Mövzu Psixodiaqnostika anlayışı onun məzmunu və vəzifələri. Plan
Konstruktivliyin yoxlanılması üsulu
Yüklə 0,94 Mb.
|
|
Konstruktivliyin yoxlanılması üsulu-müxtəlif elmi istiqamətləri olan müstəqil müşahidəçilərin uyğun nəticələrinin nümayişinə nail olunur. Ancaq bu nəticələr əvvəlcədən quraşdırılmamalıdır.
Kliniki-psixoloji müayinənin başlıca vəzifələri: Müayinə edilənin vəziyyətinin qiymətləndirilməsi; Pozuntuların diferensial diaqnostikası; Əlamətlərin təzahürünün müəyyənləşdirilməsi; Psixikanın müəyyən sahələrinin və şəxsi keyfiyyətlərinin tətqiqi; Terapevtik prosesin nikbinləşdirilməsi; Vəziyyətə dinamik müşahidənin monitorinqi; Psixoterapevtik istiqamət; Qeyd etmək lazımdır ki, psixoloji diaqnoz psixiatrik diaqnozla tam mənada eyni deyil. Psixoloji testlər eyni adamda geniş və ya kompleks şəkildə tamamilə müxtəlif psixi xüsusiyyətləri müəyyən etməyə imkan verir. Klinik təcrübədə konkret xəstəyə ünvanlanan müalicənin şəxsi xüsusiyyətlər nəzərə alınmaqla düzgün terapevtik tədbirlərinin seçilməsi də az əhəmiyyət kəsb etmir. Psixoloji metodları tətbiq etməklə klinisistlər standart bayağı sxemləri təyin etməkdən yayına və terapevtik prosesin düzgün məcraya yönəlməsinə nail ola bilərlər. 5. Keçmiş sovetlər birliyi məkanında test metodu psixologiya və pedoqogika elmlərində bir tədqiqat metodu kimi nəzərdən keçirilsə də, uşaq və yeniyetmələrin istedad və qabiliyyətlərinin kəmiyyətcə ölçülməsində testlərdən demək olar ki, istifadə olunmurdu. Adamların eksperimental-psixoloji diaqnostikası, onların müxtəlif psixi imkanlarını testlər vasitəsilə öyrənilməsi hal-hazırda geniş yayılmaqdadır. Son onilliklərdə psixodiaqnostik metodlardan biri kimi testlərə maraq yenidən genişlənməkdədir. Bir çox psixoloq və pedaqoqlar şəxsiyyəti öyrənmək üçün klassik testlərə qayıtmaqdan başqa yolun olmadığı fikrini irəli sürdülər (32, 20). İndi psixologiyada diaqnostik metodlardan biri kimi test metodunun imkanları artır və onun tətbiqi sahələri çox geniş fəaliyyət dairəsini əhatə edir.
Psixodiaqnostik əlamətlər (bunları vasitəsiz şəkildə müşahidə etmək və qeydə almaq mümkündür). Psixodiaqnostik kateqoriyalar (daxili, gizli psixoloji faktorlar, psixoloji səbəblərdir ki, bunlar insanın müəyyən davranışının və xüsusiyyətini şərtləndirir). Psixoloji diaqnozun çətinliyi ondan ibarətdir ki, əlamətlər və kateqoriyalar arasında adətən möhkəm qarşılıqlı birqiymətli əlaqələr olmur. İlkin psixodiaqnostik əlamətlərin əldə edilməsi üçün istifadə olunan texnoloji üsullar və metodlar, onların diaqnostik kateqoriyalara məntiqi yolla sintez edilməsi psixodiaqnostikanın inkişafının başlıca predmeti və məhsuludur. İntellektual inkişafın, xüsusi qabiliyyətlərin, insanlarda peşə yararlığı üçün tələb olunan psixoloji keyfiyyətlərin, o cümlədən şəxsiyyət keyfiyyətlərinin, motivləşmə sferasının diaqnostikası üçün psixodiaqnostik metodikaların geniş və zəngin bazası tələb olunur. Bu cəhətdən psixodiaqnostikada istifadə olunan metodları iki əsas qrupa ayırmaq olar: standartlaşdırılmış test metodları; kliniki ekspert metodları. Psixodiaqnostika psixoloji biliklərin və metodların elə sistemidir ki, onun vasitəsilə insanın insanın psixi proseslərini, xassələrinin və vəziyyətinin kəmiyyət və keyfiyyət baxımından qiymətləndirilməsi həyata keçirilir. O, XIX əsrin sonlarında psixologiya elminin sahələrindən biri kimi meydana gəlmişdir. Bu sahədə görkəmli psixoloqlar B.