Al-lulu vəl-mərcan
Təşrik Günləri Minada Gecələməyin Vacib Olması, Su
Yüklə 5,61 Mb. Pdf görüntüsü
|
- Bu səhifədəki naviqasiya:
- Lə ilahə illəllahu vəhdəhu lə şərikə ləh
|
828. İbn Ömər demişdir: “Abbas İbn AbdulMuttəlib Mina gecələrində hacılara su vermək (şərəfinə nail olmaq) məqsədilə Məkkədə gecələmək üçün Peyğəmbərdən izn istədi, o da ona izn verdi.” (Buxari 1634, Muslim 3238, 1315/346)
352
829. Əli rəvayət edir ki, Peyğəmbər mənə qurbanlıq heyvanlarına baxmağımı və bu heyvanların ətlərini, dərilərini (kasıblara) paylamağı və qəssablara bu heyvanlardan heç bir şey verməməyi əmr etdi”. (Buxari 1717, Muslim 3241, 1317/348)
830. Abdullah İbn Ömər dəvəsini yerə çökdürüb kəsmək istəyən bir nəfəri görüb dedi: “Onu ayağa qaldır, Peyğəmbərin Sünnəsinə müvafiq qayda üzrə – ayaq üstə, həm də ayaqları bağlı olduğu halda (kəs).” (Buxari 1713, Muslim 3255, 1320/358)
Harama Göndərməsinin Müstəhəb Olması Və Qurbana Nişan Vurulması (Boynuna İp Bağlayaraq) Müstəhəb Olması, Göndərən Kimsənin Ehrama Girməməsi Və Ona Heç Bir Şeyin Haram Olmaması
353 831. Aişə deyir ki, Peyğəmbərin qurbanlıq heyvanlarını (seçilsin deyə) öz əlimlə (boyunlarını) iplə bağladım. Sonra Peyğəmbər nişanlanmış qurbanlıq heyvanlarını göndərdi. Onun qurbanı kəsilənə qədər Allahın ona halal etdiyi heç bir şey ona haram olmadı”. (Buxari 1696, Muslim 3261, 1321/362)
832. Aişəyə xəbər verdilər ki, İbn Abbas belə demişdir: “Kim qurbanlıq heyvanlarını (Məkkəyə) göndərərsə, hacılara haram olan şeylər, qurbanlar kəsilənədək ona da haram olur.” Aişə: “(Xeyr,) İbn Abbasın dediyi kimi deyil. Mən Peyğəmbərin qurbanlıq heyvanlarının iplərini öz əllərimlə hördüm. Sonra Peyğəmbər öz əlləri ilə heyvanların boynuna nişan taxdı. Daha sonra onları atamla (Məkkəyə) göndərdi. Buna rəğmən, qurbanlıq heyvanları kəsilənədək Allahın Öz peyğəmbərinə halal buyurduğu şeylər ona haram edilmədi.” (Buxari 1700, Muslim 3268, 1321/369)
833. Əbu Hureyra rəvayət edir ki, Peyğəmbər bir nəfərin qurbanlıq heyvanı apardığını görüb: “Dəvəyə min!” deyə buyurdu. Adam: “Bu, qurbanlıq dəvədir” dedi. (Peyğəmbər): “Dəvəyə min!” deyə buyurdu. Adam: “Bu, qurbanlıq dəvədir” dedi. (Peyğəmbər) ikinci və ya üçüncü dəfə: “Vay sənin halına, dəvəyə min!” deyə buyurdu. (Buxari 1689, Muslim 3271, 1322/371)
834. Ənəs rəvayət edir ki, Peyğəmbər bir nəfərin qurbanlıq heyvanı
354 apardığını görüb: “Dəvəyə min!” deyə buyurdu. Adam: “Bu, qurbanlıq dəvədir” dedi. (Peyğəmbər): “Dəvəyə min!” deyə buyurdu. Adam: “Bu, qurbanlıq dəvədir” dedi. (Peyğəmbər) üçüncü dəfə: “Dəvəyə min!” deyə buyurdu. (Buxari 1690, Muslim 3275, 1323/373)
Boynundan Düşməsi
