Durısbergenova Marina Ádilbay qızınıń qánigelik ámeliyatınıń alıp barılıwı, orınlanıwı boyınsha esabat I

4-hápte: 27-fevral kúni Qaraqalpaq tili hám ádebiyatı qánigeligi 2-ABV toparlarına oqıtıwshı f.i.k.docent B.Davletovtıń « Qaraqalpaq ádebiyatı táriyxı » páninen lekciyasına sabaq analizine kirdim. 2-mart kúni Qaraqalpaq tili hám ádebiyatı qánigeligi 2-V toparına oqıtıwshı f.i.k. Z.Ktaybekovanıń «Jáhán ádebiyatı táriyxı » pánine sabaq anilizine kirdim. 3-mart kúni institutımızdıń kishi májilisler zalında professor O.Dospanovtıń 85 jıllıǵına arnalǵan konferenciyasına qatnastım.
5-hápte: 7-mart kúni Qaraqalpaq tili hám ádebiyatı qánigeligı 2-ABV toparlarına oqıtıwshı f.i.k.docent B.Davletovtıń « Qaraqalpaq ádebiyatı táriyxı » páninen ámeliy sabaqlarına sabaq analizine kirdim. 9-mart kúni Kafedra baslıǵımız K.Allambergenovtıń usınısı menen kafedradaǵı oqıtıwshılardıń sırtqı fakultetlerdegi sabaqlarına da sabaq analizine kirdim.
6-7 hápte: 13-mart kúni Qaraqalpaq tili hám ádebiyatı qánigeligi 2-ABV toparlarına oqıtıwshı f.i.k.docent B.Davletovtıń pánınen «Qaraqalpaq ádebiyatı táriyxı » páninen «Abbaz shayırdıń dóretiwshiliginıń ózgesheligi» temasındaǵı lekciya sabaǵına kirdim. 14-mart kúni Qaraqalpaq tili hám ádebiyatı qánigelıgı 2-V toparına « Jáhán ádebiyatı táriyxı » páninen oqıtıwshı Z.Ktaybekovanıń «Gomerdiń “Odesseya”» temasındaǵı seminar sabaǵına sabaq analizine kirdim. 15-mart kúni Qaraqalpaq tili hám ádebiyatı qánigeligi 2-ABV toparlarına ilimiy basshımız, f.i.k.docent B.Davletovtıń « Qaraqalpaq ádebiyatı táriyxı » páninen « Ayapbergen shayırdıń lirikasınıń ózgesheligi» temasındaǵı lekciya sabaǵına kirdim hám ustazımızdıń sabaq ótiw sheberligin baqlap otırıw arqalı kóplegen tájiriybe topladım.
7 hápte dawamında ilimiy basshım f.i.k.docent B.Davletov penen birgelikte «Xalıq shayirlari dóretiwshiliginiń jiynaliw hám izertleniw ózgeshelikleri» atamasındaǵı magistrlik dissertaciya jumısım boyınsha ilimiy jumısıma baylanıslı bolǵan toplanǵan mısallardı analizlep, basqa da materiallar hám qosımsha ádebiyatlar boyınsha keń túrde jol-jobalar aldım. Ámeliyat dawamında teoriyalıq sabaqlarda úyrengenlerimdi ámelde sınap kórdim, ásirese « Qaraqalpaq ádebiyatı táriyxı » páninen seminar hám ámeliy sabaqlardı óttim. Jánede, tek ǵana institutımızdıń axborot resurs orayı menen sheklenip qalmastan, QMU hám Ózbekstan Respublikası Ilimler Akademiyasınıń Qaraqalpaqstan bóliminiń kitapxanasına barıp Qaraqalpaq ádebiyatı boyınsha materiallar topladim, jaqlanǵan ilimiy jumıslar menen jaqınnan tanısıp shıqtım. Qaraqalpaq mámleketlik universitetindegi oqıw processi, magistrlar hám erkin izleniwshilerge jaratılǵan sharayatlar menen keńnen tanıstım. Izertlewim kerek bolǵan máseleler dizimin hám izertlew usılların keń túrde úyrendim (analiz sintez, baqlaw, tekseriw, eksperimental, tájiriybe usılları). Magistrlik dissertaciya jumısıma baylanıslı toplanǵan mısallar tiykarında bir neshe maqalalar jazdım hám olardı Respublikalıq, xalıqaralıq konferenciya hám jurnallarǵa jiberdim.