Ştern, A.Bine, C.Kettel, F.Qalton, Q.Ebbinhauz və başqalarının xüsusilə böyük xidmətləri olmuşdur. Uşaqların əqli inkişaf səviyyəsinin diaqnostik metodlarını işləyib hazırlamış fransız psixoloqu A.Bine və onun əməkdaşları xüsusilə diqqətəlayiq xidmətlər göstərmişlər. Onlar 1905-1911-ci illərdə diaqnostik ölçülərə söykənən intellektin inkişaf şkalasını tərtib etmişdilər. Psixodiaqnostika psixologiya elminin qarşısında duran vəzifələri həll etmək üçün diaqnostik metodikaların səmərəli sistemini işləyib hazırlamağa xidmət edir. Hal-hazırda psixodiaqnostika öz tətbiqi sahələrinə görə ixtisaslaşmış çoxsaylı metodikalara malikdir. Psixologiya elminin ayrı-ayrı sahələrinin aviasiya psixologiyası, hərbi psixologiya, pedoqoji psixologiya, tibbi psixologiya, neyropsixologiya, patopsixologiya, siyasi psixologiya, ticarət psixologiyası, sosial psixologiya və s. kimi sahələrinin hər birinin psixodiaqnostikmetodlar sistemi yaranmışdır. Diferensial (latınca “differentiya” –fərq ) psixologiyada, psixoloji xidmət sistemində psixodiaqnostik metodlardan xüsusilə test metodunun çoxsaylı variantlarından istifadə edilir. Qeyd etmək lazımdır ki, hal-hazırda testin minlərlə növləri vardır. Testlər insanın psixi proseslərinin, xassələrinin, vəziyyətlərinin, şəxsiyyətlərarası münasibətlərin və psixikanın kütləvi hadisələrinin öyrənilməsi üçün dəyərli alət hesab olunur. Testlər bankı olduqca zəngindir. Onları bir neçə qrupa ayırmaq olar : Müvəffəqiyyət testləri . Bu testlər sınanılan şəxsdə konkret bilik, bacarıq və vərdişlərin mənimsənilməsi səviyyəsini aşkara çıxarmağa xidmət edir. Onlar öz strukturu və məzmunu etibarı ilə xüsusi qabiliyyət testlərinə yaxındır. Lakin müvəffəqiyyət testlərinin xüsusi qabiliyyət testlərindən fərqi ondan ibarətdir ki, onlar müxtəlif həyat təcrübəsində yaranan, konkret məzmun kəsb etməyən, ümumiləşdirilmiş bacarıqları müəyyənləşdirir. Müvəffəqiyyət testlərinin 3 əsas növü var: fəaliyyət testləri; yazılı testlər; şifahi testlər. Fəaliyyət testləri sınanılan şəxsin mexanizmlər, materiallar, alətlət və avadanlıqlarla işi yerinə yetirmək bacarıqlarının müəyyənləşdirilməsini aşkara çıxarmaq üçün nəzərdə tutulmuşdur. Yazılı müvəffəqiyyət testləri xüsusi blanklarda suallar əsasında tərtib olunur. Bu testlərdə sınanılan şəxsə ya suala verilmiş bir neçə cavabdan düzgün variantı seçmək, ya da sualda göstərilən situasiyanı qrafikdə düzgün qeyd etmək, ya da qoyulan sualın həllinə uyğun situasiyanı və ya detalı verilmiş şəkildə düzgün tapmaq tələb olunur. Şifahi müvəffəqiyyət testləri öz strukturuna görə irəlicədən hazırlanmış suallardan ibarətdir. Sınanılan