1.2. Mühasibat uçotu sistemində uzunmüddətli aktivlərin uçotu və qarşısında
duran vəzifələr
Mövcud əməliyyatlar və dəyişikliklər zamanı uzunmüddətli aktivlərlə bağlı
əsas məqsəd, Maliyyə əməliyyatları üzrə hesabatlarda bu istiqamətdə şəffaflıqla
cavabdehliyin ödənməsindən ibarətdir.
Şəffaflıq ifadəsi, müəssisədə cari halı, qərarlarla fəaliyyət üzrə
informasiyanın maliyyə əməliyyatları üzrə hesabatları istifadçilər üçün dəqiq
formada çatdırılması, anlaşılan olmasını ifadə edir. Cavabdehlik ifadəsi isə maliyyə
əməliyyatları üzrə hesabatları hazırlayan heyətə həvalə olunan resursların idarə
edilməsi, həm də onların qəbul etdikləri qərarlarla bağlı məsuliyyəti üzərinə
götürməsinin vacibliyini nəzərdə tutmaqdadır.
20
Uzunmüddətli aktivlərin daşıdığı iqtisadi mahiyyət, habelə onların
təsnifatının konseptual əsasları hazırlanacaq hesabatlarda bu hesabatların geniş
saylı istifadçiləri tərəfindən effektiv iqtisadi qərarların verilməsi və reallaşması
naminə mühasibat uçotunun subyektlərinin maliyyə vəziyyəti, həmçinin apardığı
fəaliyyətinin nəticələri və mövcud maliyyə vəziyyətində yaşanan dəyişikliklər
haqqında vacib hesab olunmuş informasiyanın sistemli formada təmin edilməsidir.
Ümumiyətlə, uzunmüddətli akivlərdə daxil olmaqla bu istiqamətdə
hazırlanmış maliyyə əməliyyatları üzrə hesabatların istifadçiləri müəssisənin
rəhbərliyi, sərmayədarları, borcverənlər və kreditorlardan, bundan başqa muzdlu
işçilər, analitiklər, məsləhətçilər, hökumət ilə cəmiyyətdən, habelə işgüzar sferada
olan təmas qruplarından formalaşır. Bu qruplarla onlar üçün zəruri olan
informasiya ehtiyacı aşağıda göstərilən kimi təsvir oluna bilər
(Mühasibat uçotunun
hesablar planı və onun tətbiqinə dair Təlimat, “Kapital Audit Ltd” MMC, Bakı 2007, s.20-23):
Səhmdar qrupu. Səhmdarlar qrupuna cari mülkiyyətçilər ilə potensial
mülkiyyətçilər, habelə konvertasiya edilən qiymətli kağızlar, səhmlərlə bağlı
varrantların; opsion müqaviləsinin sahibi aid edilir. Bu qrupda olan üzvlər
müəssisə sərmayəsinin alınıb satılması, ya da tutularaq saxlanılması ilə əlaqədar
düzgün qərarın qəbulu məqsədilə zəruri görülən informasiya ilə təmın edilməlidir.
Borcverən qrupu. Qeyd edilən qrupda veksellə istiqrazların cari sahibləri ilə
potensial sahibləri, eyni zamanda təminatlı qısa müddətli borc verən subyektlər
və bu qaydada təminatsız olaraq borc verən subyektlər aid edilir. Borcverənlər
borclarla faizlərin zamanında və tam məbləğdə ödənilməsi haqqında informasiya
verilməlidir.
Muzdlu işçi qrupu. Müəssisədə keçmiş zamanda və hazırda işləyən, həm də
gələcəkdə işləyə biləcək əməkdaşlar bu qrupa aid edilir. Bu qrupda olan üzvlər
müəssisənin stabilliyinin, onun işçilərinə verilən əmək ödənişlərinin və bu iş
yerindən ayrıldıqdan sonra pensiyaların alınmasının, həm də işçi heyətinin
məşğulluğunun təmininin mümkün imkanları üzrə faydalı məlumatlara sahib
olmaqda maraqlı olurlar.
