Təyin edilən dərmanların istifadə rejimi
Hidralazin – 5-10 mq v/d sürətlə, lazım gəldikdə hər 20-30
dəqiqədən bir, arterial təzyiq lazımi səviyyəyə çatana qədər təkrar
yeridilə bilər. Təsiri 15-30 dəqiqə ərzində tədricən başlayır,
maksimal təsir 20-ci dəqiqədə müşahidə olunur; Arterial təzyiqi
endirməyə müvəffəq olunduğu təqdirdə, lazım gələrsə, (adətən 3
saatdan sonra) təkrar təyin etmək olar. Əgər 20 mq vena daxilinə
yeridildikdən sonra lazımi effektə nail olunmursa, digər
preparatlardan istifadə etmək lazımdır.
və ya
Labetolol – 20 mq birmomentli vena daxilinə, lazımi effekt qeyd
olunmursa 10 dəqiqədən sonra 40 mq və hər 10 dəqiqədən bir 2 dəfə
80 mq dozada təkrar yeridilə bilər. Maksimum doza 220 mq-dək
olmaqla. Alternativ olaraq, labetololun fasiləsiz infuziyası 1-2
mq/saat təyin edilə bilər. Maksimal effekt yeridildikdən sonra 5 dəq.
müddətində əldə olunur; Bronxial astmalı və ürək çatmamazlığı olan
qadınlara labetolol preparatını təyin etmək məsləhət görülmür.
və ya
Nifedipin – 10 mq daxilə, lazım gələrsə, hər 30 dəqiqədən bir
təkrar təyin edilir. Təsiri yavaş başlayır və fəaliyyəti uzunmüddətli
olur. Zəif tokolitik təsirə malikdir. Maqnezium-sulfatla birlikdə təyin
etmək məsləhət görülmür (C). Hər iki preparat kalsiumun antaqonisti
olduğundan antihipertenziv təsiri gücləndirir.
Dostları ilə paylaş: | 
