|
Hər hansı bir məsələ barəsində danışılarkən (və ya yazılarkən) müəyyən məntiqi ardıcıllığa riayət olunmalıdır. Başqa cür desək, fikrin ardıcıllıgı məntiqə əsaslanmalıdır.
Belə bir ardıcıllıqla şərh olunan material və ya söylənilən fıkir yaxşı dinlənilir, asan başa düşülür. Əks halda nitqdə rabitə pozulur, fikirdə ümumi bir qarışıqlıq yaranır, deyilənlər çətin anlaşılır, yadda qalmır.
Danışan (yazan) əsas və ikinci dərəcəli məsələləri bir-birindən ayırmağı bacarmalıdır. Natiq şərhində əsas məsələ üzərində xüsusi dayanmalı söhbətin mahiyyətini dinləyiciyə çatdırmalıdır. Onun nəzərdə tutduğu məsələdə ikinci dərəcəli fikirlər əsas fıkrin izahına, anlaşılmasına kömək etməlidir. Amma bəzən nitqdə bu tələbə əməl olunmur. Danışan az əhəmiyyətli məsələlər üzərində daha çox dayanır, mənasız uzunçuluğa yol verir ki, belə nitqdə fikir zəif və natamam ifadə olunur. Əsas fıkrini çatdıra bilməyən natiqin nitqi, şərhi maraqsız olur, dinləyici belə söhbətdən tez can qurtarmağa çalışır.
Natiqin öz sözü, öz cümləsi olmalı, o öz düşüncəsi, üslubi ilə danışmalıdır. Özgə dili ilə, cümlələri ilə danışmaq nitqin nitqinin keyfıyyətini aşağı salır.
Dostları ilə paylaş: |