şəxs həmin suallara uyğun variantdan birini düzgün seçməklə cavab verməlidir. Müvəffəqiyyət testlərindən ümumi, orta və peşə təlimi sistemində, ali və orta ixtisas məktəblərinə qəbul zamanı geniş istifadə olunur. İntellekt testləri : İntellekt ( latınca “intellectus” – anlama, dərketmə) testləri müasir dövrdə inkişaf etmiş Avropa ölkələrində, ABŞ-da və digər ölkələrdə uzun onilliklərdir ki, geniş şəkildə tətbiq olunur. Bu testlər vasitəsilə sınanılan şəxslərin verbal (sözlü), qrafik və ədədi materiallar üzrə əməliyyatları mənimsəməsi səviyyəsi aşkara çıxarılıb qiymətləndirilir. İntellektual testlərin mənşəyini adətən fransız psixoloqu Alfred Binenin və onun əməkdaşlarının tərtib etdiyi testlər seriyası ilə əlaqələndirirlər. Bu testlərin nəticələri adətən İQ adlanan ədədi intellektual əmsallarda əks olunur. Hal-hazırda intellekt testlərinin insanın əqli inkişaf səviyyəsini nə dərəcədə düzgün əks etdirməsi məsələsi diskussiya doğuran problemlərdən biri kimi qalmaqda davam edir. Bununla belə, intellekt testlərindən klinik praktikada şəxsin əqli inkişaf anomaliyalarının, onun ümumi və diferensial diaqnostikasını həyata keçirmək məqsədi ilə istifadə olunur. İntellekt testləri ümumi və xüsusi qabiliyyət testlərinə ayrılır. Ümumi qabiliyyətlərə bütün insanlara məxsus olan duyma, qavrama, yaddasaxlama, düşünmə və s. Xüsusi qaniliyyətlərə isə heç də hamıya müyəssər olmayan keyfiyyətlər (məsələn, musiqi duyumu, dəqiq görmə, poetik qavrayış, riyazi mühakimə, obrazlı nitq və s.) aid edilir. Qabiliyyət testinə aid cədvəl
Cədvəl 2 Kreativ testlər: Kreativ testlər (latınca “creatio” –yaradıcılıq) şəxsiyyətin yaradıcılıq qabiliyyətinin öyrənilməsi və qiymətləndirilməsi üçün metodikalar sistemidir. Qabiliyyət dedikdə qeyri-adi, yeni ideyalar yaratmaq, təfəkkürün ənənəvi sxemlərindən uzaqlaşmaq, problem situasiyanı orijinal yolla həll etmək bacarığı nəzərdə tutulur. Qabiliyyətlərin xüsusi tipi kreativlik adlanır. Bu testlər vasitəsi ilə şəxsiyyətin qabiliyyətlərinin, yaradıcı fəaliyyət amillərinin öyrənilməsi iki əsas istiqamət üzrə gedir: Yaradıcı şəxsiyyətin fərdi xüsusiyyətləri və həyat təcrübəsinin təhlili; 2. Yaradıcı təfəkkürün və onun fəaliyyət məhsullarının təhlili (kreativlik amilləri- təfəkkürün itiliyi, aydınlığı, çevikliyi, problemlərə həssaslıq, orijinallıq, onların həllində ixtiraçılıq ünsürləri və s.) Kretivlik qabiliyyətinin intellektdən birbaşa asılığı məsələsi hələlik psixologiya elmində öz həllini tapmamışdır. Kreativliyin ölçülməsi üçün etibarlı üsullar da hələlik mövcud deyildir. Belə ki, əgər kreativ testin (müvafiq tapşırığın) həlli insanda yaradıcı qabiliyyətlərin mövcudluğu üçün bir sübut kimi qəbul edilirsə, onun həll edilməməsi belə bir qabiliyyətin olmadığına sübut kimi qəbul edilməlidir. Bəzən elə olur ki, böyük kəşflər etmiş adamlar o qədər də dərin olmayan bir problemin ətrafında çaşıb qalırlar. Yaş dəyişkənliyi, xarici təsir amilləti uğurlu yaradıcı fəaliyyət haqqında nikbin proqnozlar əldə etməyə imkan yaratmır. İnsan