Azərbaycan Respublikası Mədəniyyət və Turizm Nazirliyi
Yüklə 13,5 Mb. Pdf görüntüsü
|
|
İnternetdə: www.books.google.com 363
Hər il noyabrın 30-u bir çox ölkələrdə Ümumdünya Ev Heyvanları Günü (World Day Pets) qeyd olunur. Bu günün təsis olunması ideyası Təbiətin qorunması hərəkatı tərəfdarlarının 1931-ci ildə Florensiyada (İtaliya) keçirilən Beynəlxalq konqresində səslənmişdir. Həmin vaxtdan bu bayram dünyanın bir çox ölkələrində qeyd olunur və insanlar tərəfindən ev heyvanlarına çevrilən ―balaca dostlarımıza‖ görə bütün bəşəriyyətin cavabdeh olduğunu xatırladır. Təsadüfi deyil ki, bu günün devizi Antuan de Sent Ekzüperinin məşhur əsərinin qəhrəmanı Balaca Şahzadənin bütün insanlara ünvanlanmış sözləridir: ―Sən əhliləşdirdiklərin üçün hər zaman cavabdehsən‖. Bu günlə əlaqədar keçirilən tədbirlər çox rəngarəng və müxtəlifdir və hər bir ölkədə fərqli şəkildə düzənlənir. Bu günün hansı şəkildə qeyd edilməsindən asılı olmayaraq, əsas məqsəd insanları ev heyvanlarının problemlərinə biganə qalmamağa çağırmaqdır.
364 20 Noyabr - Qarakənd faciəsi, (1991)
Qarakənd faciəsi və ya 20 noyabr faciəsi Xocavənd rayonunun Qarakənd yaxınlığında, Ağdam rayonunun Mərzili kəndi ərazisində erməni həbiləşdirilmiş dəstələri tərəfindən vurulan Azərbaycan hərbi helikopter hadisəsidir. Hesablamalara görə, Qarakənd üzərində üç yüz metr yüksəklikdə uçan Mİ-8 N72 helikopteri 1991-ci il noyabrın 20-də, saat 14:42 dəqiqədə vurulub. Həlak olanlar arasında Azərbaycan Respublikasının Dövlət katibi Tofiq İsmayılov, baş prokuror İsmət Qayıbov, dövlət müşaviri, sabiq daxili işlər naziri Məhəmməd Əsədov, millət vəkilləri Vaqif Cəfərov və Vəli Məmmədov, baş nazirin müavini Zülfü Hacıyev, Prezident Aparatının şöbə müdiri, jurnalist Osman Mirzəyev, Qazaxıstan Respublikası daxili işlər nazirinin müavini Sanlal Serikov, Azərbaycan Dövlət Televiziyasının jurnalisti Alı Mustafayev və başqaları var idi. Ümumilikdə qəza nəticəsində 22 nəfər həlak olmuşdur.
365
Yubilyar yazıçı və şairlər 2 Noyabr - Şair Emil Azərin (Mehdiyev) anadan olmasının 80 illiyi, (1937-1991)
Emil Azər (Mehdiyev) Azərbaycanın Naxçıvan şəhərində qulluqçu ailəsində doğulmuşdur.1950-ci ildən ailəliklə Bakıda yaşamışdır. Burada 116 saylı məktəbi, sonra isə ADU-nun filologiya fakultəsini bitirmişdir. Ədəbi fəaliyyətə ―Ordubad işçisi‖ qəzetində (1949-cu il iyun) çap etdirdiyi ―Dahi rus sənətkarına‖ adlı şeir ilə başlamışdır. Həmin şeir A.S. Puşkinə həsr olunmuşdur. 1974-cü il aprelin 15-dən Bakı şəhər Oktyabr rayonu Korlar Cəmiyyətinin mədəniyyət evində metodist işləmişdir. Emil Azər 1991-ci il fevralın 21-də Bakıda vəfat etmişdir.
