AZƏRBAYCAN RESPUBLİKASI TƏHSİL NAZİRLİYİ
AZƏRBAYCAN DÖVLƏT İQTİSAD UNİVERSİTETİ (UNEC)
“BEYNƏLXALQ MAGİSTRATURA VƏ DOKTORANTURA MƏRKƏZİ”
Əlyazması hüququnda
Magistr proqramının məzunu
Əyyubzadə Ayşən Nemət qızı
“Azərbaycanlı turistlərin düşüncə xəritələri”
mövzusunda
MAGİSTR DİSSERTASİYASI
İxtisasın şifri və adı:
060803 “ Turizm və otelçilik ”
İxtisaslaşma:
Turizm işi Qrup T - 301
Elmi rəhbər
Magistr proqramının rəhbəri
doç. dr. Tuzcuoğlu F. N.
i. e. n., dos. İsmayılzadə Ə. A.
Kafedra müdiri i.e.d., prof. Kəlbiyev Y. A.
BAKI - 2018
2
MÜNDƏRİCAT
Giriş...............................................................................................................................5
I Fəsil. Turizm məhsulu kimi destinasiya
1.1 Destinasiya və onunla bağlı anlayışlar....................................................................8
1.1.1 Destinasiya nədir?..........................................................................................8
1.1.2 Destinasiyanın növləri və xüsusiyyətləri.......................................................9
1.1.3 Destinasiyanın həyat dövrü..........................................................................15
1.2 Destinasiyanın idarə olunması və marketinqi.......................................................19
1.2.1 Destinasiya İdarəetmə Sistemi....................................................................19
1.2.2 Destinasiya marketinqi və onun əhəmiyyəti...............................................20
1.2.3 Destinasiyanın marketinq miksi…..............................................................22
1.2.4 Destinasiya marketinqində hədəf kütlə.......................................................27
II Fəsil. Destinasiya brendinin mövqeləndirilməsi
2.1 Destinasiya marketinqinin ünsürü kimi brend......................................................29
2.1.1 Brend nədir?................................................................................................29
2.1.2 Brendin destinasiya üçün əhəmiyyəti və faydaları......................................32
2.1.3 Brendin növləri............................................................................................33
2.1.4 Brend sədaqəti.............................................................................................34
2.2 Destinasiya marketinqinin ünsürü kimi imic........................................................35
2.2.1 Destinasiya imici..........................................................................................36
2.2.2 İmicin yaradılması və ona təsir göstərən amillər........................................37
2.2.3 İmicin turistlərin destinasiya seçiminə təsiri...............................................38
2.3 Destinasiya marketinqinin ünsürü kimi mövqeləndirmə.....................................39
3
2.3.1 SHM və mövqeləndirmə...............................................................................39
2.3.2 Mövqeləndirmə vasitələri və müddəti..........................................................42
2.3.3 Mövqeləndirmə strategiyaları.......................................................................43
2.3.4 Yenidən mövqeləndirmə...............................................................................45
2.3.5 Mövqeləndirmə səhvləri...............................................................................46
2.4 Düşüncə xəritələrinin mövqeləndirmədə rolu......................................................47
2.4.1 Düşüncə xəritələri və onların faydaları........................................................47
2.4.2 Düşüncə xəritələrinin yaradılması................................................................49
2.4.3 Düşüncə xəritələrinin yaradılmasında istifadə olunan metodlar..................50
III Fəsil. Azərbaycanlı turistlərin düşüncə xəritələri ilə bağlı tədqiqat......52
3.1 Azərbaycanın turizm potensialının qiymətləndirilməsi.........................................55
3.1.1 Şəki turistik destinasiya kimi.......................................................................52
3.1.2 Qəbələ turistik destinasiya kimi..................................................................54
3.1.3 İsmayıllı turistik destinasiya kimi...............................................................57
3.1.4 Quba turistik destinasiya kimi.....................................................................58
3.1.5 Qusar turistik destinasiya kimi....................................................................61
3.1.6 Gəncə turistik destinasiya kimi...................................................................62
3.1.7 Naxçıvan turistik destinasiya kimi..............................................................64
3.2 Tədqiqat metodu...................................................................................................66
3.4.1 Tədqiqat metodunda istifadə olunan ölçülər................................................66
3.4.2 Verilənlərin analizi və nəticələrin düşüncə xəritələri vasitəsilə təsviri........66
Nəticə və təkliflər.......................................................................................................80
İstifadə olunmuş ədəbiyyat siyahısı..........................................................................82
Əlavələr.......................................................................................................................88
4
Referat........................................................................................................................92
Резюме........................................................................................................................94
Summary....................................................................................................................95
5
GİRİŞ
Mövzunun aktuallığı – Artıq uzun illərdir ki, inkişaf etməkdə olan ölkələrdə
daxili turizm ön plana çıxmağa başlamışdır. Dünya Səyahət və Turizm Şurasının
verdiyi məlumatlara görə turizm üzrə xərclənən hər 10 dollardan 7-si daxili turizm
üzrə xərclənir. Bu isə o deməkdir ki, dünyanın əksər ölkələrində yerli vətəndaşların
xərclədiyi pul daha önəmli Səyahət və Turizm üzrə ÜDM mənbəyidir. Bəzi ölkələr
daxili turizmdən xarici turizmə dəstək verən bir vasitə olaraq da istifadə edirlər.
