Magistratura məRKƏZİ” Əlyazması hüququnda Mirəlizadə Vüqar Fəxrəddin


Material ehtiyatları mühasibat ucotunun və nəzarətinin



Yüklə 370,62 Kb.
səhifə8/23
tarix15.04.2022
ölçüsü370,62 Kb.
#55511
1   ...   4   5   6   7   8   9   10   11   ...   23
Mirelizade Vuqar

1.2. Material ehtiyatları mühasibat ucotunun və nəzarətinin

obyekti kimi

Məlumdur ki, bazar iqtisadiyyatı şəraitində kommersiya sirri sayılan məhsulun (iş və xidmətlərin) maya dəyərinin tərkibində material məsrəfləri böyük xüsusi çəkiyə malikdir. Məhz buna görə də, bazar münasibətlərinin formalaşdığı və iqtisadiyyatın intensiv inkişaf yoluna keçirildiyi müasir dövrdə material resurslarına qənaət olunması, məhsulun (iş və xidmətlərin) maya dəyərinin aşağı salınması müəssisələrin (firmaların) istehsal-təsərrüfat fəaliyyətinin səmərəliyinin yüksəldilməsinin başlıca vəzifəsi kimi qarşıya qoyulmuşdur. Bundan başqa, Respublika müəs­sisələrində məhsul (iş və xidmətlər) istehsalının həcminin artırılması elmi- texniki tərəqqinin nailiyyətlərinin istehsala geniş tətbiqi ilə yanaşı, material resurslarından səmərəli istifadə olunmasından da bilavasitə asılıdır. Çünki, iqtisadiyyatın bütün sahələrində olduğu kimi, neftmaşmqayırma sənayesi müəssisələrində də xammal, material və yanacaq sərfinin bir faiz azaldıl­ması respublikada milyon manatlarla əlavə ümumi daxili məhsul isteh­salına bərabərdir.

Lakin, müxtəlif mülkiyyət münasibətlərinə keçilməsinə baxmayaraq hələ də material resurslarından lazımi səviyyədə qənaətlə istifadə olunmur. Bir çox oxşar məhsul buraxan müəssisə və firmalarda məhsul vahidinin istehsalına respublikanın qabaqcıl müəssisələrinin sərf etdikləri xammal, material və enerji normalarından xeyli çox resurslar sərf edilir. Məlumdur ki, azad bazar rəqabəti şəraitində özünümaliyyələşdirmə prinsipinin tətbiqi hər bir müəssisədə və istehsal sahəsində minimum məsrəflə daha çox iqtisadi səmərə əldə etmək vəzifəsini qarşıya qoyur. Məhz buna görə də, bazar mexanizminin fəaliyyət göstərdiyi müasir dövrdə qənaət rejiminə riayət olunması, məmulatın material tutumunun azaldılması, material ehtiyatlarının sərf edilməsi üzərində operativ nəzarətin gücləndirilməsi mühüm əhəmiyyətə malikdir. Belə bir şəraitdə materiallardan səmərəli istifadə olun­masında və qənaət rejiminin həyata keçirilməsində sərbəst qiymətlərin və əlavə dəyər vergisinin rolu olduqca böyükdür. Çünki, istehsalın həcminin artması ilə yanaşı sərf olunan xammal və materialların da xüsusi çəkisi daim artır. Məhz bu baxımdan, material resurslarının daxil olmasının və istehsalda sərf edilməsinin operativ iqtisadi təhlilinin dəqiq aparılması və bu prosesə qiymət amili vasitəsilə təsir göstərilməsinin mühüm əhəmiyyəti vardır. Ona görə də, iqtisadi təhlil pro­sesində materialların qəbulu, saxlanması, sərf olunması və onların məhsulun (iş və xidmətlərin) maya dəyərinə düzgün daxil edilməsinə xüsusi fikir verilir [19, s. 78].