―Əkizlər‖ (1974), ―Damcılar‖ (1978), ―Görmək istəyirəm‖ (1982), ―Çörək ağacı‖ (1986), ―Ana laylası‖(1987) və s.
məlumat kitabı, Bakı, 2011. 366
(1952)
Vilayət Quliyev Ağcabədi rayonunun Ağcabədi qəsəbəsində, fəhlə ailəsində anadan olmuşdur. Beyləqan rayonundakı K.Əsədov adına Şahsevən orta məktəbini bitirdikdən sonra ADU-nun fılologiya fakültəsində təhsil almışdır (1970-1975). Üç il orta məktəblərdə Azərbaycan dili və ədəbiyyat müəllimi işləmiş, Azərbaycan EA Nizami adına Ədəbiyyat İnstitutunun aspirantı olmuşdur (1978-1981). "Müasir Azərbaycan nəsrində üslub müxtəlifliyi" mövzusunda namizədlik dissertasiyası müdafıə etmişdir (1982). Nizami adına Ədəbiyyat İnstitutunda kiçik elmi işçi (1981-1985), böyük elmi işçi (1985-1987), elmi işlər üzrə müdir müavini, aparıcı elmi işçi (1987-1994), Azərbaycan Respublikasının xarici işlər naziri (1999-2004) vəzifələrində işləmişdir. Hazırda Azərbaycanın Macarıstanda fövqəladə və səlahiyyətli səfiridir (2004). "Vətən" cəmiyyəti" idarə heyətinin, "Ulduz" jurnalı və "Elm" qəzeti redaksiya heyətlərinin üzvüdür. "Millət" qəzetinin baş redaktoru olmuşdur (1992). "Azərbaycan filoloji fikri və rus ədəbi ictimai mühiti (XIX əsrin birinci yarısında)" mövzusunda doktorluq dissertasiyası müdafıə etmişdir (1990). İctimai-siyasi həyatda fəal çalışmışdır. Azərbaycan Milli İstiqlal Partiyası təşkilat komitəsinin üzvü və siyasi şuranın üzvü (1992-1993) olmuşdur. Həmin dövrdə Türkiyənin Ərzurum şəhərindəki Atatürk Universitetində mühazirələr oxumuşdur. Demokratik İstiqlal Partiyasının birinci katibi seçilmişdir (1994-cü ildən). "Azərbaycan Demokratik Respublikası" kitabını tərtib edib müqəddimə və şərhlərlə nəşr etdirmişdir (1992). Hacı Zeynalabdin adına Azərbaycan Milli mükafatına layiq görülmüşdür (1994). Azərbaycanın dövri mətbuatında 1978-ci ildən çıxış edir. Onun elmi məqalə və rəyləri müxtəlif şəhərlərin (Kazan, Alma-Ata və s.) qəzet və jurnallarında çap olunmuşdur. "Fikrin karvanı", "Ədəbi proses", "Azərbaycan-Avropa ədəbi əlaqələri" və s. kollektiv əsərlərin əsas müəlliflərindəndir. Rus, türk, ərəb, ingilis və fars dillərini bilir.
―Ağaoğlular‖ (1997), ―Tarixdə iz qoyan şəxsiyyətlər‖(2000), ―Açıq sözün hikməti‖ (2001), ―Böyük əkinçi:Həsənbəy Zərdabi‖, ―Tariximiz-taleyimiz‖ (2002) və s.
367
(1932)
Zaman Nəzərəli oğlu Novruzov (Zaman Novruz) Azərbaycanda Kürdəmir rayonunun Axtacı kəndində anadan olmuşdur. Sabirabad şəhər orta məktəbini bitirmişdir (1958). Azərbaycan Dövlət Neft-Kimya İnstitutunun sənaye iqtisadiyyatı fakültəsində (1958-1963) və Azərbaycan Dövlət Universitetinin hüquq fakültəsinin axşam şöbəsində təhsil almışdır (1963-1969). Ədəbi-bədii yaradıcılığa 60-cı illərdən başlamışdır. Dövri mətbuatda 500- dən artıq elmi, elmi-kütləvi məqalələri, publisistik yazıları, hekayə və təmsilləri dərc edilmişdir. ―Azərbaycan kurortları‖ (1965), ―Azərbaycanın canlı sərvətləri və onun mühafizəsi‖ (1983), ―Təbiət səhvləri bağışlamır‖ (1988), ―Xəzərin qiymətli sərvəti‖ (1984), ―Təbiət qisas alarsa‖ (1990), ―Foto çəkməyi necə öyrənməli‖ (1965), ―Bədii fotoqrafiya‖ (1966), ―Məktəbdə foto dərnəyi‖ (1967) kitabları kütləvi tirajla buraxılmışdır. Əsərləri türk, rus, və ingilis dillərində nəfis tərtibatla çap olunmuşdur. ―Azərbaycanın ov ensiklopediyası‖ irihəcmli kitabını tamamlamışdır. ―Əmək veteranı‖ (1987) və bir sıra digər medallarla təltif olunmuşdur. Zaman Novruzov 2004-cü ildə vəfat etmişdir. Kitabları: ―Göy göl‖ (1969), ―Sehrli rənglər‖ (1971), ―İnsan izləri‖ (1982), ―Ovçu çırağı ilə‖ (1986), ―Ovçu insaf elə‖ (1991), ―Canavarın yuxusu‖ (1992), ―Boz qurda vəsiyyət‖ (1992), ―Oran, Qutan və Xosunun lətifələri‖ (1993), ―Xoşunun 207 lətifəsi‖ (1995), ―Bəxt aynası‖ (2000) və s.