maraqlarının bütün sahələrinə aid yaradıcı nailiyyətlər, hər bir konkret sahədə şəxsiyyətin xassə və qabiliyyətlərinin mürəkkəb əlaqələrini nəzərə almağı tələb edir. Proyektiv testlər: Proyektiv testlər (latınca “protektion” - irəliyə atılma) şəxsiyyəti bütöv öyrənmə metodikalarından biridir. Bu testlər şəxsiyyətin psixi proseslərinin əvvəlki və gələcəyə istiqamətlənmiş gözlənilən nəticələrinə istinad edir (məsələn, rəssamın çəkdiyi şəklin onun şəxsiyyət keyfiyyətlərinə uyğunluğu ). Müasir test texnologiyasında proyektiv testlərdən az istifadə olunur. Lakin bu olduqca qiymətli test növü olub, yaradıcı şəxsiyyətin daxili aləmini öyrənməyə imkan yaradır. Proyektiv testlərin iki əsas növü-assosiativ (məsələn, tamamlanmamış cümlələr və hekayələr ) və ekspressiv (psixodrama, sərbəst mövzuda rəsm, oyunlar və s.) fərqləndirilir. Geniş yayılmış assosiativ testlərdən biri psixoloq Q.Rorşax tərəfindən işlənmişdir. O, sınanılan şəxslərdə daha xarakterik reaksiya doğura biləcək 10 stimul kimi mürəkkəb ləkələrini seçmişdir. Sınanılan şəxslərə ardıcıl olaraq bu ləkələr göstərilir və ondan soruşulur ki, bu ləkələr nəyə bənzəyir, ona nəyə xatırladır? Bir çox psixoloqlar proyektiv testləri qiymətli şəxsiyyət testləri hesab edirlər. Çünki, onlar şəxsiyyətin fərdiyyətini daha dərindən öyrənməyə, onun emosional xüsusiyyətlərini, nevrotik reaksiyalarını aşkara çıxarmağa və s. Imkan verir. Proyektiv testlərin üstünlüklərindən biri də subyektin daxili aləminin açmağı asanlaşdırmasındadır. Adi şəraitdə adətən təzahür etməyən mürəkkəb şəxsi keyfiyyətlər testin həlli ilə əlaqədar yaradılmış situasiyada üzə çıxa bilir. Proyektiv testlər psixoloqdan geniş nəzəri hazırlıq və praktik təcrübə tələb edir. Kriteriyalara əsaslanan testlər: Kriteriyalara əsaslanan testlər (latınca “kriterion” – mülahizə üçün vasitə deməkdir) psixoloji diaqnostikanın metodlarından biridir. Onların vasitəsilə hər hansı fəaliyyətlə (təlim, peşə və s.) məşğul olan şəxsin müəyyən qrup tapşırıqları yerinə yetirmə səviyyəsi öyrənilir. Bu testin əsas məqsədi sınanılan şəxs tərəfindən məsələlərin hansı qrupunun asan, hansının çətin həll edildiyini və yaxud həll edilə bilmədiyini aşkara çıxarmaqdır. Buna uyğun olaraq, testlərin hazırlanması zamanı məntiqi-psixoloji təhlil əsasında konkret peşə və ya təlim qrupları üçün testlər seçərkən onların peşə təyinatlarının xüsusiyyətləri nəzərə alınır və differensiallıq təmin olunur. Müasir dövrdə psixoloji biliklərə, onların praktik tətbiqinə geniş imkanlar açılmışdır. Ayrı-ayrı peşə və fəaliyyət sahələrində adamlara psixoloji biliklərin və məsləhətlərin verilməsi ilə əlaqədar psixologiyanın praktik istiqamətinin güclənməsi meylləri artmaqdadır. Bu istiqamətdə psixoloqlar apardıqları praktik işlərdə psixodiaqnostik metodlardan biri kimi testlərə xüsusilə böyük əhəmiyyət verirlər. Ümumiyyətlə, müasir praktik psixologiyada testlərin tətbiqi 3 əsas sahəni əhatə edir: 1. Təhsil sahəsi – təhsil müddətinin genişlənməsi və tədris proqramlarının mürəkkəbləşməsi