835. İbn Abbas demişdir: “(Həcc ziyarətində olan) insanlara son (ayin) olaraq Kəbəni təvaf etmək əmr edilmişdir. Yalnız heyzli qadınlar üçün bu (hökm) yüngülləşdirilmişdir.” (Buxari 1755, Mulim 3284, 1328/380)
836. Peyğəmbərin zövcəsi Aişədən rəvayət edilir ki, o, Peyğəmbərə: “Ya Rəsulullah, Səfiyyə Bint Huyey heyz oldu” deyə xəbər verdi. Peyğəmbər: “O, bizi ləngidə bilər. Məgər o, sizinlə bərabər təvaf etmədimi?” dedi. Onlar: “Bəli” deyə cavab verdilər. Peyğəmbər: “Elə isə çıx!” deyə buyurdu. (Buxari 328, Muslim 3290, 1211/385)
837. Aişə deyir ki, Səfiyyə (Minadan) çıxma gecəsi heyz oldu. (Xəstəliyə görə həcci tamamlamayıb) sizi yolunuzdan saxlayacayam. Peyğəmbər: “Ay boğazıva ağrı, bədəninə sancı olsun! Sonra Səfiyyə nəhr günü İfadə təvafı etdimi?” deyə soruşdu. Ona: “Bəli” deyildi. Peyğəmbər: “O, zaman (Məkkədən) çxın” deyə buyurdu. "Hay kesici ve kökten kazıyıcı kadın! (Buxari 1771, Muslim 3292, 1211/387)
355 Həcc Edən Və Ya Qeyriləri Üçün Kəbəyə Daxil Olub Orada Namaz Qılması, Dua Etməsinin Müstəhəb Olması
838. Abdullah İbn Ömər rəvayət edir ki, Peyğəmbər Kəbəyə daxil oldu və (onunla birgə) Üsamə İbn Zeyd, Bilal və Osman İbn Təlhə əl-Həcəbi də (oraya daxil oldular), bundan sonra (Osman İbn Təlhə) Kəbənin qapısını bağladı və Peyğəmbər (bir müddət) orada qaldı. Bilal bayıra çıxanda mən ondan: “Peyğəmbər orada nə etdi?”- deyə soruşdum. O dedi: “(Peyğəmbər orada) sol tərəfində bir sütun, sağ tərəfində bir sütun və arxa tərəfində üç sütun qaldığı halda namaz qıldı. O vaxt (müqəddəs) Ev altı sütun üzərində idi. Digər hədisdə (Bilal) “sağ tərəfində iki sütun” olduğunu demişdir. (Buxari 505, Muslim 3294, 1329/388)
839. İbn Abbas demişdir: “Peyğəmbər Kəbəyə daxil olduqda onun hər tərəfində dua etdi və oradan çıxanadək namaz qılmadı. Oradan çıxanda üzünü Kəbəyə çevirib iki rükət (namaz) qıldı və: “Qiblə budur” dedi. (Buxari 398, Muslim 3301, 1330/395)
840. Abdullah İbn Əbu Əufə demişdir: “Peyğəmbər ümrə ziyarətini yerinə yetirdi, Kəbəni təvaf etdikdən sonra İbrahim məqamının arxasında iki rükət namaz qıldı. (Bu əsnada) onun yanında insanları (onun qarşısından keçməyə) qoymayan adamlar var idi.”Bir nəfər Abdullahdan: “Peyğəmbər Kəbənin içinə daxil oldumu?” deyə soruşdu. Abdullah: “Xeyr” deyə cavab verdi. (Buxari 1600, Muslim 3303, 1332/397)
356 Kəbənin Sökülərək Yenidən Tikilməsi
841. Aişə rəvayət edir ki, Peyğəmbər mənə buyurdu: “Sənin qövmün küfrdən yeni çıxmış olmasaydı Beyti sökər və onu İbrahimin təməli üzərində bina edərdim. Şübhəsiz ki, Qureyş Beytin binasını qısaltmış və Beyt üçün bir Xalf (çıxış, qapı) etmişdir”. (Buxari 1585, Muslim 3312, 1333/404)