368
110 illiyi, (1907-1976) Azərbaycan şairi, dramaturq Mirmehdi Həsənoğlu Seyidzadə 1907-ci il noyabr ayının 11-də Türkmənistanın Aşqabad şəhərində, dənizçi ailəsində anadan olmuşdur. İbtidai təhsilini İranda Məşhəd şəhərində almışdır. 1920-ci ildə ailəliklə Bakıya köçmüş, burada 1921-1925-ci illərdə Pedaqoji texnikumda təhsil almışdır. Ədəbi yaradıcılığa 1925-ci ildə "Şərq qadını" jurnalında çap etdirdiyi "Kənd qızı" adlı ilk şerilə başlamışdır. 1926-1930-cu illərdə Qubadlı və Şəmkir rayon komsomol komitələrində bir il işlədikdən sonra Bakıda kitabxana müdiri olmuşdur. 1930-1932-ci illərdə isə Maarif işçiləri kitabxanasına rəhbərlik etmişdir. Mirmehdi Seyidzadənin 1932-ci ildə ayrıca kitabca şəklində nəşr edilən və mükafata layiq görülən "Şanlı gün" poeması məktəblilər üçün sevimli əsər olmuşdur. Sonra Bakıda onun bir sıra başqa kitabları, o cümlədən "Balaca təyyarəçi", "Ceyran", "Neft haqqında", "Kim güclüdür", "And" kitabları çıxmışdır. O, müasir mövzuda uşaq şerləri və nəğmələri, "Keçəl Səməd" mənzum nağılını yazmışdır. Onun "Nərgiz", "Ayaz", "Qızılquş", "Elsevər" və sairə mənzum pyesləri tamaşaya qoyulmuş, bir neçə şerlərinə isə mahnılar bəstələnmişdir. Azərbaycan Pedaqoji İnstitutunun qiyabi şöbəsində təhsil almış yazıçı 1932-1939-cu illərdə ―Azərnəşr‖də redaktor, şöbə müdiri işləmişdir. 1938-1939-cu illərdə yenidən təşkil olunmuş ―Uşaqgəncnəşr‖ də bədii ədəbiyyat şöbəsinə rəhbərlik etmişdir. Yazıçının Ömər Xəyyam, A.S. Puşkin, Jukovski, Krılov və başqa şairlərdən tərcümələri indi də oxucular tərəfindən sevilə-sevilə oxunur. "Şərəf nişanı" ordeni və medallarla təltif edilmiş, 1958-ci ildə Əməkdar incəsənət xadimi adına layiq görülmüşdür. Mirmehdi Həsənoğlu Seyidzadə 1976-cı il avqust ayının 30- da vəfat etmişdir.
hədiyyəsi‖ (1954), ―Sirli çeşmə‖ (1962), ―Ulduzlar səpələnir‖ (1963), ―Həyat eşqi‖ (1968), ―Nərgiz‖ (1970), ―Qəzəllər‖ (1970), ―Təmsillər‖(1972), ―Yadigar (mənzum nağıl) (1973), ―Qəzəllər‖ (1975), ―Gümüşü qar‖ (1976), Xatırlayarsan məni‖ (1978), ―Bahar duyğuları‖(1979), ―Ağacların şikayəti‖ (1987) və s.
Ensiklopedik məlumat kitabı, Bakı, 2011.
