquqi baza kimi nəzərə alınır:
-ayrı-ayrı nəqliyyat növlərinin ümumi fəaliyyət prinsipləri;
-dövlətlərarası beynəlxalq nəqliyyat qovşaqlarının təşkili;
-yük və sərnişinlərin daşınması qaydaları;
-daşımaların tarifləri haqqında və s.
Dostları ilə paylaş: | 