842. Peyğəmbərin zövcəsi Aişə rəvayət edir ki, Peyğəmbər mənə xitabən buyurdu: “Qövmün (Qureyşin) Kəbəni inşa edərkən İbrahimin qoyduğu bəzi təməlləri tərk edərək qısaltdıqlarını bimirsənmi?”. Mən: “Ya Rəsulullah! Kəbənin divarlarını (İbrahimin təməlləri) üzərinə qaytarmaq olmazmı?” dedim. Peyğəmbər: “Qövmün küfrdən yeni çıxmış olmasaydı mən bunu edərdim” deyə buyurdu. Abdullah (İbn Ömər): “Aişə bu sözü Rəsulullahdan eşitmişdir: “Mən Rəsulullahın Qara daşa yaxın olan Kəbənin iki küncünə əli ilə məst etdiyini tərk etdiyini görməmişəm, hətta Beyt İbrahimin təməlləri üzərində tamam olmamışdır. (Buxari 1583, 3368, 4484, Muslim 3306, 1333/399)
843. Aişə demişdir: “Mən Peyğəmbərdən : “Divar 56 Kəbədəndirmi?” deyə soruşdum. O: “Bəli” dedi. Mən soruşdum: “Bəs nə üçün onlar bunu Kəbəyə
56 Divar deyildikdə Kəbənin yanında yerləşən yarımdairəvi şəkilli, hündür olmayan divar nəzərdə tutulur.
357 birləşdirməmişlər?” O buyurdu: “Sənin həmtayfalarının buna maddi imkanı çatmamışdır.” Mən soruşdum: “Bəs nə üçün Kəbənin qapısını yuxarı qaldırmışlar?” Dedi: “Onlar bunu ona görə belə etmişlər ki, dilədikləri kimsəni (Kəbənin) içinə buraxsınlar, dilədiklərini də buraxmasınlar. Əgər sənin qövmün cahiliyyət dövrünə yaxın bir zamanda yaşamasaydı və (müqəddəs Evin quruluşunun dəyişilməsinin) onlarda nifrət oyadacağından qorxmasay- dım, mən divarı Kəbəyə birləşdirər, qapını da yerdən qoyardım.” (Buxari 1584, 7243, Muslim 3313, 1333/405)
Kimsənin Yerinə Həcc Etmək
844. Abdullah İbn Abbas demişdir: “Fədl (İbn Abbasın qardaşı) Peyğəmbərin tərkinə minmişdi. Bu əsnada Xəsəm qəbiləsindən bir qadın (onların yanına) gəldi. Fədl o qadına, o da Fədlə baxmağa başladı. Belə olduqda Peyğəmbər Fədlin üzünü başqa tərəfə çevirdi. Qadın dedi: “Ya Rəsulullah! Allah Öz qullarına həcc ziyarətini elə bir vaxtda vacib buyurmuşdur ki, (artıq) atam qocalmış və minik üzərində oturmağa halı qalmamışdır. Belə olduqda, mən onun əvəzinə həcc edə bilərəmmi?” Peyğəmbər: “Bəli!” deyə buyurdu. Bu hadisə vida həccində baş vermişdir. (Buxari 1513, 1855, Muslim 3315, 1334/407)
845. Fadl İbn Abbas rəvayət edir ki, Xəsəm qəbiləsindən Vəda həcci zamanı bir qadın gəlib dedi: “Ya Rəsulullah! Allah qulları üzərinə həcc etməyi fərz etmişdir. Atam ixtiyar adamdır, hansıki minik üzərində dayana bilmir. Mən onun yerinə həcc edə bilərəmmi?” dedi. Peyğəmbər: “Bəli” deyə buyurdu. (Buxari 1854, Muslim 3315, 1334/407)
358
846. Əbu Hureyrə, AbdurRahmən İbn Saxr rəvayət edir ki, Peyğəmbər buyurdu: “Mən sizə nə öyrətmişəmsə onunla kifayətlənin. Həqiqətən sizdən əvvəlki ummətləri çox sual vermələri və Peyğəmbərlərinə müxalif olmaları həlak etdi. Sizə nəyi qadağan etsəm ondan çəkinin, nəyi əmr etmişəmsə ondan bacardığınız qədər yerinə yetirin» 57 . (Buxari 7288, Muslim 3221, 1337/412)
847. İbn Ömər rəvayət edir ki, Peyğəmbər buyurdu: “Məhrəmi yanında olmadığı halda qadın üç gün belə səfərə çıxmaz”. (Buxari 1087, Muslim 3327, 827/417)
