3. Biznesin qurulacağı yerin seçilməsinə təsir edən amillər Biznesin qurulacağı yerin seçilməsində aşağıdakı amillər diqqətlə təhlil edilməli və səmərəlilik, gəlirlilik və qənaət meyarları kontekstində nəzərə alınmalıdır:
Bazara yaxınlıq: Xidmət ediləcəyi nəzərdə tutulan bazarın demoqrafik xüsusiyyətləri, sosial - iqtisadi xüsusiyyətləri və bazarın inkişaf potensialı təsis yerinin seçimində nəzərə alınmalı olan amillərdir. Mal və xidmət istehsalına deyil, satışına diqqət yetirən müəssisələr üçün bazara yaxın olmaq istehlakçıların istədiyi miqdarda və vaxtda satış şansını artıran amil kimi qəbul edilməlidir.
Xammal: Nəqliyyat və daşınma xərcləri xammalla bağlı nəzərə alınmalı olan mühüm amillərdir. Daşınma zamanı asanlıqla xarab ola bilən və ya çürüyə bilən materialların xammal kimi istifadə edilməsi halında müəssisələr mümkün qədər xammal mənbələrinə yaxın yerlərdə qurulmalıdırlar
İşçi qüvvəsi və əmək məsrəfləri:Bu gün avtomatlaşdırmanın genişlənməsi və texnologiyanın inkişafı nəticəsində işçi qüvvəsinə ehtiyac qismən azalsa da, istehsal prosesində insan amilinin tamamilə maşınlarla əvəzlənəcəyini gözləmək olmaz. İşçi qüvvəsi əmək tutumlu müəssisələr üçün çox vacib element hesab edilməklə yanaşı, kapital tutumlu müəssisələr üçün də əhəmiyyətini qoruyub saxlayır.
4. Məkan yeri ilə bağlı təkmilləşdirmələr Müəssisələrin yaradılması və yerləşdirilməsinin müəyyən edilməsi yuxarıda qeyd olunduğu kimi, diqqətlə tədqiq olunmalı və araşdırılmalıdır. Ən münasib müəssisə yerinin seçilməsi zamanı toplanma, dağılma və mütəşəkkil sənaye zonaları adlandırılan təkanverici fəaliyyət ola bilər.
Toplanma problemi Müəssisələrin qurulma qərarı verilərkən qeyd olunan amilləri mümkün qədər bir araya gəldiyi bölgələri seçirlər. Həqiqətən də, bəzi regionlar yerləşmə amilləri baxımından o qədər zəngin inkişaf etmişdir ki, onlar demək olar ki, biznes üçün cəlbedicilik yaradırlar. Bu mənada müəssisələrin müəyyən bir bölgədə yerləşmə amillərinin birgə mövcudluğu ilə cəlb olunaraq həmin bölgədə məskunlaşması toplanma adlanır.