2-lekciya. Tema: Turmıs háreketi qáwipsizliginiń huquqıy tiykarları Jobası

120-statya. Jumıs háptesi túrleri. Jumıs waqtı rejimi. Jumıs háptesiniń túri (eki kún dem alınatuğın bes kúnlik jumıs háptesi yamasa bir kún dem alınatuğın altı kúnlik jumıs háptesi) hám jumıs háptesi rejimi (kúndelikli jumıs waqtınıń (smenanıń) múddeti, jumıstıń baslanıw hám tamamlanıw waqtı, jumıstağı tánepisler waqtı, sutka dawamındağı smenalar sanı, jumıs kúnleri hámde islemeytuğın kúnlerdiń náwbet penen almasıwın, xızmetkerlerdiń smenadan smenağa ótiw tártibi) kárxanada ishki miynet tártibi qağıydaları, basqa lokal normativ hújjetler menen, bul hújjetler bolmağanda bolsa, — xızmetker menen jumıs beriwshiniń kelisimine muwapıq belgilenedi.
Xızmetkerdi sutkasına eki smena dawamında jumıs isletiw qadağan etiledi.
Hayal qızlar miynetin qorğaw. Hayallar miynetin qadağalaytuğın qolaysız miynet jağdaylarındağı jumıslardıń dizimi hám júklerdi kóteriwde, jáne gúzgi qısqı normalastırılğan júklerdiń sanitariya normaları, hámiledar hayallar jeńil jumıslarğa yamasa jumıs saatı tolıq bolmağan jumıs orınlarına ótkeriw miynet kodeksi hám miynetti qorğaw boyınsha nızamlar hám basqa normativlik hújjetler tiykarında talaplarğa juwap beriwi shárt.
225-statya. Hayallar miynetinen paydalanıw qadağan etiletuğın jumıslar. Miynet jağdayı qolaysız jumıslarda, sonday-aq jer astı jumıslarında hayallar miynetin qollanıw qadağan etiledi, jer astındağı bazı jumıslar (fizikalıq bolmağan jumıslar yamasa sanitariya hám xojalıq xızmet kórsetiw jumısları) bunnan tısqarı emes.
Hayallardıń olar ushın múmkin bolğan normadan artıq júkti kóteriwleri hám tasıwları qadağan etiledi. Hayallar miynetin qollanıw qadağan etiletuğın miynet jağdayı qolaysız jumıslardıń dizimi hám de olar kóteriwleri hám tasıwları múmkin bolğan júk normalarınıń shegarasın Ózbekstan Respublikası Miynet hám xalıqtı sociallıq qorğaw ministrligi hám Ózbekstan Respublikası den sawlıqtı saqlaw ministrligi, Ózbekstan kásiplik awqam Federatsiyası Keńesi hám jumıs beriwshiniń wákillikleri máslahatın alğan halda tastıyıqlaydı.
226-statya. Hámiledar hayallardı jeńil yamasa qolaysız islep shığarıw tásirinen awlaq bolğan jumısqa ótkeriw. Medicinalıq juwmaqqa muwapıq hámiledar hayallardıń islep shığarıw normaları, xızmet kórsetiw normaları kemeytiriledi yamasa olar dáslepki jumıslarda ortasha aylıq is haqı saqlanğan halda jeńil qolaysız islep shığarıw tásirinen awlaq bolğan jumıslarğa ótkeriledi.