3.2.2 ABŞ və Birləşmiş Krallıq
Amerika Birləşmiş Ştatları və Böyük Britaniya tarix, dil, mədəniyyət, ticarət,
demokratik dəyərlər və ümumi maraqlar baxımdan bir-birinə bağlıdır.
Amerika Birləşmiş Ştatları ilə Birləşmiş Krallıq arasında oxşar tərəflər çoxdur.
Məsələn, onların hər ikisi Şimali Atlantika Müqaviləsi Təşkilatının (NATO)
üzvüdürlər. Biznes nöqtəyi nəzərdən onlar güclü ticarət tərəfdaşıdırlar. ABŞ
Birləşmiş Krallığın 2-ci böyük ticarət tərəfdaşıdır. Təxminən Birləşmiş Krallıq
ticarətində Avropa İttifaqından sonra (44%) təxminən 17% yerə sahibdir. Birləşmiş
Krallıq da ABŞ üçün Çin, Kanada, Meksika, Almaniya və Yaponiya ilə birlikdə əsas
ticarət tərəfdaşlarından biridir. Hər iki ölkə dünyanın əsas maliyyə şəhərlərinə (Nyu
York və London) ev sahibliyi edirlər. 2016-cı il Dünya Bankı hesabatına əsasən
Amerika Birləşmiş Ştatları 18 trilyon dollar ilə dünyanın ən böyük iqtisadiyyatına
malikdir. Birləşmiş Krallıq 2,9 trilyon dollar ilə 5-ci sıradadır. İki ölkə arasında azad
ticarət müqaviləsi hər iki tərəf üçün faydalı olacağı güman edilir.
2016-cı ildə hər iki ölkədə çox mühüm xalq səsverməsi baş tutdu. 23 iyun 2016-cı
il tarixində Birləşmiş Krallıq referendumda 1972-ci ildə çətinliklə üzv olduğu və 46
illik sıx əlaqələrə malik olduğu Avropa İttifaqından çıxmağa qərar verdi. 8 noyabr
2016-cı il tarixində isə ABŞ-da keçirilən prezident seçkilərində özünəməxsusluğu və
fərqli siyasəti ilə seçilən Donald Trump xalq tərəfindən ölkə prezidenti keçirildi. Eyni
ildə 2 ölkədə baş vermiş mühüm hadisələr həmin ölkələrin daxili və xarici
siyasətlərində köklü dəyişikliklər baş verəcəyinə dəlalət edir.
Avropada mühüm inteqrasiya proseslərinə start verildiyi zaman Henry Kissinger
öz məşhur sorğulamasını etdi: “Vacib məsələlərdə Vaşinqtonun kiminlə əlaqə
saxlamalıdır?”
NATO-nun əhəmiyyətini nəzərə alaraq Brüssel Amerika diplomatiyası üçün əsas
bir mərkəz halına gəldiyi halda və Avropa Müdafiə Agentliyinin inkişafı ilə yanaşı,
Vaşinqton həmişə 3 böyük mərkəz ilə, London, Paris və Berlin ilə birbaşa əlaqədə
olub.
65
Brexit Avropa müttəfiqləri ilə amerikan əməkdaşlığının əhəmiyyətini dəyişmir, ancaq
qəti tədbirlər üçün həmişə 28 Aİ ölkəsinin həmrəyliyinə ehtiyac vardır. Birlikdən 1
ölkənin ayrılması belə Avropanı daha qarışıq bir hala gətirə bilər.
Brexitdən sonra Vaşinqton və Londonun yeni ticarət sazişləri də daxil olmaqla,
bütün sahələrdə ikitərəfli münasibətlərin möhkəmlənəcəyinə dair bir inam
mövcuddur. [34]
Birləşmiş Krallığın Avropa İttifaqından çıxması qərarı ölkənin daha çox
Transatlantik əməkdaşlığına daha çox yaxınlaşır deməkdir. Bu isə ABŞ ilə Birləşmiş
Krallıq arasında “yeni xüsusi əlaqə”nin yaradılmasına işarə edir.
Ekspertlər Brexiti Britaniya və ABŞ-ı eyni bir baxış ətrafında birləşdirən və
tərəflər arasındakı münasibətlər baxımından yeni başlanğıc kimi dəyərləndirirlər.
ABŞ xarici siyasəti üzrə ekspert Henrik Choyun sözlərinə görə Trump və May
cəmiyyətin daha çox millətçi və populist elementlərinə müraciət edərək, problemləri
öz sələflərindən fərqli yollarla həll etməyə meyillidirlər.
Baş nazir Theresa May Vaşinqtona Donald Trumpın prezident seçilməsi
münasibəti ilə Birləşmiş Ştatlara ilk rəsmi səfərini gerçəkləşdirdi. Səfərdə müzakirə
olunan əsas məsələlərdən biri məhz ölkələrarası ticarət idi. Cənab Trump, ABŞ
fermerlərinin Aİ qaydalarına görə məhsullarını Avropada satmağı çətinlik çəkdiyini
iddia etdi. Halbuki, Avropalı məhsullar üçün ABŞ-da belə bir maneə yoxdur. [55]
ABŞ və Birləşmiş Krallıq arasında olan əlaqələr aşağıdakı 3 problemlə
qarşılaşa bilər:
- ABŞ-ın yeni prezidentinin şəxsi keyfiyyətləri. Neqativ təsiri ola biləcəyi kimi
pozitiv nəticələri də mümkündür. Ancaq Donald Trumpın məsələlərə fərqli və
özünəməxsus yanaşması olduğu üçün bunu əvvəlcədən təxmin etmək çətindir.
- Donald Trump proteksionizmə olan dəstəyi. Bu zamanla dəyişə bilər, ancaq
dəyişməsə bu yanaşma Theresa Mayın Brexitdən sonra Britaniya üçün
düşündüyü uzun müddətli azad ticarət, kapitalın sərbəst hərəkəti və mülkiyyət
hüquqlarını özündə birləşdirən "böyük strategiyası" ilə ziddiyət təşkil edir.
66
- İki dövlət arasındakı güc balansı. ABŞ supergüc kimi, Birləşmiş Krallıq isə
vacib, ancaq orta dərəcəli güc kimi xarakterizə edilə bilər. Tərəflər arasındakı
əməkdaşlığın yüksək səviyyəsi bəzən asılılıq arada bilər. Bu anda isə daha
kiçik dövlət tərəfindən suverenliyin itirilməsi təhlükəsiz yarana bilər.
Suverenliyini itirməmək üçün 46 illik Aİ üzvlüyünə son qoyan Britaniya üçün
bu alternativ ola bilməz.
[7]
ABŞ və Birləşmiş Krallıq rəsmiləri arasında əməkdaşlıqla bağlı danışıqlar olsa da
danışıqların real nəticələri Brexitdən bir neçə il sonra görülə bilər.
Dostları ilə paylaş: |