Daxili turizm böhranlara qarşı daha az həssaslıq göstərir. Həmçinin daxili turizmin
sosial-mədəni faydaları da çoxdur, belə ki, o, insanların öz ölkəsinin tarixi və
mədəniyyəti ilə daha yaxın təmasda olmasına şərait yaradır. Bundan əlavə daxili
turizmin inkişafı ölkədə məşğulluğun əhəmiyyətli dərəcədə artmasına təkan verir.
Beləliklə daxili turizmin ölkə iqtisadiyyatına verdiyi faydalar saysız-hesabsızdır.
Azərbaycanın da bənzərsiz iqlimi, flora və faunası, o cümlədən qədim tarix və
memarlıq abidələri və dünya standarlarına cavab verən müasir tikililəri burada güclü
turizm potensialının olduğunu söyləməyə əsas verir. Azərbaycanda da digər inkişaf
etməkdə olan ölkələr kimi xarici turizmlə yanaşı daxili turizm öz çiçəklənmə dövrünü
yaşayır. Buna əsas səbəblərindən biri isə 2004-cü ildə “Azərbaycan Respublikası
regionlarının sosial-iqtisadi inkişafı Dövlət Proqramının” qəbul edilməsi nəticəsində
paytaxt Bakı ilə yanaşı regionlarda turizmin infrastrukturunun gücləndirilməsi, yeni
turist yerləşdirmə obyektlərinin istifadəyə verilməsi və turist marşrutları üzrə güclü
şəbəkənin yaradılmasıdır. 2011-ci ildə dünyadakı rəqiblərindən öz unikallığı ilə
seçilən Şahdağ Qış-Yay Turizm Kompleksinin açılışı, o cümlədən öz populyarlığına
görə ondan geri qalmayan Tufandağ Qış-Yay Turizm Kompleksinin istifadəyə
verilməsi də mühüm addımlardandır. Məhz bu tədbirlər nəticəsində Azərbaycanın
turistik destinasiyaları artıq brendə çevrilmişdir.
Ümumiyyətlə digər bütün məhsullar kimi turizm məhsulu da brend olmalıdır.
Çünki brendləşmiş bir məhsulun (destinasiyanın) istehlakçı zehnində tutduğu yer
digər məhsullardan tamamilə fərqlidir. Bu destinasiyalar da həyatları dövründə
özlərinin və eləcə də rəqabət aparan destinasiyaların bazardakı mövqelərini, onların
6
məhsullarının istehlakçılara nə ifadə etdiklərini bilmək üçün düşüncə xəritələri
hazırlayırlar. Dünya təcrübəsində ən məşhur brendlər öz marketinq strategiyalarında
bu xəritələrdən istifadə etməklə müvafiq təhlillər aparır və doğru nəticələrə gələ
bilirlər. Çünki bir brendin istehlakçı zehnində tutduğu yer digər brendlərdən
fərqlidirsə, deməli istehlakçının bir neçə kriteriya baxımından bu məhsul barədə
düşüncəsi digərlərindən fərqlidir.
