Profaza mərhələsi: İkiləşən DNT nukleosom quruluşun formalaşması ilə qısalmağa başladığında hüceyrə profaza mərhələsinə keçmiş olur.DNT-nin qısalması və qalınlaşması nəticəsində xromatinlər görünməyə başlıyır (şəkil 10.12A). qısalma davam etdikcə bacı xromatidləri bir yerdə tutan sentromer sahələr görünməyə başlayır. Profazanın sonlarına yaxın işıq mikroskopu ilə baxıldığında hər xromosomun iki xromatiddən təşkil olunduğu görülür. Profazanın sonlarına yaxın nüvəcik itir, nüvə membranıda parçalanaraq xromosomlar sitoplazmaya dağılır və profaza mərhələsi tamamlanır.
Interfazanın sonlarına yaxın və ya profazanın başlanğıcında sentriolların çoxaldığı və bir cüt sentriola daşıyan sentrosomların hüceyrənin əks qütblərinə hərəkət etdirlər. Bu arada mikroborucuqlar yenidən formalaşır və sentrosomdan başlanğıc alaraq uzanmağa başlayarlar (şəkil 10.13). İnterfaza mərhələsində sitoplazmada sərbəst olan sitoplazmatik mikroborucuqlar iy sapları mikroborucuqlarının formalaşmasına qoşulurlar.