369
90 illiyi, (1927)
Əli İldırımoğlu (Məmişov) Qubadlı rayonunun Əliquluuşağı kəndində, rəncbər ailəsində anadan olmuşdur. 1941-1946-cı ilə qədər rayonun Xıdırlı, Novlu, Xəndək ibtidai, Teymurmüskanlı yeddiillik məktəblərində müəllim işləmişdir. Yüzlərlə oçerk, felyeton, hekayə və povestlərdən ibarət olan "Yazım-yazmayım", "Mayaklar", "Telepat", "Çinarlı", "Dərd", "Silinməz izlər" kitablarının, "Həmin adam", "Közərən sətirlər". "Mənim rəncbər atam'", iki hissədən ibarət olan "Zorən jurnalist", "Aqibət". "Qarlı gecələr", "Daş yağan gün" romanlarının müəllifidir. "Zorən jurnalist" romanının birinci hissəsi ("Eşq, qələm və qovğa" adı altında), "Mənim rəncbər atam", "Aqibət" romanları türk dilinə, "Aqibət" romanı rumın dilinə tərcümə edilib böyük tirajla nəşr olunmuşdur. "Mənim rəncbər atam" romanı İranda ərəb əlifbası ilə nəşr olunmuşdur. 2007-ci ildə onun seçilmiş əsərləri çapdan çıxmışdır. 1941-45-ci illərdə arxa cəbhədə göstərdiyi "Rəşadətli əməyə görə" medalı ilə, Azərbaycan Respublikası Prezidentinin 2007-ci il 16 noyabr tarixli Sərəncamı ilə Azərbaycan ədəbiyyatı və jurnalistikasının inkişafındakı xidmətlərinə görə "Şöhrət" ordeni ilə təltif olunmuşdur. Azərbaycan Yazıçılar Birliyinin üzvüdür. 1988-ci ildə Respublikanın "Əməkdar jurnalisti" adına layiq görülüb. "Qızıl qələm", "Ali Araz", "Ustad jurnalist", Ə.Haqverdiyev adına mükafatların laureatıdır. Türk ədəbiyyatının inkişafında göstərdiyi xidmətlərə görə "Türk Ədəbiyyatına Xidmət" beynəlxalq mükafatına layiq görülmüşdür.
(1994), ―Zorən jurnalist‖ (1995), ―Silinməz izlər‖ (1997), ―Közərən sətirlər‖ (1999), ―Qarlı gecələr‖ (2004), ―Aqibət‖ (2007), ―Daş yağan gün‖ (2010) və s.
Ədəbiyyat: Əhmədov Teymur - “Azərbaycan yazıçıları (XX-XXI yüzillikdə)” Ensiklopedik məlumat kitabı, Bakı, 2011.
370
Aslan Kəmərli (Mustafazadə Aslan Mustafa oğlu) Qazax rayonunun Kəmərli kəndində anadan olmuşdur. Orta məktəbi bitirib (1949-1959), sonra kolxozda çalışmışdır (1959-1960). Bakı Rabitə Texnikumunda təhsilini davam etdirmişdir (1960-1963). Ordu sıralarında xidmət etmişdir (1963-1966). Əmək fəaliyyətinə "Neft daşları" qəzeti redaksiyasında ədəbi işçi kimi başlamış, sonra redaktor işləmişdir (1968-1971), "Azərbaycan gəncləri" qəzeti redaksiyasının xüsusi müxbiri olmuşdur (1971-1977). M.Qorki adına Moskva Ədəbiyyat İnstitutunun poeziya şöbəsini bitirmişdir (1971-1976). "Pioner" jurnalı redaksiyasında məsul katib (1977-1991), "Azərbaycan" qəzetində müxbir, sonra Gəncə-Qazax zonası üzrə xüsusi müxbir olmuşdur (1992-ci ildən). "Qazax" Xeyriyyə Cəmiyyətinin yaradıcılarından biri və ilk sədri olmuşdur. (1992-ci ildən). Ədəbi yaradıcılığa "Xala bənzər", "Dənizdə şəhər" adlı ilk mətbu şeirləri ilə başlamışdır. Həmin lirik şeirləri 1968-ci ildə "Ədəbiyyat və incəsənət" qəzetində çapdan çıxdıqdan sonra dövri mətbuatda müntəzəm çıxış etmişdir. Aslan Kəmərli 1992-ci il oktyabr ayının 21-də avtomobil qəzası nəticəsində vəfat etmiş, doğma kəndində dəfn olunmuşdur. Kitabları: ―Kəndimizin baharı‖ (1976), ―Obamıza yolum düşüb‖ (1979), ―Yadigar şəkil‖ (1981), ―Ömrümə düşən işıq‖ (1984), ―Yolumu gözləyən var‖ (1986), ―Babamın yüz yaşı var‖ (1989), ―Ölümdən o yana‖ (1992) və s.