848. Peyğəmbərlə birlikdə on iki döyüşdə iştirak etmiş Əbu Səid demişdir: “Peyğəmbərdən eşitdiyim bu dörd şey məni təəccübləndirmiş və mənim xoşuma gəlmişdir:– qadın, yanında əri və ya məhrəmi olmadan iki günlük səfərə çıxmamalıdır;– orucluq və qurban bayramlarında oruc tutmaq olmaz;– iki namazdan sonra – əsr namazından sonra ta gün batanadək və sübh namazından sonra ta gün çıxanadək namaz qılmaq olmaz; – üç məsciddən – Məscidülhəramdan, mənim məscidimdən və Məscidüləqsadan – başqa heç bir
57 Bu hədisin əvvəli belədir: Peyğəmbər buyurdu: «Ey insanlar! Allah üzərinizə Həcc etməyi fərz qıldı, artıq siz də Həcc edin». Bir nəfər: «Ey Allahın Rəsulu, hər il Həcc edək?» Peyğəmbər susdu. Həmin şəxs sualını bir neçə dəfə təkrarladı. Peyğəmbər: «Əgər mən hə desəm, sizə hər il Həcc etmək vacib olardı. Sizin də buna gücünüz çatmazdı…».
359 yerə (ibadət məqsədilə) səfərə getmək olmaz.” (Buxari 1864, Muslim 3450, 1397/511)
849. Əbu Hureyra rəvayət edir ki, Peyğəmbər buyurdu: “Allaha və Axirət gününə iman gətirən qadına yanında bir məhrəmi olmadan bir gün və bir gecəlik səfərə çıxmaq halal deyildir.” (Buxari 1088, Muslim 3332, 1339/421)
850. İbn Abbas Peyğəmbərin belə dediyini eşitmişdir: “Heç bir kişi (naməhrəm) bir qadınla təklikdə qalmamalı və heç bir qadın yanında məhrəmi olmadan səfərə çıxmamalıdır!” Bu vaxt bir nəfər ayağa qalxıb dedi: “Ya Rəsulullah, mən filan (döyüşdə iştirak etmək üçün) orduya yazılmışam, zövcəm isə həcc ziyarəti üçün yola çıxmışdır”. Peyğəmbər: “Get, zövcənlə birlikdə həcc ziyarətini yerinə yetir!” (Buxari 3006, Muslim 3336, 1341/424)
851. Abdullah İbn Ömər rəvayət edir ki, Peyğəmbər döyüşdən, həcdən və ya ümrədən qayıdarkən (yol üstü) hər dəfə yüksəkliyə qalxdıqda üç dəfə təkbir gətirər, sonra da deyərdi: “Lə ilahə illəllahu vəhdəhu lə şərikə ləh, ləhulmulku və ləhulhəmdu və huvə alə kulli şeyin qədir. Ayibunə, taibunə, abidunə, sacidunə li Rabbinə hamidun. Sədəqallahu və'dəhu, və nəsəra abdəhu və həzəmələhzabə vəhdəhu - Allahdan başqa məbud yoxdur, O təkdir, Onun şəriki yoxdur. Mülk Onundur və həmd Ona məxsusdur! O hər şeyə Qadirdir. (Biz) geri dönənlər, tövbə edənlər, ibadət edənlər, səcdə edənlər və Rəbbimizə həmd edənlərik! Allah vədinə sadiq oldu, quluna kömək etdi və
360 (düşmənlərdən olan) dəstələri tək Özü məğlub etdi!”. (Buxari 1797, 2995, 4116, 6385, Muslim 3343, 1344/428)
Namaz Qılmaq
852. Abdullah İbn Ömər rəvayət edir ki, Peyğəmbər Zul Huleyfədə düzəngah bir yerdə dəvəsini yerə çökdürdü və orada (iki rükət) namaz qıldı. (Hədisi danışan ravi) demişdir: “Abdullah İbn Ömər də belə edərdi.” (Buxari 1532, Muslim 3347, 1257/430)