21
Məsləhətçi və analitiklər qrupu. Maliyyə üzrə ekspertlər, tətqiqatçılar bu qrupa
aiddir. Bu qrup müəssisədə gələcək dövrdə mənfət və pul resurslarını əldə etmək
fürsətini dəyərləndirmək məqsədilə zəruri informasiya ilə təmin etməlidir.
İşgüzar təmas yaradan qrup. Tədarükçülər, istehlak qrupu və başqa məqsədli
subyektlər bu qrupa daxil edilir.
Hökumət. Təsərrüfat fəaliyyətinə nəzarəti icra edən dövlətin və yerli hakimiyyət
qurumları daxildir. Bu qrupun üzvləri müəssisənin fəaliyyətini tənzimləmək üçün
tələb olunan müvafiq informasiyalarla təmin olunmalıdır.
Cəmiyyət. Müəssisənin apardığı fəaliyyət nəticəsində təmas qurulan ya da maraq
qruplarını geniş qaydada təmsil edən qrumlardır. Maliyyə əməliyyatları üzrə
hesabatlarla cəmiyyət üzvlərini təşkilatın müxtəlif sferalarında fəaliyyəti ilə bağlı
hadisələr, tendensiyalar və yaşanan dəyişikliklərlə bağlı məlumatla təmin edərək,
ictimaiyyətə köməkçi ola bilir.
Uzunmüdətli aktivlərlə bağlı məlumatların münasib görülməsi üçün
zamanında təqdim olunması vacibdi. Təqdim edilən zaman səbəb olmadan
ləngimələrə imkan yaradan informasiyaya öz münasibliyini qoruması lazımdır.
Ancaq
bəzən,
informasiyaların zamanında təqdim edilməsi məqsədilə
əməliyyatlarda və digər hadisələrdə bütün aspektlərin tam müəyyənlşməsinə kimi
hesabat vermək zərurəti yarana bilir. Bu da öz növbəsində maliyyə əməliyyatları
üzrə hesabatlarda verilən informasiyaların etibarlılıq dərəcəsinin aşağı düşməsinə
səbəb ola bilir. Bunun əksinə olaraq, hesabatın verilməsi zamanı bütün zəruri
xüsusiyyətlər müəyyən olunana qədər gecikdirilərsə, həmin məlumat yüksək
səviyyədə etibarlı, ancaq bundan öncə qərarı qəbul etməli olan istifadçilər
baxımından çox faydalı ola bilmir.
Müəssisədə rəhbərlik uzunmüüdətli aktivlərin də əks olunsuğu maliyyə
hesabatının vaxtında və düzgün formada təqdim edilməsi və etibarlığından əldə
ediləcək nisbi səmərənin tarazlığını təmin edəcəkdir. Tarazlığın əsasən təmin
olunması, maliyyə əməliyyatları üzrə hesabatların standartda təyin edilən
müddətdə təqdimi deməkdir.
22
Uzunmüddətli aktivlərin alt bölmələrində sistemləşdirilmiş və maliyyə
əməliyyatları üzrə hesabatlarda göstərilmiş informasiyadan əldə ediləcək səmərə
həmin informasiyanın tərtibi ilə əlaqədar xərcdən çox olmalıdı. Buna görədə,
maliyyə əməliyyatları üzrə hesabatlarda əhəmiyyətsiz olacaq informasiyanın
verilməsinə ehtiyac yoxdu
(Ə.Sadıqov,Bakı 2015, s.22-24).
Yəni keyfiyyətin xüsusiyyətləri arasında tarazlığı qorunması zəruridir.
Təcrübədə keyfiyyətin xüsusiyyətləri arasında olan tarazlığın əldə edilməsi mühim
göstəricilərdən olaraq hesab edilə bilər. Maliyyə əməliyyatları üzrə hesabatların
vəzifələrinin icra oluması və effektiv reallaşması üçün keyfiyyətin xüsusiyyəti
arasında zəruri tarazlıq səviyyəsinə çatmaq məqsədəuyğun olardı. Müxtəlif
vəziyyətlərdə, keyfiyyətlərin nisbi olaraq mühimlüyü peşəkar fikirlərin predmetini
formalaşdırır.
