Dünya gənc türk yazarlar bġRLĠYĠ (dgtyb)
Yüklə 1,01 Mb. Pdf görüntüsü
|
|
Seçmə aşıq şeirləri 6 Ustad aşıqlarımızın kitablarının nəşr edilməsi, onların yubi- leylərinin qeyd olunması, 2010-cu ilin oktyabrında Bakıda böyük uğurla I Uluslararası Aşıq Festivalının keçirilməsi, dünyasını də- yişmiş aşıqlarla bağlı “Ozan-aşıq dünyası” adlı kitab-albomun işıq üzü görməsi, “Ozan dünyası” jurnalının nəşrə başlaması, Azər- ıbaycan Aşıqlar Birliyinin yeni internet saytının istifadəyə verilməsi və s. məhz son illərdə bu sənətə dövlət səviyyəsində göstərilən qayğı və diqqətin sayəsində mümkün olmuşdur. Sevindirici haldır ki, son illərdə gənclər və yeniyetmələr ara- sında aşıq sənətinə meylin güclənməsi ilə yanaşı, onlarda bu sə- nətin tədqiqinə, təbliğinə də maraq artıb. Özəlliklə, gənc tədqi- qatçılar, yeni nəsil yazarları bu sahəyə daha çox maraq göstərirlər. Oxucuların ixtiyarına verilən “Seçmə aşıq şeirləri” adlı bu kitabın Azərbaycan Prezidenti yanında Qeyri-hökumət Təşkilatlarına Döv- lət Dəstəyi Şurası tərəfindən maliyyələşdirilən “Yazarlardan milli sənətə töhfə” adlı layihə çərçivəsində Dünya Gənc Türk Yazarlar Birliyi (DGTYB) tərəfindən araya-ərsəyə gətirilməsi də bu sənətə dövlət qayğısı ilə yanaşı həm də gənclərin sonsuz məhəbbət və ma- rağının əyani sübutu, aşıq sənətinə gənclərin, yeni nəslin layiqli töhfəsidir. Burada Türk Dünyasının ünlü ozanlarının şeirləri öz əksini tapır. Kitabın Yunus İmrə ilə başlayıb zəmanəmizin böyük söz ustadı, xalq şairi Zəlimxan Yaqubun şeirləri ilə tamamlanmasının isə məncə, ayrıca bir özəlliyi var. Yunus İmrə, Aşıq Veysəl və digər- lərinin yaradıcılıq örnəklərinin olduğu kimi – orjinal halı ilə veril- məsi də təqdirolunasıdır. Bu gün demək olar ki, kalssik ustad-şəyird ənənəsi aradan qal- xmaq üzrədir, sənətə yeni gələn gənclər ya musiqi məktəblərindəki saz siniflərində dərs alır, ya da müstəqil olaraq öyrənməyə üstünlük verirlər. Belə bir məqamda bu kitabın gənclərin klassikləri öy- rənmələri, onların yaradıcılıqları ilə daha yaxından tanış olmaları baxımından böyük önəmi vardır. Kitabda şeirlərindən örnəklər verilmiş aşıq və şairlərin hamısı Azərbaycan oxucusuna yaxşı tanışdır, hər birinin ayrı-ayrılıqda kitabları nəşr olunsa da, Türk Dünyasının tanınmış aşıq və şair- 7 lərinin seçmə şeirlərinin bir yerdə cəmləndiyi bu kitab aşıqlarımız, özəlliklə də bu sənətə yeni gələn gənclər üçün qiymətli ərməğandır. Sirr deyil ki, ustaddan dərs almadan kamil sənətçi olmaq çə- tindir. Bu səbəbdəndir ki, bəzən aşıqlar klassiklərin sözlərini oxuyarkən təhrifə yol verirlər ki, bu da şeirin məna tutumuna xələl gətirir, dinləyicilərin haqlı narazılığına səbəb olur. Bəzən hətta bu təhriflərə kitablarda da rast gəlmək olr. Bu kitab isə sənətə yeni gələnlərə imkan verəcək ki, klassiklərin şeirlərini yazıldığı kimi oxuya bilsinlər. Onlar burada “Yol odur ki doğru vara” deyən Yunus İmrənin, “Namərd ilə yoldaş olma” öyüdünü verən Miskin Abdalın, heç yerdə “bənövşəni düz görməyən” Qurbaninin, ”Dosta gedən yolda izim var mənim” deyən Qaracaoğlanın, “Bir məclisə varsan, özünü öymə” söyləyən Xəstə Qasımın, “Dünya, sənsən etibarsız” deyən Abbas Tufarqanlının, “Əlif qəddini hicran məlalı əyən” Sarı Aşığın, “Mən görmüşəm bu qürbətin dadını” deyən Molla Vəli Vidadinin, Azərbaycan aşıq sənətinin əlçatmaz zirvəsi, “hər elmdən halı” olan Aşıq Ələsgər və digər ustad aşıqların, eyni zamanda Almas Yıldırım, Əhməd Cavad, Səməd Vurğun, Hüseyn Arif, Zəlimxan Yaqub və digər görkəmli şairlərin seçmə şeirləri ilə tanış olmaq imkanı qazanacaqlar. Bu kitab DGTYB-nin həyata keçirdiyi layihə çərçivəsində nə- zərdə tutulan üçcildliyin birinci cildidir. Sonrakı cildlərin də daha geniş əhatəli, yüksək səviyyədə tərtib olunacağına böyük ümidlər bəsləyərək bu layihənin həyata keçirilməsində zəhməti olan hər kəsə minnətdarlığımı bildirirəm. Yüklə 1,01 Mb. Dostları ilə paylaş:
|