853. İbn Ömər rəvayət edir ki, Peyğəmbər Zul Huleyfədəki vadidə dayanarkən yuxuda ona: “Sən mübarək vadidəsən” deyilmişdir. Ravi Musa İbn Uqbə deyir ki: “Həcc səfərlərinin birində Səlim İbn Abdullah, atası Abdullah İbn Ömərin vaxtıyla dəvəsinin çökdüyü yeri araşdıraraq bizi ora gətirdi ki, İbn Ömərin Rəsulullah Vida həccinə gedərkən bu vadidə dəvəsindən enib gecələdiyi yerdir – deyə araşdıraraq buraya gəlib endiyini Səlim görmüşdür. Vadinin içində olan məscidin alt tərəfində idi. Vadi ilə yol arasında tam orta bir yerdədir”. (Buxari 1535, Muslim 3351, 1346/434)
361 854. Əbu Hureyra rəvayət etmişdir ki, vida həccindən öncəki (ildə) Peyğəmbər Əbu Bəkri camaata başçı təyin edib həcc ziyarətinə göndərdiyi zaman – Qurban günü Əbu Bəkr onu bir dəstə adamla birlikdə (Mina vadisinə) göndərdi ki, gedib (oradakılara) elan edək ki, gələn ildən heç bir müşrik həcc ziyarətinə gəlməyəcək və heç kəs lüt-üryan Kəbəni təvaf etməyəcəkdir.” (Buxari 1622, Muslim 3353, 1347/435)
855. Əbu Hureyra rəvayət edir ki, Peyğəmbər buyurdu: “Ümrə ziyarəti, növbəti ümrəyədək arada olan (kiçik günahlar üçün) kəffarədir. Qəbul olunmuş həccin mükafatı isə ancaq Cənnətdir.” (Buxari 1773, Muslim 3355, 1349/437)
856. Əbu Hureyrə rəvayət edir ki, Peyğəmbər buyurdu: “Kim günah etmədən (söz və əməl) olaraq Allahın evini həcc edərsə geri anası onu doğruğu kimi (günahlardan) təmizləmiş qayıdar”. (Buxari 1819, 1820, Muslim 3357, 1350/438)
Olaraq Alınması
857. Üsamə İbn Zeyd demişdir: “Ya Rəsulullah, harada qalacaqsan? Məkkədə öz evindəmi (qalacaqsan)?”. Peyğəmbər: “Məgər Əqil bir ev qoyub
362 ki, (orada qalım)?!”. Əqil və (qardaşı) Talib Əbu Talibin mirasını (özlərinə) götürmüşdülər. Cəfər və Əli müsəlman olduqları üçün mirasdan onlara heç bir şey verilməmişdi. Əqil və Talib kafir idilər” (Buxari 1588, Muslim 3360, 1351/439)
Bitirdikdən Sonra Üç Gün Məkkədə Qalmasinin İcazəli Olması
858. Əla İbn Hədrəmi rəvayət edir ki, Peyğəmbər buyurdu: “Mühacir (həcc ayinlərini tamamlayıb geri qayıtdıqda Məkkədə) yalnız üç gün qala bilər” (Buxari 3933, Muslim 3365, 1352/443)
Ağacının Və Davamiyyətli Sahibini Axtaran İstisna Olmaqla Onda İtən Bir Şeyi Götürməyin Haram Olması
859. İbn Abbas rəvayət edir ki, Peyğəmbər Məkkənin fəthi günü demişdir: “(Bu gündən etibarən artıq) hicrət yoxdur. Lakin cihad etmək və niyyət vardır. Əgər sizi cihada çağırsalar, tələsin! Həqiqətən bu şəhər Allah göyləri və yerləri yaratdığı gündən haram edilmişdir. Allahın haram etməsilə Qiyamət gününə qədər haramdır. Məndən əvvəl burada öldürmək kimsə üçün halal olmamışdır. Mənim üçün də gündüzün bir saatından başqasında halal olmamışdır. Bu şəhər Allahın haram etməsilə Qiyamət gününə qədər haramdır. Buranın dikanı belə kəsilməz, ov heyvanı da hürküdülməz,