D
axili turizmin də mövcud vəziyyətini bilmək
üçün ölkə ərazisində səyahət edən yerli turistlərin daxili turizm potensialı, turistik
destinasiyaların mövcud vəziyyəti, qiymətlər, xidmət keyfiyyəti və s. barədə rəyləri
çox önəmlidir. Turistlərin fikir və düşüncələrini öyrənmək və təhlil etməyin bir sıra
üsulları olsa da, onlardan ən geniş yayılanı məhz düşüncə xəritələridir.
Yuxarıda qeyd edildiyi kimi dünya brendləri öz məhsullarının bazardakı
mövqeyini öyrənmək üçün daim araşdırmalar aparır və bu zaman xüsusilə düşüncə
xəritələrinə üstünlük verirlər. Azərbaycanda da daxili turizm potensialı barədə alimlər
və tədqiqatçılar tərəfindən müxtəlif araşdırmalar aparılsa da, çox təəccübləndirici
haldır ki, artıq brendə çevrilən regionların müqayisəli təhlili barədə kifayət qədər
məlumat yoxdur.
Tədqiqatın predmet və obyekti – Tədqiqatın predmeti ölkə daxilində səyahət
etmiş azərbaycanlı turistlərin düşüncələrini öyrənməkdir. Tədqiqatın obyektini isə
Azərbaycanın daxili turizm potensialının araşdırılması, brendə çevrilən turistik
bölgələrin bazarda mövqeyinin müqayisəli təhlili təşkil edir.
Tədqiqatın əsas məqsədi və vəzifələri – Azərbaycanın çox güclü turizm
potensialı vardır və hal-hazırda turizmin inkşafı yüksək səviyyədədir. Özəlliklə son
illər Azərbaycanın beynəlxalq tədbirlərə ev sahibliyi etməsi onun beynəlxalq arenada
nüfuzunu daha da yüksəltmiş və bura gələn turist sayında əhəmiyyətli dərəcədə artım
olmuşdur. Lakin bununla yanaşı ölkədə daxili turizmin də ön plana çıxarılması
vacibdir. Çünki daxili turizm həm ölkə iqtisadiyyatına böyük gəlir gətirir, həm də
xarici turizmə dəstək verir. Tədqiqatın əsas məqsədi Azərbaycanın müxtəlif rayonlar
üzrə daxili turizm potensialının araşdırılması, turizm sahəsində öz sözünü demiş bu
rayonların bir brend kimi necə mövqeləndirilməsinin və ən əsası ölkə daxilində
7
səyahət edən əhalinin bu mövqeləndirilməni necə dəyərləndirməsinin araşdırılması
təşkil edir. Bunun üçün qarşıya aşağıdakı vəzifələr qoyulmuşdur:
- Azərbaycanda turizmin mövcud vəziyyətinin öyrənilməsi;
- Müxtəlif regionlar üzrə turizm potensialının dəyərləndirilməsi;
- Bu regionların destinasiya kimi özlərini necə mövqeləndirmələrinin təhlili və
qiymətləndirilməsi;
- Ölkə daxilində səyahət etmiş yerli əhalinin daxili turizm potensialı ilə bağlı
düşüncələrinin tədqiqi.
Tədqiqatın informasiya bazası – Azərbaycanlı turistlərin düşüncə xəritələrinin
tədqiqi mövzusunda bir sıra yerli və xarici məqalə və kitablardan istifadə
olunmuşdur. Bunlarla yanaşı təhlil edilən yeddi rayonun turizm potensialı barədə
statistik göstəricilərin əldə edilməsində Dövlət Statistika Komitəsinin rəsmi statistik
məlumatlarından da istifadə olunmuşdur.
Tədqiqatın elmi yeniliyi – Tədqiqat işində Azərbaycanın daxili turizm
potensialı araşdırılmış, ölkə daxilində səyahət etmiş azərbaycanlı turistlərin
düşüncələri hərtərəfli tədqiq edilmiş, onların müxtəlif destinasiyalara müxtəlif
kriteriyalar üzrə verdikləri qiymətlər təhlil edilmişdir. Araşdırmaların nəticələri
təsviri tədqiqat metodundan istifadə edilməklə xəritələr vasitəsilə əyani şəkildə təsvir
olunmuşdur.
