MEKDEBE ÇENLI ÇAGALARDA SÖZLEÝIŞ DILINI ÖSDÜRMEGIŇ USULYÝETI
14
Mekdebe çenli ýaşly çagalaryň sözleýiş diliniň ösmeginiň
aýratynlyklaryny özleşdirmek.
Okatmagyň dürli usullaryny oňat bilmek.
Çagalar bagynyň terbiýeçisiniň sözleýşiniň kämilligi onuň hünär
kämilliginiň ýokarydygyny görkezýär. Terbiýeçi öz sözleýiş edebini
kämilleşdirmegiň üstünde işlände dil baýlygyny artdyrmaga
çalyşmalydyr.
Ol dilde fonetik, leksik, grammatik taraplaryna, onuň
manysyna, ýerlikli peýdalanylyşyna üns bermelidir. Öz sözleýşini
kämilleşdirmek her bir geljekki bilim işgäri üçin öz öňünde-de,
jemgyýetiň öňünde-de uly borçdur. Ol özünde sözleýşiň kämil
başarnyklaryny edinmek bilen çagalaryň hem sözleýşiniň talabalaýyk
bolmagyny gazanýar.
Terbiýeçi çagalary hemme taraplaýyn terbiýelemekde
döwlet
tarapyndan ynanylýan adamdyr. Ol ýurdumyzyň geljekdäki raýatlaryny
döwrebap terbiýeläp ýetişdirmek ugrunda çalyşýar. Çagalar bagynyň
terbiýeçisiniň kämilligi onuň hünär kämilliginiň ýokarydygyny
görkezýär.
Ol özünde kämil başarnyklaryny edinmek bilen çagalary hem şeýle
ruhda terbiýeleýär. Terbiýeçiniň sözleýşi çaganyň sözleýşiniň esasy
çeşmesidir.
Terbiýeçi ünsli we hoşniýetli bolmalydyr. Eger-de körpe çaga siz
bilen gepleşäýse, siz onuň bu ýagdaýyna begenýändigiňizi, ony ýadaman
ýaltanman
diňleýändigiňizi
duýdurmaly.Terbiýeçiniň
hoşamaý
ýylgyrmasy çaga oňaýly täsir edýändir. Çaga terbiýeçi
bilen uzak
gürleşenini kem görmeýär.
Terbiýeçiniň alçaklygy, çagalar bilen
erkin gatnaşykda bolmagy
okuw işine oňaýly täsir edýär. Onuň özüni alyp baryşy çagalaryň-da
özlerini erkin duýmaga , bilýän maglumatlaryny aýdyp bermegine
mümkinçilik döretýär. Terbiýeçiniň sözleýiş medeniýeti çaga örän uly
täsir edýär. Sözleýiş medeniýeti diýip diliň
hemme kada-kanunlaryna
MEKDEBE ÇENLI ÇAGALARDA SÖZLEÝIŞ DILINI ÖSDÜRMEGIŇ USULYÝETI
15
laýyk gelýän derejede sözlemegine aýdylýar. Sözleýiş medeniýetini
edinmeklik diňe bir dil birlikleriniň manysyna düşünmek däl-de olary
edebi dilde peýdalanyp bilmekdir.
Dostları ilə paylaş: