İxtisaslaşdırılmış yardım səviyyəsinə göndəriş
1. İxtisaslaşdırılmış yardım səviyyəsinə göndəriş aşağıdakı hallarda
həyata keçirilməlidir:
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
24
İntihar təhlükəsi və ya xəstənin öz tələbatlarına etinasız
yanaşması
Ağır və ya psixotik depressiya
12 həftə ərzində müalicənin rezistentliyi
Pasiyentin alkohol və narkotik maddələrdən istifadəsi
Maniakal epizodun mövcudluğuna dair məlumatların əldə
olunması ilə əlaqədar ilkin diaqnozun dəyişdirilməsi
Şəxsiyyət pozuntusu daxil olmaqla komorbid psixi
pozuntunun mövcudluğu zamanı
İlkin tibbi yardım şəraitində arzu olunan nəticənin əldə
edilməsinin mümkünsüzlüyü zamanı
2. İlkin səhiyyə sisteminin həkimi mütəxəssis yanına göndəriş
verərkən depressiv pozuntunun davamlılığı, ağırlıq dərəcəsi və
dinamikası, intihar tendensiyaları və ətrafdakılara təhlükə, davam
edən və öncədən aparılan müalicə haqqında məlumat təqdim
etməlidir. Bundan əlavə mütəxəssisdən tələb olunan yardımı da
qeyd etmək lazımdır (konsultasiya, ilkin səhiyyə sistemində və ya
hospitalizasiya daxil olmaqla psixiatrik müəssisədə ümumi
müalicə).
İXTİSASLAŞDIRILMIŞ YARDIM SİSTEMİNDƏ
DEPRESSİYASI OLAN PASİYENTLƏRİN
MÜŞAHİDƏSİ VƏ MÜALİCƏSİ
Pasiyentlərin müayinəsi
1. İxtisaslaşdırılmış tibbi yardım sistemində işləyən həkim-psixiatr
əvvəlcədən diaqnozu qoyulmuş depressiyanı təsdiq və ya inkar
etmək üçün dəqiq, hərtərəfli müayinə aparmalıdır.
2. Həkim-psixiatr ilkin olaraq depressiya diaqnozu qoyulmuş
xəstələri çoxprofilli xəstəxananın ixtisaslaşdırılmış şöbəsində,
ixtisaslaşdırılmış psixiatrik müəssisədə və ya digər tibbi
müəssisələrdə konsultativ yardım qaydası üzrə müayinədən
keçirə bilər.
3. İlkin depressiya diaqnozu qoyulmuş xəstələrin müayinəsi özündə
Hamilton Reytinq Cədvəlinin (Əlavə 2) istifadəsi ilə
depressiyanın simptomlarının qiymətləndirilməsini, intihar
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
25
təhlükəsini, həmçinin depressiya ilə yanaşı gedən psixososial
faktor yükünü və pasiyentin şəxsi xüsusiyyətlərini birləşdirir.
4. Həkim-psixiatr depressiv pozuntunun depressiya ilə müşayiət
olunan digər psixi pozuntulardan differensial diaqnostikasını
həyata keçirməlidir. Həkim ehtiyac duyulduqda pasiyenti EEQ,
KT, NMR daxil olmaqla laborator və ya instrumental müayinəyə
göndərməlidir.
5. Həkim-psixiatr öncəki müayinənin bütün aspektlərini, o
cümlədən dozaların adekvatlığını (eyniliyini), dərman
preparatlarının qəbul qaydasını və həmçinin də təyin olunmuş
müalicə qaydasına pasiyentin nə dərəcədə riayət etməsini
dərindən araşdırmalıdır.
6. İxtisaslaşdırılmış qeyri-psixiatrik müəssisələrdə depressiyası olan
xəstələrin müayinəsi və müalicəsinin təşkili həkim-psixiatrın
nəzarəti altında həyata keçirilməlidir.
7. Depressiv pozuntusu olan xəstələrin xəstəxanada yerləşdirilməsi,
müalicənin ən son tədbiri kimi ən minimal müddətə və ən
məhdud şərtlərlə həyata keçirilməlidir.
Yalnız psixotik depressiyadan əziyyət çəkən, özünə və ya
ətrafdakılara zərər törətmək təhlükəsi olan, həmçinin tələbatlarına
özlərinə ziyan verəcək dərəcədə etinasız yanaşan xəstələr
hospitalizə edilə bilərlər.