Dissertasiya işinin strukturu – Dissertasiya işi struktur etibarilə giriş, 3 fəsil və
nəticə və təkliflər hissələrindən ibarətdir. 1-ci fəsildə destinasiya anlayışı, onun idarə
edilməsi və strateji destinasiya marketinqinin tətbiq olunması ilə bağlı nəzəri
biliklərdən bəhs olunmuşdur. 2-ci fəsildə isə artıq destinasiyanın brendə çevrilməsi,
onun bir brend kimi istehlakçılarda imic formalaşdırması və bunlara əsasən
mövqeləndirilməsinə geniş izah verilmiş, dünya təcrübələrindən nümunələr təhlil
edilmişdir. 3-cü fəsildə isə azərbaycanlı turistlərin düşüncə xəritələri barədə tədqiqat
yer almışdır. Son olaraq ümumi nəticə və təkliflər qeyd olunmuşdur.
8
I FƏSİL
TURİZM MƏHSULU KİMİ DESTİNASİYA
1.1 Destinasiya və onunla bağlı anlayışlar
Destinasiya turizmin ən önəmli tərkib hissələrindən biridir. Destinasiyalar
turistər üçün cəlbedici olan fərqli təbii cazibədarlıq və özəllikləri özlərində
birləşdirən məkanlardır. Cəlbedicilik ünsürlərinin çoxçeşidli olması destinasiyanın
xüsusiyyətlərinin və növlərinin fərqli olmasına gətirib çıxarmışdır və elə bu səbəbdən
də destinasiya ilə bağlı anlayışların nəzərdən keçirilməsi çox önəmlidir.
1.1.1 Destinasiya nədir?
Latın mənşəli destinasiya sözü “göndərilən yer, çatılacaq yer, hədəf” mənasını
verir [1].
Destinasiya turizm sektorunun əsas tərkib hissəsidir. Bir məkanın özəlliklərini
müəyyən etmək və ələ almaq turizm biznesinin inkişafı üçün çox önəmlidir. Əgər
cəlbedici bir məkan destinasiyaya çevrilərsə, buradan çox yüksək gəlir əldə etmək
olar [2].
Ümumdünya Turizm Təşkilatı (WTO) destinasiya anlayışını bu şəkildə izah
etmişdir: yerli bir turizm destinasiyası bir ziyarətçinin ən azı bir gecə keçirdiyi fiziki
bir məkandır. Destinasiya turistlərin istirahət etmək, gəzmək, vaxt keçirmək
istəyəcəkləri destinasiyalardakı turistik cazibədarlıqları, təbii gözəllikləri, tarixi
ünsürləri, festivalları, tədbirləri, gələn ziyarətçilərə təqdim etdiyi yemək-içmək
imkanları, bölgəyə məxsus olan infrastruktur xüsusiyyətləri kimi ünsürlər əsasında
formalaşan turistik məhsulların gələn ziyarətçilərə təqdim edildiyi bir ölkə, bölgə,
şəhər və ya bir yer olaraq müəyyən edilmişdir [14, səh. 8].
Başqa bir izaha görə isə destinasiya “fərqli təbii özəllikləri və ya cazibədarlıqları
olan və səfər edənlərin diqqətini cəlb edən bir yer”-dir. Destinasiyalar müvəqqəti
9
gecələmələr üçün səfər edənləri cəlb edən yerlər olmaqla, qitələrdən ölkələrə,
əyalətlərə, bölgələrə, şəhərlərə və kəndlərə qədər dəyişən böyüklükdədir [29, səh. 3].
Turizm destinasiyası sahib olduğu müxtəlif turizm resursları ilə turistləri cəlb
edən və intensiv şəkildə turist səfərlərinə ev sahibliyi edən, bir sıra qurum və
təşkilatlar tərəfindən təmin edilən birbaşa və ya dolayı turizm xidmətlərindən yaranan
qarışıq bir məhsuldur [12, səh. 3].
