Sun’iy intellekt (SI) - hisoblash mashinalari (HM) ning insonlarga intellektli bo‘lib ko‘rinadigan narsalarni qilishiga imkon beradigan kontsepsiyalar haqidagi fan. Inson intellekti o‘zi nima? U fikrlash qobiliyatiga egami? U bilimlarni o‘zlashtirish va qo‘llash qobiliyatiga egami? U g‘oyalarni almashish va ular bilan ishlash qobiliyatiga egami? Shubhasiz, bu barcha qobiliyatlar intellektning qismini tashkil etadi. Lekin bu so‘zga oddiy ma’noda ta’rif berib bo‘lmaydi. chunki intellekt - bu ma’lumotlarni qayta ishlash va tasvirlash sohasidagi bilimlarning qorishmasidir[1].
«Sun’iy intellekt»tushunchasi dastlab AQShda paydo bo‘ldi va sekin-asta boshqa davlatlarda ham keng ko‘llanila boshlandi.
1956 yil AQShda komp’yuter va dasturlash sohasidagi 10 nafar amerikalik yetakchi mutaxassisning birinchi uchrashuvi bo‘lib o‘tdi. Usha paytda mutaxassislardan ko‘pchiligi yaqin o‘n yil ichida sun’iy aql yaratilishi mumkinligini taxmin qilardi. Chorak asrdan keyin, ya’ni 1981 yili sun’iy intellekt bo‘yicha Kanadada bo‘lib o‘tgan Halqaro konferensiyada birinchi uchrashuvning o‘nta katnashchisidan beshtasi qilingan bashoratlar o‘ta optimistik bo‘lganligini, muammolar esa anchagina murakkab ekanligini tan olishdi. Shunday bo‘lsa-da bu yo‘nalishda ko‘pgina ilmiy va amaliy natijalarga erishilgani qayd etildi. Hozirgi kunda sun’iy intellektni yaratish bo‘yicha ilmiy ishlar ko‘pgina davlatlarda olib borilyapti.