Psixotik
depressiya
1. Psixotik simptomları olan depressiya yüksək intihar təhlükəsi
ilə əlaqədardır olduğundan, müalicənin stasionarda keçirilməsi
labüdlüyünü nəzərdə tutur [C]. Psixotik depressiyalı xəstələrin
stasionardan kənar müşahidə və müalicəsi zamanı bütün
təhlükəsizlik tədbirlərini təmin etmək (özünə və ətrafdakılara
zərər yetirə biləcək vasitələrə nəzarət daxil olmaqla) və xəstənin
gündəlik vəziyyətinin monitorinqini həyata keçirmək lazımdır.
2. Psixotik simptomlar əhval-ruhiyyənin enməsinə (özünü
təqsirləndirmə sayıqlamaları, ipoxondrik, nihilistik məzmunlu
münasibət, xəstənin davranışını qınayan hallüsinasiyalar) uyğun
ola və ya depressiv affektlə əlaqədar olmaya da bilərlər [A].
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
26
3. Psixotik depressiyası olan xəstələr bir preparatdan ibarət olan
monoterapiyadan çox, antipsixotik preparatın antidepressantlarla
kombinasiyasına daha müsbət reaksiya verirlər. İlkin seçimin
antipsixotik preparatlarına, ənənəvi neyroleptiklərdən fərqli
olaraq daha yüksək təhlükəsizlik profilinə malik olan atipik
neyroleptiklər aiddir [C]. Psixotik depressiyalar zamanı standart
terapevtik dozalarda antidepressantla Risperidonun
kombinasiyasının effektivliyinə dair sübutlar mövcuddur [C].
Risperidonun ən çox təsadüf edilən əlavə təsiri iştahanın və
bədən çəkisinin artmasıdır. Bu əlamətlərin monitorinqini
keçirmək və ehtiyac duyulduqda pəhriz və fiziki məşqlər tövsiyə
edilməlidir.
4. Çox vaxt psixotik depressiyanı müşayiət edən psixomotor
həyəcan zamanı əsas terapiyaya məhdud müddətə benzodiazepen
trankvilizatorlarını ( Diazepam, Klonozepam, Alprozolam və ya
Lorazepam) əlavə etmək lazımdır [C]. İstisna hallarda sedativ
təsirli neyroleptik preparatlardan (Sulpirid, Levomepromazin,
Haloperidol) da istifadə etmək olar.
5. Dərmanların inyeksion yolla daxil edilməsi üstünlüklərinə dair
sübutlar yoxdur. Ona görə də inyeksiya üsulundan yalnız o
hallarda istifadə etmək lazımdır ki, psixotik depressiyası olan
pasiyentin təyin olunmuş terapiyanı qəbul etmək üçün digər
üsulu olmasın (TSA-nın inyeksion formaları da mövcuddur).
6. Müalicənin birinci həftəsi ərzində psixotik simptomların
reduksiya əlamətləri müşahidə edilmədikdə, neyroleptikin
dozasının effekt əldə edənə və ya əlavə təsirlərin meydana
gəlməsinə qədər tədricən (üç günərzində) artırılması gərəkdir
[D]. Antidepressant və neyroleptiklərlə birgə terapiyaya rezistent
olan xəstələrin müalicəsinə Litium duzlarının əlavə edilməsi
daha məqsədəuyğundur [B].
7. Psixotik depressiyada neyroleptiklərin qəbulunun optimal
müddəti təyin olunmamışdır. Psixotik və depressiv simptomların
tam reduksiyasından sonra bir ay ərzində dozanı tədricən
azaltmaqla neyroleptikın qəbulunu dayandırmaq lazımdır [D].
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
27
Təkrarlanan epizodlu rekurrent depressiya
1. Son 12 ay ərzində 2 və ya daha çox depressiv epizodların
müşahidə edilməsi təkrarlanan epizodlu rekurrent depressiyanın
mövcudluğunu təsdiq edir.
2. Dəstəkləyici antidepressant terapiya sonrakı depressiv
epizodların tezliyinin qarşısını almağa imkan yaradır.
Təkrarlanan epizodlu rekurrent depressiya zamanı antidepressant-
lar iki ildən az olmayan müddətə təyin olunmalıdır. [B].