Yəni destinasiya turistlərə bütöv bir şəkildə destinasiya təcrübəsini təklif edən
turizm məhsullarının cəmi və bir sıra istehlakçı üçün istehlakçı qərar və
gözləntilərinin əsasında duran başlıca motivasiya faktoru olmaqla turizm sektorunun
ən vacib tərkib hissələrindən biridir. Destinasiya nöqtəsi elə dəqiqliklə seçilməlidir
ki, turistlər həmin məkana çatan zaman bu marşrutu seçməkdə yanıldıqlarını
düşünməsinlər və gəldikləri ünvandan xoş təəssüratlarla ayrılsınlar [24, səh. 35].
1.1.2 Destinasiyanın növləri və xüsusiyyətləri
Destinasiyalar araşdırılarkən destinasiya növləri və destinasiya xüsusiyyətlərinə
nəzər salmaq çox vacibdir. Destinasiyalar əsasən altı qrupa bölünür: şəhər
destinasiyaları, sahil destinasiyaları, dağ destinasiyaları, kənd destinasiyaları, orijinal
destinasiyalar və bənzərsiz-ekzotik-xüsusi destinasiyalar [36, səh. 6].
Şəhər destinasiyaları
Böyük şəhərlər turizm baxımından son dərəcə əhəmiyyətli yerlərdir. Turistik
cazibədarlıqlara sahib olmaqla yanaşı, həm də iş yeri mərkəzləri kimi çıxış etmələri,
konqres və yığıncaqlar üçün geniş imkanlara malik olmaları, təhsil sahəsində
müxtəlifliklər və imkanlar, mədəni-ictimai həyatın olması və canlılığı səbəbindən bu
şəhərlərə çox böyük tələb vardır. Böyük şəhərlər ən əhəmiyyətli turist destinasiyası
növlərindən biridir və hər zaman turistlərin diqqətini cəlb edir. Şəhər ərazilərində
təqdim edilən müxtəlifliyə görə turizm geniş yayılmağa başlamışdır. Bununla yanaşı
paytaxtlar şəhər turizminin ən mühüm hissələridir. Paytaxtlar ölkələrin siyasi
mərkəzləri olduğu üçün lobbi fəaliyyəti ilə məşğul olmaq və hökumət qərarlarına
10
təsir göstərmək istəyən iş adamlarının axınına məruz qalmaqdadır. Eyni zamanda,
onlar tarixi, mədəni və simvolik rolları ilə də diqqət çəkirlər. Şəhər turizmi böyük
şəhərlərin əksəriyyətinin iqtisadiyyatının əhəmiyyətli bir hissəsi olmaqla yanaşı şəhər
inkişafı üçün də təsirli bir vasitədir [14, səh. 21].
Şəhərlərin öndə olan destinasiya mərkəzinə çevrilməsi üçün aşağıdakılara sahib
olması çox önəmlidir [12, səh. 15]:
çoxmillətli şirkətlərin mərkəzlərinin sayı
xarici bankların və digər maliyyə şirkətlərinin sayı
beynəlxalq təşkilatların mövcudluğu
mədəni göstəricilər (muzeylər, incəsənət qalereyaları, kitabxanalar, teatrlar,
opera zalları və təşkil olunmuş tədbirlərin sayı)
intensiv mətbuat və elektron media fəaliyyəti
ev sahibliyi edilən beynəlxalq turistlərin sayıbirbaşa uçuşların sayı və digər
destinasiyalarla əlaqələrin sayı, telekommunikasiya şəbəkələri.
Sahil destinasiyaları
Dəniz-qum-günəş ünsürlərinə malik olan və tətilə çıxmaq istəyənlərin bu
ünsürlərə görə əsasən yay aylarında üstünlük verdikləri destinasiyalardır.
Qloballaşma ilə məsafələr azalmış və insanların daha da uzaqlara səyahət etməsinə
şərait yaranmışdır.