Müəssisədə fəaliyyətin fasiləsizliyinin təmin edilməsi konsepsiyası
müəssisədə fəaliyyətin davamlı olacağını və həmin fəaliyyətin durdurulması ya da
fəaliyyətin həcmində əhəmiyyətli səviyyədə ixtisara düşməsinin zəruriliyinin ya da
istəyinin olmadığını nəzərə alır. Əsasən, maliyyə əməliyyatları üzrə hesabatların
hazırlandığı dövrdə aktivlərlə öhdəliklərin ilk dəyəri, aparılan qiymətləndirmənin
əsası olaraq istifadə ediləcəkdir. Müəssisədə fəaliyyətin fasiləsiz olması haqqında
ehtimal mövcud aktivlərlə öhdəliklərin ilk dəyəri üzrə qiymətləndirmənin tətbiq
olunmasına zəmin yaradacaqdır.
Təşkilatın ləğv edilməsi ilə bağlı bir ehtimal olduğu halda, aktivlərin
qiymətləndirmə əsası olaraq bu aktivləri əldə etmək üçün ayrılmış xərclər deyil,
onlarda ehtimalı planlaşdırılan satış həcminin dəyərindən, başqa sözlə, aparılmış
satışlarla bağlı xərclər çıxıldıqdan sonrakı qiymətin istifadə edilmiş olması daha
düzgün olar. Belə ki, əgər təşkilatın yaxın dövr ərzində ləğv edilməsi gözlənilsə,
aktivlərin ehtimal edilən satış dəyəri təşkilat tərəfindən üzərinə götürülmüş
öhdəliklərin yerinə yetirilməsi məqsədilə tələb yaranan pul resurslarının gözlənilən
axını haqqında daha düzgün məlumat təmin edir
(S.M.Səbzəliyev, R.Ş.Hacıyev, Bakı
2003, s.51).
23
Müəssisədə uzunmüddətli aktivlərin amortizasiya olunması təkcə onun
fəaliyyəti zamanı stabillik vəziyyəti yarandıqda, məqsədəmüvafiq hesab oluna
bilir. Müəssisənin fəaliyyətinin ləğv edilməsi qaçılmaz olarsa, aktivlərin
qısamüddətli aktivlər və uzunmüddətli aktivlər olaraq təsnifləşdirilməsi
məqsədəuyğun olmazdı. Yəni, bu zaman, sıralanan aktivlərin hamısının ləğv
edilməsi gözlənilən qısa müddətli aktivlərlə əlaqədar hesab ediləcəkdir.
Öhdəliklərlə bağlı qeyd edildikdə isə, maliyyə ıməliyyatları üzrə hesabatların
istifadçiləri nəzərə alınaraq həmin öhdəliklərin müəssisənin kreditorlarına
ödənişlərinin prioritetlərinə uyğun təsnif edilməsi onların, əsasən, qısamüddətli
öhdəliklər ilə uzunmüddətli öhdəliklər olaraq təsnifatının aparılmasından daha
faydalı hesab oluna bilir.
Mühasibat uçotu üzrə əməliyyatlarda uzunmüdətli aktivlərin uçotu haqqında
hazırlanmış
maliyə
hesabatlarında
keyfiyyət
xüsusiyyətlərini
müxtəlif
istiqamərlərdə sistemləşdirmək olar
(Mühasibat uçotunun hesablar planı və onun tətbiqinə
dair Təlimat, “Kapital Audit Ltd” MMC, Bakı 2007, s.25).
Keyfiyyətin xüsusiyyətləri
hazırlanan maliyyə hesabatında əks edilən informasiyaları istifadçilər üçün daha
faydalı edəcək aşağıda göstərilən əsas faktorlardan ibarətdi (Sxem 3.).
Dostları ilə paylaş: |