3. Təkrarlanan rekurrent depressiya zamanı icra olunan antidepressant-
lı profilaktik terapiya pasiyentin kəskin depressiv vəziyyətdən
çıxması üçün istifadə edilən doza üzrə aparılmalıdır [C].
4. Antidepressantlı dəstəkliyici terapiya alan pasiyentlərdə
təkrarlanan depressiv epizodların inkişafı zamanı müalicəyə
əhval-ruhiyyə stabilizatorları (Litium duzları, Valproat və ya
Lamotrigin) əlavə etmək lazımdır [B]. Preparat seçimi, onun
profilaktik məqsədlər üçün uzunmüddətli istifadəsinə (6 aydan az
olmayaraq) və pasiyent üçün olan təhlükəsizliyinə əsaslanmalıdır.
5. Təkrarlanan epizodlu rekurrent depressiya zamanı əhval-ruhiyyə
stabilizatoru ilə monoterapiyadan istifadə etmək tövsiyə edilmir.
Əgər sonradan təkrarlanan epizodlu rekurrent depressiya
yaşayan, antidepressant və əhval-ruhiyyə stabilizatoru qəbul edən
pasiyentə iki preparatdan yalnız birini təyin etmək, digərinin
qəbulunu isə dayandırmaq lazım gələrsə, bu zaman əhval-ruhiyyə
stabilizatorunun qəbulunu dayandırmaq lazımdır [C].
Atipik
depressiya
1.
Atipik simptomlu depressiya qadınlarda kifayət qədər çox
təsadüf olunur. Onun əsas əlaməti – emosional reaktivlikdir.
Aktual və ya potensial müsbət hadisələrə cavab olaraq
əhvalın yaxşılaşmasıdır. Atipik depressiya diaqnozunun
qoyulması üçün aşağıdakı əlamətlərdən iki və ya daha çoxu
tələb olunur:
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
28
Hiss olunacaq çəki artımı və ya iştahanın artması
Gün ərzində yüksək yuxuculluq və ya hipersomniya
Əzginlik hissi (yorğunluq, zəiflik, ətraflarda ağırlıq hissi)
Şəxsiyyətlərarası münasibətlərdə müşahidə edilən və sosial
və ya professional disfunksiyaya səbəb olan qəbul etməmə
hissinə qarşı davamlı yüksək həssaslıq
2. Atipik depressiyalı xəstələrin terapiyasını SİUSİ ilə aparmaq
lazımdır. Atipik depressiya zamanı TSA istifadəsinin qeyri-
effektivliyinə dair sübutlar mövcuddur [C].
3. Atipik depressiya yaşayan pasiyentlərin SİUSİ qəbulunu ağır
keçirdikləri və ya müsbət dəyişikliklərin olmadığı təqdirdə
MAOİ terapiyasına keçmək lazımdır [C]. MAOİ-ni digər
preparatlarla eyni vaxtda təyin etmək olmaz. Buna görə də MAOI
terapiyasına keçid zamanı xəstənin digər preparatlar qəbul
etmədiyini yoxlamaq və orqanizmin təmizlənməsi üçün iki həftə
gözləmək lazımdır
4. MAOİ təyin edilən pasiyentlərin vəziyyətinə dair dəqiq
monitorinqlər (arterial təzyiqin ölçülməsi daxil olmaqla)
keçirilməli və süd məhsullarını istisna edən qida rasionuna riayət
edilməsinə dair tövsiyələr verilməlidir [A].
5. MAOİ-ya alternativ (əvəz) hesab edilə bilən Buprapionun atipik
depressiya zamanı effektiv təsir göstərdiyinə dair məlumatlar
mövcuddur [D]. Buprapionun həyəcan yaratma və ya onu
gücləndirmə xüsusiyyətlərinə malik olduğunu nəzərə alsaq, onu
həyəcan təzahürləri olan atipik depressiya yaşayan pasiyentlərə
təyin etmək lazım deyil.
Xroniki
depressiya
1. Xroniki depressiya diaqnozu iki ildən az olmayaraq davam edən
depressiv əlamətləri olan pasiyentlərə qoyulur. Xroniki
depressiya bir qayda olaraq müxtəlif xoşagəlməz psixososial
faktorlarla müşayiət edilir və sosial uyğunlaşmanın zəifləməsinə
gətirib çıxara bilər
[A].
