5
AġIQ SƏNƏTĠNƏ LAYĠQLĠ TÖHFƏ
Aşıq sənəti, qədim tarixə və zəngin ənənələrə malik mədəniyyə-
timizin qollarından biridir. Saz bizim qan yaddaşımız, tariximizdir.
Xalq şairi Zəlimxan Yaqub demiş:
Millətimi saz anladar, saz anlar,
Saza baxsın tariximi yazanlar.
Mədəniyyət və Turizm naziri hörmətli Əbülfəs Qarayev isə çı-
xışlarının birində belə demişdir:
“Aşıq sənəti nə qədər sadə, xəlqi
olsa da, özündə olduqca zəngin, mən deyərdim ki, mürəkkəb ifaçılıq
mədəniyyəti strukturunu birləşdirir. Bir aşıq sanki bir ansamblı
əvəz edir. Eyni zamanda o, mizrab vurur, oxuyur, danışır və rəqs
edir. İş bununla bitmir. Aşıq sadəcə ifaçı deyil, o, həm də bəstəkar-
dır, havalar qoşur, o həm də şairdir, kamil poeziya nümunələri ya-
radır. Aşıq eyni zamanda salnaməçidir, şahidi olduğu həyat hadisə-
lərini eldən elə daşıyır. Nağıl, dastan, atalar sözü, bayatılarımızın
yaşadılmasında, yayılmasında da aşıqların xidməti əvəzsizdir”.
Bu sənətə və onun daşıyıcılarına hər zaman böyük hörmət və
rəğbət olub. Haqqın carçısı və nəğməkarı olan aşığa xalqımız
“haqq aşığı”, “el anası” deyib.
Azərbaycan öz müstəqilliyini əldə etdikdən sonra isə bu sənətə
qayğı və diqqət daha da artıb, unikal milli sərvətimiz olan aşıq
sənətinin dünyada tanıdılması, onun qorunması və yeni şəraitdə
inkişaf etdirilməsi istiqamətində bir sıra önəmli tədbirlər həyata
keçirilib.
Ulu öndər Heydər Əliyevin xalq yaradıcılığına bəslədiyi həssas
münasibətin nəticəsidir ki, aşıq sənətinin inkişafına geniş imkanlar
açılmaqdadır. Böyük qürur hissi ilə deyə bilərik ki, bu gün aşıq
sənətinin inkişafı yeni mərhələyə qədəm qoyub. Bu sahəyə dövlət
qayğısının artması,
muğam sənətindən sonra Azərbaycan
aşıq
sənətinin də YUNESKO-nun
Qeyri-maddi irs siyahısına daxil edil-
məsi, üç il öncə Aşıqlar Birliyinin yenidən qurulması və məq-
sədyönlü çalışmalara başlaması da bu sənətin gələcəyinə olan
ümidləri artırır.
