2-lekciya. Tema: Turmıs háreketi qáwipsizliginiń huquqıy tiykarları Jobası

228-statya. Túngi jumıslarda, jumıs waqtınan tısqarı jumıslarda, dem alıw kúnlerindegi jumıslarda hayallar miynetin qollanıw hám hám olardı miynet saparına jiberiwdi sheklew.
Hámiledar hayallardı hám on tórt jasqa tolmağan balları (16 jasqa tolmağan mayıp balası) bar hayallardı olardıń razılığısız túngi jumıslarğa, jumıs waqtınan tısqarı jumıslarğa, dem alıw kúnlerindegi jumıslardı isletiwge hám xızmet saparına jiberiwge jol qoyılmaydı. Usınıń menen birge hámiledar hayallardı hám 3 jasqa tolmağan balası bar hayallardı túngi jumıslarda isletiwge bunday jumıs ana hám balanıń salamatlığı ushın qáwip tuwdırmaslığın tastıyıqlawshı medicinalıq sheshim bolğan jağdaylarda ğan jol qoyıladı.
Jámiyetlik hám miynet shártnamaları. Ózbekstan Respublikasınıń miynet kodeksiniń 29-56 hám 72-113-moddalarına tiykarlanıp miynet múnásibetlerin tártipke salıw ushın jámiyetlik hám miynet shártnamaları dúziledi hám administraciyağa tómendegi wazıypalar júklenedi:
- Salamat hám qáwipsiz jumıs jağdayların támiyinlew;
-Kásip keselliklerin hám jaraqatların eskertiwshi zamagóy qáwipsizlik texnika quralların inam etiw;
-Jumısshı xızmetkerlerdi biypul korjoma hám qorğanıw quralları menen támiyinlew;
- Zıyanlı jumıs sharayatlarında sút hám arnawlı awqatlar menen támiyinlew;
-Medicinalıq kóriklerdi óz waqtında ótkerip turıw;
- Talapnamalardıń barlıq túrlerin óz waqtında ótkerip turıw.
29-statya. Kollektiv shártnamaları hám kelisimleriniń túsinigi hám maqseti. Kollektiv shártnaması - kárxanada jumıs beriwshi menen xızmetkerler ortasındağı miynetke tiyisli, siyasiy ekonomikalıq hám kásipke tiyisli múnásibetlerdi tártipke salıwshı normativ hújjet.
Kollektiv kelisimi — anıq kásip, tarmaq, aymaq xızmetkerleri ushın miynet shártleri, jumıs penen támiyinlew hám siyasiy kepilliklerdi belgilewdegi majburiyatlardı óz ishine alıwshı normativ hújjet.
Kollektiv shártnamaları hám kelisimleri xızmetkerler menen jumıs beriwshiniń miynetke tiyisli múnásibetlerin shártnama tiykarında tártipke salıwğa hám olardıń siyasiy ekonomikalıq máplerine járdem beriw maqsetinde dúziledi.