ilə əlaqədar şagirdlərin mənimsəmə səviyyəsini aşkara çıxarmaq məqsədilə; 2. Peşə hazırlığı və peşə yönümü sahəsində yeniyetmə və gənclərin maraq və meyllərini aşkara çıxarmaq, onlara peşə məsləhətləri vermək məqsədilə; 3. Sosiodinamik proseslərin, həyat tempinin sürətlənməsi ilə əlaqədar insanların psixoloji yardıma tələbatlarını təmin etmək məqsədilə. Yeri gəlmişkən, praktik psixologiyada geniş yayılmış xüsusi testlər haqqında məlumat vermək lazımdır: 1. Ayzenk testi – geniş yayılmış intellektual testlərdən biridir. İnsanın ümumi intellektual inkişaf səviyyəsini, o cümlədən riyaziyyat və dilçilik sahəsində xüsusi qabiliyyətlərinin inkişaf səviyyəsini aşkara çıxarmaq məqsədilə tətbiq olunur. 2. Amthauer testi – intellektual testlərdən biri olub, insanın əqli fəliyyətinin müxtəlif absektlərini, o cümlədən təfəkkür məntiqini, fikrən hesablamaq bacarığını, obrazlı məntiqi təfəkkürü, xüsusən diqqət və hafizənin xüsusiyyətlərini öyrənmək məqsədilə tətbiq olunur. 3. Bennet testi – xüsusi psixodiaqnostik testlərdən biridir. Şəxsiyyətin fiziki texniki təfəkkürünün inkişaf səviyyəsini aşkara çıxarmaq və qiymətləndirmək məqsədilə tətbiq olunur. 4. Burdon testi – (Burdonun korrektura sınağı) insanın diqqətinin inkişaf səviyyəsini, xüsusilə onun məhsuldarlığı, paylanması, keçirilməsi kimi xüsusiyyətlərinin səviyyəsini müəyyən etmək üçün nəzərdə tutulmuşdur. 5. Veksler testi – (Vekslerə görə intellektin ölçülməsi şkalası) ümumi intellektual testlərdən biridir. Onun 5-15 yaşı əhatə edən uşaqlar üçün və 16-64 yaşı əhatə edən böyüklər üçün variantları vardır. İntellektin inkişaf səviyyəsini ölçmək və qiymətləndirmək üçün tətbiq olunur. Bu test əqlin ümumi məlumatlılıq, dərketmə,riyazi qabiliyyətlər, məntiqi düşünmək bacarığı, anlayışları müəyyən etmə, təsnif etmə, müqayisə, sözün mənasını izah etmə, şəkil, sxem və çertyoju anlama kimi intellektual keyfiyyətlərin aşkara çıxarılması məqsədilə tətbiq olunur. Bu test 12 subtestdən ibarətdir. Onlardan 6-sı Verbal (sözlü- “Xəbərdar olma”, “Fərasət”, “Hesab”, “Analogiya”, “Lüğət”, “Rəqəmlərin təkrarı”), 6-sı isə qeyri-Verbal (“Çatışmayan detallar”, “Ardıcıl şəkillər”, “Koos kubikləri”, “Fiqurların toplanması”, “Kodlaşdırma”, “Labirint”) tapşırıqlar sistemindən ibarətdir. 6. Kettel testi – şəxsiyyətin öyrənilməsinin ən geniş yayılmış və məşhur testlərindən biridir. Bu testin də uşaqlar və böyüklər üçün olmaqla 2 əsas variantı mövcuddur. Onun köməyi ilə şəxsiyyətin xarakterinin 16 əsas əlamətini öyrənmək mümkündür. 7. Raven testi – (Ravenin mütərəqqi matrisləri) obrazlı-məntiqi təfəkkürün inkişaf səviyyəsini müəyyən etmək üçün tətbiq olunan xüsusi intellektual testlərdən biridir. 8. Rozentsbeyq testi – (Rozentsbeyqin frustrasiya testi) şəxsiyyəti öyrənmə testlərindən biri olub, şəxsiyyətin xarakter əlamətlərindən biri kimi aqressivliyin səviyyəsini aşkara çıxarıb qiymətləndirmək məqsədi daşıyır. 9. Məktəb yetkinliyi testi – (Kern-Yirosek testi) 3 əsas tapşırıqdan – subtestdən ibarətdir. 