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
29
2. Xroniki depressiyadan əziyyət çəkən pasiyentlər özündə
antidepressantları və psixoterapiyanı cəmləyən kompleks terapiya
qəbul etməlidirlər [B].
3. Xroniki depressiyanın medikamentoz müalicəsi kəskin depressiv
epizodların müalicəsində istifadə edilən prinsiplər əsasında
aparılır [C].
4. Əmək qabiliyyətini itirmiş xroniki depressiyalı pasiyentlər üçün
bərpa (reabilitasiya) tədbirlərinin keçirilməsi və sosial yardımın
alınması imkanını nəzərdən keçirmək lazımdır [C].
Rezistent
depressiya
1. Rezistent depressiya diaqnozu, adekvat zaman ərzində adekvat
dozada təyin edilən iki və ya daha çox antidepressantın
qəbulundan sonra durumu yaxşılaşmayan pasiyentlərə qoyulur.
2. Xroniki depressiya zamanı SİUSİ və noradrenergik və ya
dofaminergik (Buprapion) təsirə malik olan iki antidepressantın
təyin olunması perspektivini nəzərdən keçirmək lazımdır [A].
Belə hallarda terapevtik təsirin, əlavə təsirlərin və xüsusilə də
serotonin sindromunun dəqiq monitorinqini keçirmək lazımdır.
3. Tədqiqatlar
əsasında antidepressant terapiyaya atipik
neyroleptikın – Respiridonun əlavə edilməsinin, müalicəyə olan
həssaslığın yüksəlməsinə gətirib çıxarması aşkar edilmişdir [C].
Həmçinin digər neyrolertiklər – Sulpirid və Flüonksol da
istifadə edilə bilər.
4. Digər alternativ, SİUSİ-yə və ya TSA-ya standart terapevtik
dozalarda əhval stabilizatorlarının (Litium duzları, Valproat,
Lomatrigin) əlavə edilməsidir [B]. Onu da nəzərə almaq
lazımdır ki, Valproat qanda TSA-nın konsentrasiyasını azalda
bilər.
5. Bəzi hallarda TSA-nın təsirini gücləndirən, gün ərzində 50 mkq
dozada istifadə olunan Triyodtironin ilə kombinəolunmuş
terapiyadan da istifadə edilə bilər [D].
6. Bəzi tədqiqatlarda TSA-nın psixostimulyatorlarla (Metilfendat)
kombinasiyasının mümkünlüyü də göstərilmişdir. Bu preparatı
ürək patologiyası olan pasiyentlərə təyin etmək olmaz.
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
30
DEPRESSİYA ZAMANI GÖSTƏRİLƏN YARDIMIN
XÜSUSİ ASPEKTLƏRİ
Uşaqlar
1. Depressiyadan əziyyət çəkən uşaq və yeniyetmələrə yardım
göstərən mütəxəssislər, müalicənin aparılmasında valideynlərin
razılığı barədə Azərbaycan Respublikası Qanunvericiliyinə və
Uşaq Hüquqları Konvensiyasına dəqiqliklə riayət etməlidirlər.
2. Uşaq və yeniyetmələr ilə işləyən həkimlər bu yaş dövründə
depressiyanın əlamətlərini müəyyənləşdirməyi bacarmalıdırlar.
Bu əlamətlərə aiddir:
tez-tez baş verən, davamlı kədər hissi və ağlağanlıq;
adətən bu yaş dövrü üçün xas olan təhsilə və ya məktəbdən
kənar fəaliyyətə marağın azalması;
sosial təcrid və ya ünsiyyət çatışmazlığı;
yüksək əsəbilik, qəzəb və düşmənçilik hissi;
tez-tez baş verən somatik şikayətlər;
özünə zərər vermə aktları və intihar haqqında söhbətlər.
3. Uşaqlarda və yeniyetmələrdə depressiyanın inkişafı adətən bu yaş
dövrü üçün səciyyəvi olan psixososial faktorlarla – valideynlər
arasında münaqişə (o cümlədən boşanma), müəllim və
həmyaşıdlarla yaşanan problemlər (o cümlədən məktəbdə olan
rişxənd halları), fiziki, seksual və ya emosional zorakılıq, yaxın
adamın vəfatı, digər məktəbə keçirilmə, somatik psixi pozuntular
ilə əlaqədar olur. Həkimlər uşaq və yeniyetmələrdə olan
depressiyanı müşayiət edən bütün halları dəqiqliklə təhlil
etməlidirlər.
