Məhkəmə-Hüquq Şurasının normativ xarakterli aktları qanunvericiliklə ona həvalə edilmiş vəzifələrin həyata keçirilməsi və nizamlanması məqsədi ilə Məhkəmə-Hüquq Şurası tərəfindən qəbul edilmiş, məhdud subyektlər dairəsi üçün məcburi davranış qaydalarını əks etdirən və dəfələrlə tətbiq olunmaq üçün nəzərdə tutulmuş rəsmi sənəddir.
Məhkəmə -Hüquq Şurasının normativ xarakterli aktları qərar formasında qəbul edilir.
Məhkəmə -Hüquq Şurası normativ xarakterli aktların layihələrini aidiyyəti struktur bölmələrinin iştirakı ilə müstəqil surətdə hazırlaya və ya layihələrin hazırlanmasına müvafiq mütəxəssisləri cəlb edə, bunun üçün xüsusi yaradılmış işçi qruplarına tapşırıq verə bilər.
Normativ xarakterli aktların layihələri Məhkəmə -Hüquq Şurasının Aparatının iştirakı ilə hazırlanır.
Məhkəmə-Hüquq Şurasının normativ xarakterli aktları layihələrinin razılaşdırılması qanunvericiliklə məcburi olduqda, habelə normativ xarakterli aktda digər dövlət orqanları ilə bağlı müddəalar olduqda, layihə həmin dövlət orqanları ilə razılaşdırılmalıdır. Şuranın normativ xarakterli Məhkəmə -Hüquq Şurasının aktları iclasında, açıq səsvermə yolu ilə sadə səs çoxluğu ilə qəbul edilir. Məhkəmə-Hüquq Şurasının iclasına sədrlik edən axırıncı səs verir. Şuranın normativ xarakterli aktları Şuranın sədri tərəfindən imzalanır.
AZƏRBAYCAN RESPUBLİKASININ HÜQUQİ AKTLARIN DÖVLƏT REYESTRİ Aktin Növü Məhkəmə-Hüquq Şurasının Qərarı Qəbul edildiyi tarix 08.07.2019 Qeydiyyat nömrəsi 1
Adı Məhkəmə-Hüquq Şurasının 2005-ci il 11 mart tarixli qərarı ilə təsdiq edilmiş “Vakant hakim vəzifələrinə hakim olmayan namizədlərin seçilməsi Qaydaları”nda dəyişiklik edilməsi barədə