Dağ destinasiyaları
Qış aylarında xüsusilə qış idman növlərinə maraq göstərənlərin və qışın təbii
gözəlliklərini görmək istəyənlərin üz tutduqları destinasiyalardır. Bundan əlavə elm
adamları, idmançılar və gəzinti imkanlarından faydalanmaq istəyən insanlar da dağ
destinasiyalarına maraq göstərirlər. Bunları nəzərə alaraq xüsusi proqram və turlar
hazırlanır. İnsanlar əsasən həftə sonları şəhərin xaosundan uzaqlaşmaq, təbiətlə iç-içə
olmaq üçün bu məkanlara üstünlük verirlər. Bununla yanaşı əhəmiyyətli iş
əlaqələrinin inkişafı, Davos Forumu kimi siyasi və iqtisadi yığıncaqlar yeni bir bazar
seqmentini cəzb edir və qış tətil bölgələri üçün mövsüm yaradır. Nəticədə də dağlıq
bölgələr turizmdən böyük mənfəət götürür.
11
Kənd destinasiyaları
Bütün bunlarla yanaşı kənd turizmi də sürətlə inkişaf etməkdədir. Kənd turizmi
ferma turizmi, eko turizm və təbiət turizmi də adlandırılır. Kənd ərazilərində həyata
keçirilən bütün növ turizm fəaliyyətləri kənd turizmi çərçivəsində dəyərləndirilə
bilər. Kənd turizmi insanların yaşadıqları yerlərdən kənar kənd ərazilərinə olan
ziyarətləri, bu ərazilərdə cütçülərin istehsal etdikləri mal və xidmətləri bölgənin təbii
xüsusiyyətlərinə uyğun olan məkanlarda tələb edərək və regionda pul atırmaq
istəklərini minimallaşdıraraq müvəqqəti gecələmələri zamanı yaranan hadisə və
əlaqələrin bütünü şəklində ifadə edilir. Böyük şəhərlərdə yaşayan insanların
şəhərlərdən qaçmaq, təbiətə və təbii olana qayıtmaq istəkləri ilə bu destinasiyalara
olan tələbdə xüsusilə son illərdə böyük artım müşahidə olunur. Trekkinq, təbiət
gəzintisi, kanoe, dağlıq turizm, quşları seyretmə, balıqçılıq, ovçuluq və s. kənd
turizminə daxildir. Bundan əlavə turistlər bu kənd destinasiyalarında qala və bu
ərazilərdə həyata keçirilən əkinçilik fəaliyyətlərində də iştirak edə bilərlər. Xüsusilə
də heç kənd həyatı görməyən və şəhərlərdə yaşayıb böyüyən uşaqlar üçün bu
fəaliyyətlər maarifləndirici xarakter daşıya bilər [14, səh. 21-23].
Kənd ərazilərindəki turizm bütün turizm fəaliyyətlərinin 10-20%-ni təşkil edir.
Kənd əraziləri turistlərə etnik və coğrafi xarakterindən, tarixindən, fərqli
mədəniyyətindən və kənd təbiətindən qaynaqlanan sehirli bir cazibə təqdim edir [16,
səh. 7].
Orijinal ölkələrdəki destinasiyalar (3-cü Dünya ölkələri)
Orijinal ölkələrdəki destinasiyalar çox tez-tez üstünlük verilən destinasiyalardan
deyildir. Turistlər turizmi məhdud şəkildə inkişaf etmiş yerlərdəki təcrübələrdən zövq
alırlar. Daha çox Asiya, Cənubi Amerika və Afrikadakı inkişaf etməkdə olan
destinasiyalar yerli əhali və pozulmamış təbiət ilə qarşılıqlı ünsiyyətdə olmaq üçün
komfortlarından imtina etməyə hazır olan kiçik bir macərapərəst turist qrupunu cəlb
edirlər.
Bənzərsiz- Ekzotik- Xüsusi destinasiyalar
12
Bu destinasiyalarda yaşanacaq təcrübələr “həyat boyunca bir dəfə” şəklində
təqdim olunur və yüksək ödəniş qarşılığında həyata keçirilir. Bu destinasiyalar orta
hesabla bir turistin xəyalını gerçəkləşdirir və onlara xüsusi prestijli bir məhsul olaraq
qiymət qoyulur və təqdim edilir, məsələn toy, balayı, yubileylər ya da xüsusi bir
səyahət və ya stimul verici səyahətlər şəklindədir [14, səh. 23].