4. Uşaqda yüngül depressiya aşkarlanan zaman dərhal bu barədə
valideynlər məlumatlandırılmalı və depressiyaya səbəb ola
biləcək psixososial faktorları aradan qaldırmaq üçün tədbirlər
həyata keçirilməlidir. Valideynlərə, digər ailə üzvlərinin
təhlükəsizliyini və dəstəyini təmin edərək öz uşaqlarının halını və
davranışını diqqətlə müşahidə etməyi tövsiyə etmək lazımdır.
Gün rejimi (məşğulluq və istirahət daxil olmaqla), düzgün
qidalanma və fiziki fəallıq mövzusunda tövsiyələr verilməlidir.
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
31
5. Uşaq və ya yeniyetmədə orta və ya ağır depressiyanın
mövcudluğuna dair şübhələrin olduğu təqdirdə, o, uşaqların psixi
sağlamlığı sahəsində çalışan mütəxəssisin yanına
göndərilməlidir. Uşaqların psixi sağlamlığı sahəsi üzrə
mütəxəssis olmayan həkim (o cümlədən pediatr) uşaq və
yeniyetmələrdə olan depressiyanın müalicəsini müstəqil olaraq
başlaya və ya müalicəni apara bilməz.
6. Orta ifadəli və ya ağır depressiyalı uşaq və yeniyetmələrin
müalicəsində üstünlük medikamentoz deyil, psixoloji müalicə
metodlarına (KBT, İPT, qrup şəkilli terapiya) verilməlidir.
Uşaqlar 11 yaşınadək antidepressant müalicə almamalıdırlar [A].
7. Orta ifadəli və ağır depressiyalı, 11 yaşından böyük uşaqlar 4
həftə ərzində psixoloji müalicədən heç bir müsbət nəticə əldə
etmirlərsə, bu zaman onlara psixoloji müalicə ilə
uyğunlaşdırılmış antidepressantlar təyin edilə bilər [C].
8. Orta ifadəli və ya ağır depressiyadan əziyyət çəkən, 11 yaşından
yuxarı uşaqların müalicəsinin ilkin seçim prepratı Fluoksetindir.
Fluoksetin gün ərzində 10 mq dozada təyin olunmalıdır [B].
Əgər bir həftə ərzində terapevtik effekt yoxdursa, doza daha 20
mq-ə qədər artırıla bilər. Uşaq və yeniyetmələrdə preparatın
sonrakı doza artımı yolverilməzdir.
9. Fluoksetinin təyinindən sonra 4 həftə ərzində gözlənilən effekt
əldə olunmursa, bu zaman preparat digər SİUSİ ilə əvəz oluna
bilər. Yeni preparatın başlanğıc dozası böyük yaşlı şəxsin
dozasının ½-nə ekvivalent olmalıdır [D]. Doza 4 həftə ərzində
böyük adamın orta terapevtik dozasına qədər artırıla bilər. Digər
qrup antidepressantlar uşaq və yeniyetmələrə
təyin
olunmamalıdır.
Ahıl yaşlı insanlar
1. Depressiya ahıl yaş dövründə geniş təsadüf olunur və bu növ
depressiya adətən aşkarlanmır və müalicə olunmur. Yaxın
adamın həyatdan getməsi, sosial təcrid və xroniki sağlamlıq
problemləri ahıl yaşda depressiya yarada və ya onu kəskinləşdirə
bilər. Yaşlı insanlarda ən yüksək depressiya göstəriciləri iflic
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
32
(30%-60%), qan-damar xəstəlikləri (44%), xərçəng (40%),
Parkinson xəstəliyi (40%) və Alsheymer xəstəliyi (20%-40%)
zamanı qeydə alınır [A].
2. Ahıl yaş dövründə depressiyadan əziyyət çəkən insanlar az
hallarda əhvalın enməsindən şikayət edirlər. Onlar əsasən
yuxusuzluq, iştahanın itməsi, yorğunluq, xroniki ağrılar, qəbizlik,
skelet əzələlərində pozuntular kimi somatik xarakterli şikayətlər
səsləndirirlər.