363 tapıntısını sahibindən başqası əl uzadıb götürə bilməz, yaşıl otları qoparılmaz. İbn Abbas: “Ya Rəsulullah! İzxir (gözəl iyli) bitkisi bundan müstəsna olsun. Çünki İzxir bitkisi Məkkəlilərin dəmirçiləri üçün və evləri üçün lazımlıdır”. Peyğəmbər: “İzxir mustəsna”. (Buxari 1834, 3189, Muslim 3368, 1353/445)
860. Əbu Şureyh rəvayət edir ki, mən Məkkənin fəthinin ertəsi günü Rəsulullahın dediyi sözləri eşitdim. O sözləri mənim bu qulaqlarım eşitdi, qəlbim duydu və o, bu sözləri söyləyərkən gözlərim onu gördü. (Peyğəmbər) Allaha həmd edib Onun şəninə təriflər dedikdən sonra belə buyurdu: “Məkkənin toxunulmaz olduğunu insanlar deyil, məhz Allah buyurmuşdur. Odur ki, Allaha və Axirət gününə iman gətirən adama orada nə qan tökmək, nə də bir ağac baltalamaq halal olmaz. Əgər kimsə Allahın Elçisinin orada döyüşdüyünü əlində əsas tutaraq buna rüsxət versə, (ona): “Allah Öz elçisinə izn vermişdir, sizə isə izn verməmişdir” deyin. O, mənə yalnız bu günün bir saatında belə etməyə izn verdi və bu gün (Məkkə), yenə də dünənki kimi toxunulmaz oldu. Qoy burada olanlar (eşitdiklərini) aramızda olmayanlara təbliğ etsinlər.” (Buxari 104, 1832, 4295, Muslim 3370, 1354/446)
861. Əbu Hureyrə rəvayət edir ki, Uca Allah Peyğəmbərə Məkkənin fəthini müyəssər etdikdən sonra insanlar içərisində ayağa qalxaraq Allaha həmd səna etdikdən sonra buyurdu: “Allah (Əbrəhənin) fillərini Məkkəyə girməkdən həbs etmişdir. Rəsulunu və möminləri də (bir dəfə olaraq) Məkkə əhalisinə göndərmişdir. Məkkə məndən öncə heç bir kimsə üçün halal olmamışdır. Mənim üçün də gündüzün bir saatından başqasında halal olmamışdır. Məndən sonra heç bir kimsə üçün əbədiyyən halal olmayacaqdır.
364 Buranın dikanı belə kəsilməz, ov heyvanı da hürküdülməz, tapıntısını sahibindən başqası əl uzadıb götürə bilməz, yaşıl otları qoparılmaz. Hər kimin adamı öldürülərsə o, iki şeydən hansı daha xeyirlidirsə onu istəyə bilər. Ya qan pulu alır, ya da qisas olur”. İbn Abbas: “Ya Rəsulullah! İzxirdən başqa. Çünki bizlər onu qəbirlərimizdə və evlərimizin inşasında istifadə edirik” dedi. Peyğəmbər: “İzxirdən başqa” deyə buyurdu. Bundan sonra Yəmənli bir kimsə Əbu Şah ayağa qalxaraq: “Bunları mənim üçün yazın Ya Rəsulullah!” dedi. Peyğəmbər: “Bunları Əbu Şah üçün yazın” deyə buyurdu. (Buxari 2434, Muslim 3371, 1355/447)
862. Ənəs İbn Malik rəvayət edir ki, Peyğəmbər zəfər (Fəth) ilində (Məkkəyə) daxil olduqda başında dəbilqə var idi. O, dəbilqəni başından çıxartdıqda bir nəfər gəlib dedi: “İbn Xətəl Kəbənin örtüyündən yapışıb 58 (aman
diləyir).” Peyğəmbər: “Öldürün onu!” deyə buyurdu. (Buxari 1846, 3044, Muslim 3374, 1357/450)
Yüklə 5,61 Mb. Dostları ilə paylaş:
|