PLAN: 1. Biznesin təsis edilməsi şərtləri 2. Biznes təhlilləri: 3. Biznesin qurulacağı yerin seçilməsinə təsir edən amillər 4. Məkan yeri ilə bağlı təkmilləşdirmələr 5. Biznesin ölçüsünün müəyyən edilməsi 1.Biznesin təsis edilməsi şərtləri Yaxşı biznes ideyası, lazımi resursları, bəlkə də ən əsası biznes qurmaq bacarığı olan şəxs və ya insanlar biznes dediyimiz sosial-texniki strukturları qurmaq üçün bir sıra araşdırmalar aparmalıdırlar. Araşdırma və təhlil aparmadan biznes qurmaq çox risklidir və bu, təkcə biznesi quran şəxsi və ya insanları deyil, bütün cəmiyyəti narahat edəcək nəticələri meydana çıxara bilər. Biznes ideyasının yaranması anından biznesin ilkin qurulması mərhələsinə qədər aparılan tədqiqat və araşdırmalara müəssisələrin təsisi tədqiqatları deyilir. İlk öncə yeni bir biznes qurmaq istəyən şəxsin və ya insanların yerinə yetirməli olduğu şərtləri araşdırmaq faydalı olacaq:
Yaxşı ideya
Yaxşı fürsət
Rahat Yer
Uyğun vaxt
İşin həyata keçirilməsi üçün tələb olunan resursların təmin edilməsi
İnvestisiyaların təşviq edilməsi Uğurlu bir işə başlamaq üçün lazım olan pul vəsaiti müxtəlif təyinatlı investisiyalar şəklində cəlb oluna bilər:
Hər hansı bir məhsulun yaradılması və ya təkmilləşdirilməsinə yönəldilən pul və digər maddi vəsaitlər;
Müəyyən bir dövrdə ölkədə mövcud olan ümumi istehsal vasitələrinə və ya mövcud kapital fonduna olunan əlavələr;
İstehsal prosesini təmin etmək və ya təkmilləşdirmək üçün sahibkarlar tərəfindən qoyulan vəsaitlər .
2.Biznes təhlilləri Biznes yaradılarkən aşağıdakılar araşdırılmalıdır:
-Bazarın öyrənilməsi və tələbin proqnozlaşdırılması,
-Biznesin həcminin (gücünün) müəyyən edilməsi,
-Biznesin qurulacağı yer və qərarlaşdığı region.
Qurulması planlaşdırılan biznes üçün həm layihələndirmədən əvvəl, həm də layihənin yekun mərhələsində iqtisadi, texniki, maliyyə və hüquqi təhlillər aparılmalıdır.