İxtisas: “050632-İnformasiya texnologiyaları və sistemləri mühəndisliyi”
Şöbə: Əyani Qrup:
BURAXILIŞ İŞİ
Mövzu: Müəssisə işçilərinin əmək haqlarının hesablanması üzrə kompüter sisteminin yaradılması
Tələbə: Əmirxanlı Ofelya .M
Rəhbər: t.e.n., dos. Əliyev Eyvaz.H
Norma nəzarətçi: İbrahimzadə T.İ
Kafedra müdiri:t.e.n., dos. Allahverdiyev R.N
Bakı - 2018
İnkişaf edən dünyamızda, biznes rəqabəti mühitində böyük müəssilərin yarandığı bir dövrdə bu müəssisələrdə icra edilən proseslərin avtomatlaşdırılması böyük əhəmiyyət kəsb edir. Biz hazırda müəssisə daxilində verilənlərin mübadiləsini,kargüzarlıq əməliyyatlarını nəzərdə tuturuq. Böyük müəssisə daxilində verilənlərin axınının idarə edilməsi, kargüzarlıq proseslərinin avtomatlaşdırılması, insan resurslarının idarəsi ERP , CRM kimi nəhəng sistemlərə əsaslanır. Bu sistemlər iş prosesində əhəmiyyət daşıyan verilənlərin axınının idarəsini, müəssisənin insan resurslarının idarəsi və bir çox başqa proseslərin avtomatlaşdırılmasını təmin edir. Bu sistemlər müəssisənin işini asanlaşdırmaq,insan zəhmətinin azaltmaqla yanaşı müəssisənin iş keyfiyyətini artırır. Məhz bu səbəbdən ERP sistemlərinin araşdırılmasına ehtiyac vardır. Buraxılış işinin mahiyyəti ERP sistemlərə əsaslanır.