Ensiklopedik məlumat kitabı, Bakı, 2011.
371
95 illiyi, (1922-2007)
Hüseyn Abbas oğlu Abbaszadə Bakı şəhərində anadan olmuşdur. M.A.Əliyev adına
Azərbaycan Dövlət
Teatr İnstitutunda təhsil almışdır. "Ədəbiyyat və incəsənət" qəzeti redaksiyasında baş redaktor (1966- 1971), ―Göyərçin‖ jurnalı redaksiyasında baş redaktor (1972-1975), Azərbaycan Yazıçılar İttifaqının katibi (1975-1991) vəzifələrində çalışmışdır. Ədəbi fəaliyyətə müharibə illərində cəbhə qəzetlərində çap etdirdiyi şeirlərlə başlamışdır. Mərkəzi jurnal və qəzetlərdə vaxtaşırı çıxış etmişdir. Əsərləri keçmiş SSRİ və xarici ölkə xalqlarının dillərinə tərcümə olunmuşdur. ―Qırmızı Ulduz‖, ―Qırmızı Əmək Bayrağı‖, I dərəcəli ―Böyük Vətən müharibəsi‖, ―Şöhrət‖ ordenləri, 10-dan çox medalla təltif edilmişdir. Xalq yazıçısı, Əməkdar incəsənət xadimi, Azərbaycan Dövlət Mükafatı laureatı, SSRİ Yazıçılar İttifaqı və ÜİHİŞ-in mükafatı laureatı Hüseyn Abbaszadə 2007-ci il dekabrın 12-də Bakı şəhərində vəfat etmişdir.
(1985), ―Nərgizlə Nigarın nağılları‖ (1986), ― Dünyadan gör necə insanlar gedib‖ (1988), ―Burulğanlar‖ (1991), ―Balaca Mehribanın nağılları‖ (1997), ―Qayıdanlardan biri‖ (2003) və s.
məlumat kitabı, Bakı, 2011. 372
3 Noyabr - Rus şairi Samuil Marşakın anadan olmasının 130 illiyi, (1887-1964) Rus şairi, dramaturq, tərcüməçi, ədəbi tənqidçi Samuil Yakovleviç Marşak Voronejdə anadan olmuşdur. Gənc Samuilin poetik dəftərlərindən biri məşhur rus ədəbi tənqidçisi V.V.Stasovun əlinə düşür və o, gənc şairin taleyində mühüm rol oynayır. Onun köməyi ilə Peterburqa gələn Marşak burada ən yaxşı gimnaziyalardan birində oxuyur. 1904-cü ildə Stasovun evində Maksim Qorki ilə tanış olur və o, Marşakı Yaltadakı bağ evinə dəvət edir. 1907-ci ildən əsərləri çap olunmağa başlayır. 1911-ci ildə Yaxın Şərqə səyahətə çıxır və burada gördüklərinin təsiri ilə ―Fələstin‖ adı altında şeirlər silsiləsini qələmə alır. 1920-ci ildə Yekatinodarda yaşayan S.Marşak Rusiyada uşaqlar üçün ilk teatrı yaradır və bu teatr üçün pyeslər yazır. 1923-cü ildə uşaqlar üçün ilk şeir kitablarını nəşr etdirir (―Cekin tikdiyi ev‖, ―Qəfəsdəki uşaqlar‖, ―Axmaq siçan balası haqqında nağıl‖). 1922-ci ildə Petroqrada köçən Marşak ―Vorobey‖ uşaq jurnalını yaradır, bir neçə il bəzi nəşriyyatlara rəhbərlik edir. 1938-ci ildə Moskvaya köçür. 1960-cı ildə avtobioqrafik ―Həyatın başlanğıcında‖ povestini, 1961-ci ildə poetik ustalıq haqqında məqalə və qeydlərdən ibarət ―Sözlə tərbiyə‖ kitabını çap etdirir. S.Marşak özünün 50 ildən artıq ədəbi fəaliyyəti dövründə həm felyetonlarını, həm də ciddi, ―böyüklər üçün‖ lirikasını yazmaqda davam etmişdir. Uşaqlar üçün ―On iki ay‖, ―Bəladan qorxan, xoşbəxtliyi görməz‖, ―Pişiyin evi‖, ―Kral və əsgər haqqında nağıl‖, ―Niyə ayın paltarı yoxdur‖, ―Naməlum qəhrəman haqqında hekayə‖ poemasının və s. əsərlərin müəllifidir. O, bir çox dünya klassiklərinin əsərlərini rus dilinə tərcümə etmişdir. Özünün əsərləri də bir çox dillərə tərcümə olunmuşdur. Samuil Marşak 4 iyul 1964-cü ildə Moskvada vəfat etmişdir.