Məlumdur ki, bazar münasibətləri şəraitində, idarəetmənin (menec­mentin) ən mühüm funksiyalarından biri sayılan iqtisadi təhlil material ehtiyatlarından istifadənin effektivliyinin qiymətləndirilməsinin mühüm vasitəsi kimi çıxış edir. Təsərrüfat fəaliyyətinin təhlili bu sahədə mövcud olan istifadə edilməmiş daxili ehtiyat mənbələrini aşkar etməklə yanaşı, onlardan yaxın gələcəkdə istifadə olunması yollarının müəyyən edilməsində mühüm rol oyna­yır. Bir qayda olaraq, sənaye müəssisələrində və birliklərində materiallardan istifadənin səviyyəsini və onun dinamikasını xarakterizə etmək üçün material- tutumu və material verimi kimi sintetik göstəricilər hesablanılır. Bazar iqtisadiy­yatı şəraitində sənayedə buraxılan məhsulun material tutumunun aşağı salınması barəsində kompleks proqram həyata keçirilir. Belə bir şəraitdə, material və enerji ehtiyatlarının səmərəli istehlakına iqtisadi təsir vasitələri olmaq etibarilə norma və normativlər sistemi xüsusi əhəmiyyət kəsb edir. Qiymətqoyma prosesindəki çatışmazlıqlar sənaye istehsalında materiallardan istifadə səviy­yəsinin dinamikasını düzgün xarakterizə etməyə imkan vermir. Bu ona görə qeyd edilir ki, materiallardan istifadə səviyyəsinə norma və qiymət amili kimi obyektiv amillər bilavasitə təsir göstərir.

Qeyd etmək lazımdır ki, mütərəqqi təsərrüfatçılıq formaları şəraitində geniş təkrar istehsalın intensiv tipinə keçilməsi və iqtisadiyyatın səmərəliyinin yüksəldilməsinə doğru istiqamət götürülməsi islahatlar dövrünün başlıca qanunauyğunluğu sayılır. Bununla yanaşı bazar iqtisadiyyatı və özünü maliyyələşdirmə prinsipinin tətbiqi ilə əlaqədar olaraq bir sıra obyektiv və subyektiv amillər istehsalın səmərəliyi problemini xüsusilə aktuallaşdırır, bu problemin qoyuluşuna və həllinə yeni cəhətlər (aspektlər) əlavə edir. Məlumdur ki, hal-hazırda istehsalın səmərəliyinin, iş və xidmətlərin key­fiyyətinin yüksəldilməsi problemi iqtisadi strategiyanın əsas məsələsi və bazar iqtisadiyyatının atributu hesab olunur. Əgər bu vəzifəni konkret şəkildə ifadə etmiş olsaq, bu o, deməkdir ki, bazar münasibətləri şərai­tində hər bir iş yerində, hər bir əmək kollektivində yüksək məhsuldarlığa, material ehtiyatlarına mütləq və nisbi ifadədə qənaət olunmasına, istehsal xərclərinin azaldılmasına və tələbata uyğun rəqabət qabiliyyətli məhsul bura­xılışına nail olunması xüsusi əhəmiyyət kəsb edir. Bundan başqa, yuxarıda qeyd olunduğu kimi, respublikamızın müəssisələrində bazar iqtisadiyyatı və geniş təkrar istehsalın intensiv inkişaf tipinə keçidlə əlaqədar olaraq məhsulun materialtutumunu azaltmağın rolu xüsusilə artır. Çünki, müasir şəraitdə məhsulun materialtutumunun azaldılması, xammaldan, yanacaqdan və enerjidən istifadənin yaxşılaşdırılması istehsalın səmərəliyini yüksəltməyin ən vacib istiqamətlərindən biri hesab edilir. Eyni zamanda, istifadə edilən ilkin ehtiyatların hər pul vahidinə düşən son nəticələrin də yüksəldilməsi bu yolla əldə edilir.