3. Farmakoterapiya və psixoterapiya gənc yaş dövründə olduğu
kimi, ahıl yaş dövründə də effektiv müalicə metodu hesab olunur
[C]. Bununla yanaşı yaşlı insanlar psixoterapiyanın imkanlarını
məhdudlaşdıran koqnitiv pozuntulara malik ola bilər və ya
dərman qəbuluna üstünlük verərək psixoterapiyadan imtina edə
bilərlər.
4. Farmakoterapiya təyin edərkən nəzərə almaq lazımdır:
preparatın metabolizminin ahıl yaşda fizioloji dəyişikliklərə
necə təsir göstərməsini
hazırkı preparatın komorbid pozuntulara necə təsir
göstərməsini
yanaşı gedən xəstəliklərin müalicəsi üçün yaşlı insanların
istifadə etdiyi digər dərmanların hazırkı preparatla nə
dərəcədə uyuşmasını
5. Metabolik proseslərin yaşlı dövrdə yavaşıması plazmada
preparatların səviyyəsini yüksəldə bilər. Bu isə öz növbəsində
terapiyanın minimal dozalardan başlayaraq aramla artırılmasını
və qanda preparatın səviyyəsini nəzarətdə saxlamağı tələb edir [C].
6. Yaşlı dövrdə ilk seçim antidepressantı qaraciyərdə P450 sitoxrom
fermentlərinə təsir etməyən və kardiotoksikliyə malik olmayan
Milnosepramdır [D]. İlkin seçimin digər preparatlarına SİUSİ,
ikinci seçim preparatlarına isə ikili aminlər (Nortriptilin,
Dizepramin) aiddir [A].
7. Digər TSA-lar (üçlü aminlər) antixolinergik effektlər nəticəsində
yaranan deliriumun mümkün inkişafı ilə əlaqədar olaraq yaşlı
Klinik protokol Azərbaycan Respublikası Səhiyyə Nazirliyinin
İctimai Səhiyyə və İslahatlar Mərkəzində hazırlanmışdır.
33
adamlara təyin olunmamalıdır. Bu preparatlar həmçinin prostat
pozuntularına (sidiyin ifrazının ləngiməsinə), qəbizlik və ürək
fəaliyyətinin zəifləməsinə səbəb ola bilərlər.
8. Yaşlı insanların qulluğunu təmin edən şəxslər müalicə və kriz
zamanı göstərilən yardım resurslarına dair
məlumatlandırılmalıdırlar. Ahıl yaş dövründə yaşanan
depressiyanın müalicəsinə sosial xidmətlərin cəlbi böyük
əhəmiyyət kəsb edə bilər.
Somatik
xəstələr
1. Somatik xəstəliklər zamanı depressiv pozuntular geniş müşahidə
olunur. İlkin tibbi yardım sistemində depressiv göstəricilər 10%-i
ötüb keçir. İxtisaslaşdırılmış yardım sistemində somatik
xəstəlikləri olan pasiyentlərin 22-30%-də depressiya müşahidə
olunur. Depressiyanın yaranma ehtimalı somatik xəstəliyin
ağırlıq dərəcəsinin artması və müddətinin uzanması ilə artır [B].
2. Somatik xəstələrdə şikayətlərin adətən somatik simptomlar kimi
səhv şərh edilməsi səbəbindən bu xəstələrdə olan depressiya
aşkarlanmır. Depressiyanın mövcudluğu somatik xəstəliyin
müalicəsini də çətinləşdirir. Aşkarlanmayan və müalicə
olunmayan depressiya fiziki və psixi halın pisləşməsinə səbəb
olur və proqnoza mənfi təsir göstərir.
3. Ağır somatik xəstəliklərdən əziyyət çəkən xəstələr depressiya
əlamətləri büruzə verdikdə mütəxəssis yanına məsləhətləşməyə
göndərilməlidirlər. Depressiv pozuntunun müalicəsi somatik
xəstəliyin müalicəsi ilə eyni vaxtda aparılmalıdır. İxtisas-
laşdırılmış yardım sistemində somatik xəstələrdə depressiyanın
müalicəsi həkim-psixiatrın iştirakı ilə aparılmalıdır [D].
4. Həkim somatik xəstələrə müalicə təyin edərkən Barbituratların,
Dostları ilə paylaş: |