Cədvəl 1.1
Destinasiya növləri - Əsas hədəf bazarlar və həyata keçirilən fəaliyyətlər [36, səh. 7]
Destinasiya növü
İstehlakçılar
Fəaliyyətlər
Şəhər
İşgüzar-MICE
Görüşlər-Stimulverici səyahətlər-
Konfrans-Sərgilər
Təhsil-Din-Sağlamlıq
Boş vaxt
Görməli yerlərə
gəzinti-Alış-veriş-Şoular-Qısa
fasilələr
Sahil
İşgüzar-MICE
Görüşlər-Stimulverici səyahətlər-
Konfrans-Sərgilər
Boş vaxt
Dəniz-Günəş-Qum
Dağ
İşgüzar-MICE
Görüşlər-Stimulverici səyahətlər-
Konfrans-Sərgilər
Boş vaxt
Xizək-Dağ İdman
növləri-Sağlamlıq
Kənd
İşgüzar-MICE
Görüşlər-Stimulverici səyahətlər-
Konfrans-Sərgilər
Boş vaxt
İstirahət-Kənd
təsərrüfatı-Maarifləndirici
fəaliyyətlər-İdman
Orijinal Üçüncü Dünya
İşgüzar-MICE
Biznes imkanlarının
tədqiqi-Stimulverici səyahətlər
Boş vaxt
Macəra-Orijinal-
Xeyriyyə-Xüsusi maraq
13
Cədvəl 1.1-in ardı
Bənzərsiz-Ekzotik-Xüsusi
İşgüzar-MICE
Görüşlər-Stimulverici səyahətlər-
Uzaq və sakit
bir yerdə dincəlmə
Boş vaxt
Özəl hadisə-Bal ayı-Yubiley
Bundan əlavə turistik destinasiyalar aşağıdakı şəkildə də qruplaşdırıla bilər [14,
səh. 18]:
1. Etnik turizm və etnik destinasiyalar: Maraqlı etnik qrupların həyat tərzini və
mədəni dəyərlərini izləmək məqsədiylə insanların etdikləri gəzintiyə etnik turizm
deyilir.
2. Mədəni turizm və mədəni turistik destinasiyalar: İnsanların yaddaşlarında
qalan bölgələri təkrar görmək, yox olmağa üz tutmuş həyat formalarını təkrar izləmək
və bunlara təkrar qatılmaq məqsədiylə edilən gəzintilərə mədəni turizm deyilir. Bu
turizm növündə insanlar ümumiyyətlə çöl və ya şəhərətrafı ərazilərdə yemək yemək,
bölgənin geyim festivallarına, folkloruna qatılmaq və ya qədim əl sənətlərini görmək
istəyirlər.
3. Tarixi turizm və tarixi turistik destinasiyalar: tarixi cəhətdən zəngin turistik
yerləri və dəyərləri görmək, keçmişin əhəmiyyətli hadisələrini canlandıran səs və işıq
nümayişlərinə qatılmaq, rəhbərlərlə kilsə və katedral gəzintiləri etmək və abidələri
görmək və s. məqsədi ilə həyata keçirilən turizm fəaliyyətinə tarixi turizm deyilir.
Tarixi turizmdə xüsusilə təşkilati-kütləvi gəzintilər edilə və böyük şəhərlərdə asan
şəkildə gediləcək yerlərdə və ya mərkəzlərdə tarixi hadisələrin canlandırılması təşkil
edilə bilər.
4. Ekoloji turizm və ekoloji turistik destinasiyalar: İnsanların təbiətə dönmək,
insan-torpaq əlaqəsini qavramaq və ya buna qarşı həssaslıq qazanmaq məqsədiylə
edilən gəzintilərə ekoloji turizm deyilir. İnsanları uzaq bölgələrə səfər etməyə cəlb
edən bu turizm növündə etnik cazibədarlıqların yerinə, təbii-ekoloji cazibədarlıqlar
başda gəlir. Ekoloji turizm ümumiyyətlə coğrafi xüsusiyyət daşıyır. İnsanlar daha çox
14
milli parkları, təbiətin möcüzələrini görmək, uzun məsafələri qət etmək, dağa
dırmanmaq, qayıq ilə gəzinti etmək və düşərgə təşkil etmək istəyirlər.