Bununla əlaqədar olaraq müəssisələrdə materialların daxil olmasının operativ uçotunun dəqiq təşkili və vaxtında aparılması müstəsna əhəmiyyətə malikdir. Məhz buna görə də, mühasibatlıq materialların daxil olmasının, sərf edilməsinin və hərəkətinin müntəzəm uçotunu aparmalı, gətirilən materialların həcminin, keyfiyyətinin və çeşid­lərinin istehsalın cari tələbatına müvafiqliyinə uyğunluğunu yoxlamalı və onlardan düzgün istifadə olunmasına gündəlik nəzarət edilməlidir. Belə bir şəraitdə materialların hərəkətinin sistemli mühasibat uçotunun əsas vəzifəsi vəsaitin qorunmasına və material ehtiyatlarının vəziyyətinə operativ nəzarət etməkdən ibarət olur. Digər tərəfdən, qeyd etmək lazımdır ki, bazar iqtisadiyyatı şəraitində həyata keçirilən iqtisadi islahatların əsas məqsədi makro və mikro səviyyədə yüksək son nəticələr əldə etməkdən və material ehtiyatlarından istifadənin səmərəliyini yüksəltməkdən ibarətdir. Doğru­dan da materialların dəyər ifadəsində hər manatından nə qədər səmərəli istifadə edilərsə, tələbat da bir o qədər tam ödənilmiş olar.

Məlumdur ki, mütərəqqi təsərrüfatçılıq formaları şəraitində xammala, materiallara, yanacağa artan tələbatın yalnız 35-40 faizi onların istehsa­lının çoxaldılması hesabına təmin edilir. Lakin, qiymətlərin indiki səviy­yəsində və müəssisələr arasındakı iqtisadi əlaqələrin pozulduğu müasir şəraitdə ekstensiv yol əlverişli sayılmır. Ona görə də sənaye müəssisələri və birliklərində materiallardan səmərəli istifadə edilməsi və məhsulun materialtutumunun aşağı salınması bir problem kimi qarşıda durur.

İstehsalın həcminin durmadan artması material məsrəflərinin xüsusi çəki­sinin daim yüksəlməsinə səbəb olur. Məhz bu mənada sənaye müəssisələrində resurs təminatının vəziyyətinin öyrənilməsi və material ehtiyatlarından istifa­dənin təhlili metodikasının işlənib hazırlanması aparılan tədqiqatın başlıca məqsədi sayıla bilər. Bazar münasibətləri şəraitində həmin məqsədə nail olmaq üçün yuxarıda sadalanan bir sıra aktual problemlərin həll edilməsi olduqca va­cibdir. Bizim fikrimizcə, həmin problemlər içərisində “Material resurslarından istifadə edilməsinin dinamikasının təhlili” xüsusi yer tutur.

Mütərəqqi təsərrüfatçılıq formaları şəraitində sənaye sahələrinin intensiv İnkişafı maya dəyərinin strukturunda mütərəqqi dəyişikliyə səbəb olmuşdur [25, s. 112].

Yəni, maya dəyərinin tərkibində material məsrəflərinin və əmək haqqının payı artmışdır. Deməli, inflyasiya prosesləri şəraitində material xərclərinin səviyyəsinin artması onların dinamikasının öyrənilməsini və sistemli müha­sibat uçotunun daim təkmilləşdirilməsini bir vəzifə kimi qarşıya qoyur.

Sənaye müəssisələrində və birliklərində məhsul buraxılışı üzrə biznes planın müvəffəqiyyətlə yerinə yetirilməsi yalnız xammal və materialların vaxtında və tələbata uyğun şəkildə daxil olmasından deyil, həm də materiallardan qənaətlə və səmərəli istifadə edilməsindən də çox asılıdır, istehsal prosesində xammal və materiallardan səmərəli istifadə olunması, Öz növbəsində, xammal və material­lara qənaət edilməsinə, habelə istehsal edilmiş məhsulun (iş və xidmətlərin) maya dəyərinin aşağı düşməsinə imkan yaradır.

Məlum olduğu kimi, müəssisələrdə material resurslarından istifadənin səmərəliyini və onun dinamikasını xarakterizə edən əsas göstəricilər aşağıdakılardan ibarətdir:

a) əmtəəlik məhsulunun bir manatına düşən material xərcləri (amortizasiyasız);

b) natural ifadədə mühüm növ material resurslarına qənaət; o, cümlədən:

1) bir milyon manatlıq əmtəə­lik məhsula (iş və xidmətlərə) görə;

2) bir milyon manatlıq xalis məhsula görə;

c) material məsrəflərinin artım tempi ilə əmtəəlik məhsulun artım tempi arasındakı nisbət;

ç) material resurslarına nisbi qənaət;

d) materialverimi və materialtutumu.