373
(1907-2002) Məşhur İsveç yazıçısı, uşaqlar üçün ―Balaca və damda yaşayan Karlson‖ və Uzuncorab Peppi haqqında trilogiya kimi dünya şöhrəti qazanmış əsərlərin müəllifi Astrid Lindqren (qızlıq soyadı Eriksson) Stokholm şəhərində anadan olmuşdur. Özünün çox xoşbəxt uşaqlıq keçirdiyini qeyd edən yazıçı, onun yaradıcılığının ilham qaynağının da məhz uşaqlığının olduğunu vurğulayırdı. Astrid Lindqrenin öz sözlərinə görə, ―Uzuncorab Peppi‖ (1945) əsərinin yaranmasında qızı Karinə borcludur. Belə ki, balaca Karin xəstə olarkən, anası hər axşam ona müxtəlif nağıllar, əhvalatlar danışırdı. Bir gün Karin adını uydurduğu Uzuncorab Peppi haqqında əhvalat istəyir. Yazıçı heç bir şərtiliyə tabe olmayan kürənsaçlı qız haqqında hekayələr danışmağa başlayır. Bir dəfə o, bu hekayələri toplayaraq öz əli ilə kitab şəklində hazırlayır. Buradakı illüstrasiyalar da onun özünə məxsus olur. O, bu kitabı nəşriyyata göndərir, lakin onlar əlyazmanı geri qaytarırlar. Lakin bu, onu ruhdan salmır. 1944-cü ildə ―Raben və Şöqren‖ nəşriyyatının uşaq əsərləri ilə bağlı elan etdiyi müsabiqədə iştirak edir və ―Britt-Mari ürəyini boşaldır‖ (1944) əsərinə görə ikinci mükafatı və onun çapı üçün müqaviləni əldə edir. 1945-ci ildə həmin nəşriyyatdan redaktor işi üçün təklif alan Astrid işə düzəlir və ömrünün sonuna qədər orada işləyir. Onun bütün kitabları da həmin nəşriyyatda çap olunur. Bütünlükdə onun 70-dən çox əsəri var. 1940-1950-ci illərdə xüsusilə fəal işləyən yazıçı xəfiyyə Kalle Blyumkvist haqqında trilogiya, nağıllar və mahnıar topluları, detektivlər və s. qələmə alır. Yazıçı 1954-cü ildə özünün ilk nağılvari povesti olan ―Mio, mənim Miom‖ əsərini çap etdirir. Onun növbəti trilogiyası olan ―Balaca və damda yaşayan Karlson‖ əsərinin ilk kitabı 1955-ci ildə çap olunur. 1962-ci ildə ―Damda yaşayan Karlson yenə uçub gəldi‖, 1968-ci ildə ―Damda yaşayan Karlson yenidən dəcəllik edir‖ kitabları işıq üzü görür. Astrid Lindqrenin əsərləri teatrlarda tamaşaya qoyulmuşdur və qoyulmaqda davam edir. Bu əsərlər dəfələrlə ekranlaşdırılmış, əsasında cigi filmləri çəkilmişdir. Astrid Lindqren 28 yanvar 2002-ci ildə Stokholmda vəfat etmişdir. Uşaq ədəbiyyatının görkəmli nümayəndəsi olan A.Lindqren Hans Xristian Andersen medalı və bir çox ölkələrin ədəbiyyat sahəsindəki mükafatları ilə təltif olunmuşdur.
Yüklə 13,5 Mb. Dostları ilə paylaş:
|