2-lekciya. Tema: Turmıs háreketi qáwipsizliginiń huquqıy tiykarları Jobası

Isshi nızamshılıqqa muwapıq basqa huqıqlarǵa da iye bolıwı múmkin.
Isshi:
miynetti qorǵaw máseleleri boyınsha texnika tárepinen tártipke salıw tarawındaǵı normativ hújjetler hám normativ-huqıqıy hújjetler talaplarına ámel etiwi;
- jeke qorǵanıw quralların tuwrı qollanıw;
- miynetti qorǵaw boyınsha jol-jobalar alıwı, miynetti qorǵaw máseleleri boyınsha oqıwdan hám qánigeligin joqarılatıwdan ótiwi;
- adamlardıń ómiri hám salamatlıǵına tuwrıdan-tuwrı qáwip tuwdırıwshı hár qanday jaǵday haqqında, sonday-aq, miynet etiw processinde yamasa onıń menen baylanıslı halda sádir bolǵan hár qanday baxıtsız hádise haqqında is beriwshini dárhál xabardar qılıwı shárt.
Isshiniń wazıypasında nızamshılıqqa muwapıq basqa májbúriyatlarda bolıwı múmkin.
23-stat`ya. Is beriwshiniń miynetti qorǵaw tarawındaǵı huqıqları hám májbúriyatları. Is beriwshi tómendegi huqıqlarǵa iye:
- xızmetshilerden miynetti qorǵawǵa hámde islerdi qáwipsiz alıp barıwǵa tiyisli normalar, qaǵıydalar hám kórsetpelerge ámel etiwin talap qılıw;
- xızmetshilerdiń alkogolli ishimlikten, náshebentlik zat yamasa toksikologiyalıq zat tásirinen más halında ekenligin anıqlaw ushın olardı tekseriwden ótkeriw;
- xızmetshiler óndiriste alǵan jaraqatlanıwlardıń awırlıq dárejesi, xızmetshilerde olardıń jaraqatlanıwına alıp keliwi múmkin bolǵan kesellik barlıǵı haqqında, sonday-aq, olardıń alkogolli ishimlikten, náshebentlik zatı yamasa toksikologiyalıq zat tásirinen más halatda ekenligi haqqında maǵlıwmatlar alıw;
- miynetti qorǵawǵa tiyisli talaplarǵa ámel etiliwi ústinen mámleketlik qadaǵalaw hám tekseriwdi ámelge asırıwshı organlardıń qararları, olar mánsabdar shaxslarınıń háreketleri (háreketsizligi) ústinen tuwrı sudqa yamasa boysınıwshı tártibinde joqarı turıwshıi organga yaki mánsabdar shaxsqa arz qılıw;
- miynetti qorǵawǵa tiyisli talaplarǵa ámel qılǵanlıǵı ushın xızmetshilerdi sıylıqlaw hám materiallıq xoshametlew is-ilapjların kóriw;
- miynetti qorǵawǵa tiyisli talaplardı buzǵanlıqta aybdar xızmetshilerdi intizam juwapkerlikke tartıw.