Göründüyü kimi, müəssisələrdə material re­surslarından istifadənin effektivliyini xarakterizə edən ən mühüm ümumiləşdirici göstəricilərdən biri materialtutumudur. Qeyd etmək lazımdır ki, yeni təsər­rüfatçılıq şəraitində istehsal prosesində materiallardan istifadənin səmərəliyini və onun dinamikasını xarakterizə edən materialtutumu iki mühüm göstərici üzrə planlaşdırılır:

a) əmtəəlik məhsulun bir manatına düşən material xərcləri (amor- tizasiyasız);

b) mühüm növ məhsullar üzrə məsrəflərin ümumi həcmində material məsrəflərinin xüsusi çək isi.

Məlum olduğu kimi, əmtəəlik məhsul istehsalına, material məsrəflərinin tərkibinə:

a) istehsal-istismar prosesində sərf olunmuş material resurslarını;

b) müəssisənin (firmanın) təsərrüfat ehtiyacları üçün sərf edilən material məsrəflərini daxil edir.

İstehsal edilmiş məhsulların (iş və xidmətlərin) materialtutumunun dinamikasını dəyər ifadəsində müəyyən edərkən nəzərə almaq lazımdır ki, əmtəəlik məhsul (iş və xidmətlər) istehsalına material məsrəfləri aşağıdakı maddələr üzrə qruplaşdırılır:



  1. xammal və əsas materiallar;

  2. satın alınmış məmulatlar və yarımfabrikatlar;

  3. köməkçi materiallar;

  4. yanacaq və enerji.

Bundan başqa müəssisənin anbarlarında olan əmtəə- material qiymətlilərinin xarab olmasından əmələ gələn itkilər və artıq sərf edilmiş elektrik enerjisinə görə ödənilən cərimələr də material məsrəflərinə aid edilə bilər. İqtisadi ədəbiyyatlarda qeyd olunduğu kimi, müəssisələrdə istehsal potensialının ən mühüm elementlərindən biri sayılan xammal və materialların orta aylıq (rüblük, illik) həcmini müəyyənləşdirdikdən və onların istehsal prosesində istifadə vəziyyətini qiymətləndirdikdən sonra yuxarıda sadalanan göstəricilərin dinamikasının öyrənilməsi məqsədəuyğun hesab edilir.

Gəlin uçotun ümumi qaydalarını və prinsiplərinin araşdırılmasını respublikamızın ən önəmli sənaye sahələrindən birincisi olan neft maşınqayırması sahəsində aparılan uçot işləri üzərində davam etdirək. Bu istiqamətdə təhlil işi aparmaq üçün B. Sərdarov adına maşın­qayırma zavodunun materialları əsasında aşağıdakı formada analitik cədvəl tərtib etmək və araşdırmanın nəticələrini respublikanın digər maşınqayırma müəssisələrinə də şamil etmək mümkündür.

1.1 saylı cədvəlin məlumatlarından göründüyü kimi, fəaliyyətini öyrəndiyimiz B. Sərdarov adına maşınqayırma zavodunda materialların orta aylıq istehsal istehlakı 3,5% artmış və buna müvafiq olaraq material resurslarının orta (aylıq, illik) dəyəri də 3,7% yüksəlmişdir. Belə bir vəziyyəti standarta (normativə) nisbətən material resurslarının (ehtiyatlarının) orta aylıq tempinin artımı şəraitində iqtisadi cəhətdən əsaslandırılmış və müsbət hal kimi qiymət­ləndirmək mümkün deyildir.

Bundan başqa, materialların orta aylıq istehlakının mütləq ifadədə istehsal ehtiyatlarının məbləği ilə eyni proporsiyada artması həmin müəssisədə İstehlakın yalnız kənar mənbələr hesabına təmin olunduğunu bir daha göstərir ki, bu da respublika neftmaşınqayırma müəssisələri üçün xarakterik haldır.




Yüklə 370,62 Kb.

Dostları ilə paylaş:
1   ...   4   5   6   7   8   9   10   11   ...   23




Verilənlər bazası müəlliflik hüququ ilə müdafiə olunur ©www.azkurs.org 2024
rəhbərliyinə müraciət

gir | qeydiyyatdan keç
    Ana səhifə


yükləyin