5. Əyləncə (Əyləncə istiqamətli) turizmi və əyləncəli turistik destinasiyalar:
İnsanların rahat bir mühitdə ictimai əlaqələri inkişaf etdirmək, günəş vannası qəbul
etmək, müxtəlif idman fəaliyyətlərinə qatılmaq, şəfa duşları qəbul etmək, xoş və
sakitləşdirici bir mühitdə olmaq məqsədiylə etdikləri gəzintiyə əyləncə turizmi
deyilir. Əyləncə turizminin əsas məqsədi insanları rahatlıqla təmin etməkdir.
6. İşgüzar (iş məqsədli) turizm və işgüzar turistik destinasiyalar: Yığıncaq
məqsədiylə edilən turizmə işgüzar turizmi deyilir. Konqres, simpozium, seminar,
konfrans və kurslar bu yığıncaqların başında gəlir. İş gəzintiləri ümumiyyətlə digər
turizm növlərindən biri və ya bir neçəsi ilə birgə həyata keçirilə bilər. Bir turistik
bölgədə çox zaman birdən çox turizm imkanı olur. Məsələn, əsasən əyləncə imkanları
təmin edən bir turistik bölgə eyni zamanda iş turizmi üçün (yığıncaqlar üçün) də əsas
bölgə ola bilər.
Bir ərazi destinasiya ola bilmək üçün bəzi özəlliklərə sahib olmalıdır. Həmin bu
özəlliklər turistlərin bu destinasiyanı seçməsi və destinasiyanın inkişafında ən önəmli
amillər kimi qiymətləndirilir [21, səh. 6].
Turistlər gözlənti və tələblərinə cavab verə bilən turizm destinasiyasını seçirlər.
Turistlər destinasiyada istifadəsi asan olan xidmətlərin olduğu turist yönümlü
cazibədarlıqlara meyl edirlər [3].
Destinasiyalar bir neçə fərqli özəlliklərə malik olurlar və bunlardan ən əsasları
“cəlbedicilik, əlçatanlıq, imkanlar, müvafiq paketlər, fəaliyyətlər, köməkçi
xidmətlər”-dir. Cəlbedicilik – destinasiya təbii, insan əlindən çıxmış, bir məqsədə
xidmət etmək üçün hazırlanmış və miras olaraq keçmiş sivilizasiyalardan dövrümüzə
çatmış əsərlər ilə xüsusi hadisələrin bütünüdür. Destinasiyanın əlçatanlığı dedikdə isə
müxtəlif növ nəqliyyat vasitələri ilə bura səfər etmənin mümkünlüyü nəzərdə tutulur.
Həmçinin destinasiyalarda yerləşdirmə, qidalanma, satınalma və s. turistik imkanlar
olmalıdır. Müvafiq paketlər isə vasitəçilər və turizm üzrə səlahiyyətli şəxslər
tərəfindən əvvəlcədən hazırlanmış tur və yaz gəzinti paketləridir. Fəaliyyətlər
15
dedikdə səfər zamanı turistlərin iştirak edə biləcəyi bütün fəaliyyət növləri nəzərdə
tutulur. Destinasiyanın köməkçi xidmətləri təmin etməsi isə turistlərin hər an ehtiyac
duya biləcəkləri bank, rabitə, poçt, qəzet köşkü, xəstəxanalar və s. xidmətlərin
mümkünlüyüdür [11, səh. 78].
Laitinenə (2004) görə turistik destinasiyalarda aşağıdakı başlıca özəlliklər
olmalıdır [4]:
Destinasiyada mütləq turizmin inkişafını təmin edəcək infrastruktur olmalıdır.
İnfrastrukturu təşkil edən faktorlar isə ictimai xidmətlər, nəqliyyat və digər
sosial xidmətləri turistlərin istifadəsinə verir.
Destinasiya turistlərin seçim zamanı diqqət yetirəcəkləri cazibədarlıqlara sahib
olmalı və bu cazibədarlıqlar inkişaf etdirilməlidir.
Destinasiyanın turizm marketinqi və planlaması effektiv olmalıdır.
Destinasiya əlçatan olmalıdır.
Dostları ilə paylaş: |