Durısbergenova Marina Ádilbay qızınıń qánigelik ámeliyatınıń alıp barılıwı, orınlanıwı boyınsha esabat I

ÓZBEKSTAN RESPUBLIKASÍ JOQARÍ HÁM ORTA ARNAWLÍ BILIMLENDIRIW MINISTRLIGI

ÁJINIYAZ ATÍNDAǴÍ NÓKIS MÁMLEKETLIK PEDAGOGIKALÍQ INSTITUTÍ

MAGISTRATURA BÓLIMI
70111501 - Qaraqalpaq tili hàm àdebiyatı qànigeligi 2-A kurs magistrantı
Durısbergenova Marina Ádilbay qızınıń
qánigelik ámeliyatınıń alıp barılıwı, orınlanıwı boyınsha


E S A B A T I
Nókis–2023

Qánigelik ámeliyat

Men Durısbergenova Marina Ádilbay qızı Magistratura tálim baǵdarınıń 70111501 - Qaraqalpaq tili hàm àdebiyatı qànigeligi 2-kurs magistrantı 2021-2022 oqıw jılı Isshi oqıw jobasında II basqısh IV semestri dawamında qánigelik ámeliyatı jumısları ushın, oqıw jobasında belgilengen saaatlar tiykarında jumıslar alıp bardım.

Qánigelik ámeliyatım Tùrkiy tiller fakulteti «Qaraqalpaq ádebiyatı» kafedrasinda 6-fevraldan baslandı. Ámeliyatım dawamında:
1-hápte: Qánige tayarlawshı kafedrada bar bolǵan bárshe oqiw – normativ hújjetler toplamı menen tanısıp shıqtım, hám de 6 - fevral kúnınen baslap Qaraqalpaq tili hàm àdebiyatı qànigeliginiń 2 - ABV toparları oqıtıwshısı f.i.k.docent B. Davletovtıń « Qaraqalpaq ádebiyatı táriyxı » páninen « XIX ásir aqırı XX ásir basındaǵı qaraqalpaq ádebiyatınıń janrlıq ózgesheligi » temasındaǵı sabaǵına analizlewge kirdim.
2-hápte: Kafedrada oqıtılatuǵın pánler dizimi hám professor – oqıtıwshılar dizimi menen tanıstım. Hár bir kafedra professor – oqıtıwshılarınıń wazıypaları ilimiy miynetleri, shıǵarmaların úyrendim hám de 13-fevral kúni Qaraqalpaq tili hám ádebiyatı qánigelıgı 2-V toparına «Qorazbek Razbek ulınıń ómiri hám dóretiwshiligi» páninen oqıtıwshı f.i.k docent B.Davletovtıń sabaq analizine kirdim. Kafedrada tańlaw páni sıpatında oqıtılatuǵın pánler dizimi menen tanıstım.
3-hápte: 22-fevral kúni Qaraqalpaq tili hám ádebiyatı qánigeligi 3-ABV toparlarına ilimiy basshımız, f.i.d docent B. Davletovtıń « XIX ásir aqırı XX ásir basındaǵı qaraqalpaq ádebiyatı » páninen « XIX ásir aqırı XX ásir basındaǵı qaraqalpaq ádebiyatında shayırlar aytısınıń rawajlanıwı » temasındaǵı lekciya sabaǵına kirdim hám ustazımızdıń sabaq ótiw sheberligin baqlap otırıw arqalı kóplegen tájiriybe topladım. Hápte dawamında ilimiy basshımnan magistrlik dissertaciyamdaǵı ilimiy temam boyınsha jol – jobalar aldım.