1. Əlin həssas hərəkətlərinin inkişaf səviyyəsinin müəyyənləşdirilməsi, uşağa ağ vərəqdə sxematik təsvir yolu ilə kişi fiquru çəkmək tapşırığı verilir. 2. Görmə hərəkəti koordinasiyanın inkişaf səviyyəsinin müəyyən edilməsi (“O sup yedi.” Cümləsini verilmiş nümunə əsasında köçürmək). 3. Nümunəni təqliq etmək və təlim tapşırığını qəbul etmək bacarığının aşkar edilməsi (müəyyən qaydada düzülmüş 10 nöqtəyə əsasən nümunəyə uyğun fiquru çəkmək). 10. Filippin testi – (Uşağın məktəb təliminə fiziki yetkinliyini müəyyən etmək üçün tətbiq olunan qeyri-adi test.) uşaqların təlimə fiziki cəhətdən hazır olmasını aşkar etmək məqsədilə tətbiq olunur. Bu, intellektual göstəriciləri əks etdirmir. Belə hesab olunur ki, uşağın sağ əlinin barmaqları başın təpə hissəsini aşmaqla sol qulaq seyvanına çatarsa, o, məktəbdə fiziki yükə tab gətirə bilər. Əlbəttə, bu testi o qədər də ciddi və tam elmi kriteriyalara əsaslanan test hesab etmək olmaz. 11. P.Y. Qalpernin diaqnostik metodikası – (Əqli əməliyyatların mərhələlər üzrə formalaşdırılması) təlimin ayrı-ayrı mərhələlərində dəqiq reqlamentləşdirmə əsasında pozulmuş və ya formalaşmış əməliyyatların aşkara çıxarılması, onların aradan qaldırılması və korreksiya edilməsi üsullarından bəhs edən xüsusi metodik sistemdir. Yeni materialın öyrənilməsi zamanı tapşırıqların yerinə yetirilməsinin: əşyavi, verbal, bir əməliyyat səviyyəsindən digərinə keçilməsinin mümkünlüyü, ümumiləşdirmə, ixtisar və avtomatlaşdırma kimi səviyyələrin qiymətləndirilməsinə xidmət edir. Aşağıda pedaqoji prosesin psixoloji təminatı ilə psixodiaqnostika arasındakı qarşılıqlı əlaqəni əks etdirən sxem verilmişdir (sxem 1). Bu metodika arasında əldə olunan nəticələr psixokorreksiya işində etibarlı arqumentlər hesab olunur. Pedoqoji prosesin psixoloji təminatı və psixodiaqnostika
Sxem 1 Test metodu və onun konkret metodikaları psixodiaqnostikanın ən vacib aləti funksiyasını yerinə yetirir. Test metodu psixoloji tədqiqatın digər metodlarından fərqli olaraq bir sıra spesifik əlamətlərə malikdir: 1. Adətən hər hansı elmi-tədqiqat metodu çoxsaylı konkret metodikalar əsasında həyata keçirilir. Test metodu üçün bu cəhət xüsusilə xarakterikdir- yüzlərlə müxtəlif metodikalar məhz testlər metodunu təmsil edir. 2. Testlər metodu daha optimal və konkret diaqnostik xarakteristikaya malikdir, qısa vaxt ərzində yüzlərlə insanın konkret psixoloji xarakteristikasını verməyə imkan yaradır. 3. Hər bir test metodikasının spesifik riyazi-statistik aparatı, qiymətləndirmə üçün normalar cədvəli olur. 4. Testlərin üstün cəhətlərindən biri onun proqnozlaşdırıcı xarakterə malik olmasıdır. Bütün bunlarla yanaşı testlər metodunun müəyyən qüsurları da olmamış deyil: 1. Testlər metodu sınanılan şəxsin fəaliyyətinin nəticəsini izləməyə imkan versə də, onun fəaliyyət prosesində istinad etdiyi əməliyyat və onların xarakterini müəyyən etməyə imkan yaratmır. 2. Test metodu sınanılan şəxsin real imkanlarını, qabiliyyətlərini tam açmağa imkan vermir.
Yüklə 0,94 Mb. Dostları ilə paylaş:
|