Al-lulu vəl-mərcan
Bildiyi Halda Atasdan Üz Döndərən Kimsənin İmanının
Yüklə 5,61 Mb. Pdf görüntüsü
|
- Bu səhifədəki naviqasiya:
- “...Uca Allah onun dediyini təsdiq edib, bu
- “Həqiqətən də, Allah ilə olan əhdlərini və andlarını ucuz qiymətə satan kəslər üçün axirətdə heç bir pay yoxdur. Qiyamət günü Allah onları danışdırmaya
|
Bəyanı
40. Əbu Zərr rəvayət edir ki, Peyğəmbərin belə dediyini eşitdim: “Kim bilərəkdən doğma atasının deyil, başqa birisinin oğlu olduğunu iddia edərsə, küfr etmiş olar. Kim özünün heç bir qohumluq əlaqəsi olmadığı bir qəbiləyə mənsub olduğunu iddia edərsə, qoy Cəhənnəmdəki yerini tutsun.” (Buxari 3508, Muslim 93, 226)
41. Əbu Hureyra rəvayət edir ki, Peyğəmbər buyurdu: “Atalarınızdan imtina etməyin! Kim atasından imtina etsə, nankor olar.” (Buxari 6768, Muslim 94, 227)
26
42. Səd və Əbu Bəkr hər ikisi belə rəvayət etmişdir: “Mən Muhəmməd Peyğəmbərin belə dediyini (bu) iki qulağımla eşitmişəm və onu qəlbimə həkk etmişəm: “Kim bilərəkdən yad bir adamın öz atası olduğunu iddia edərsə, Cənnət ona haram edilər”. (Buxari 6766, 6767, Muslim 96, 229)
Vuruşmağın Küfr Olmasının” Bəyanı
43. Abdullah İbn Məsuddan rəvayət edilmişdir ki, Peyğəmbər buyurdu: “Müsəlmanı söymək günah, ona qarşı vuruşmaq isə küfrdür.” (Buxari 48, 6044, 7076, Muslim 97, 230)
Olmayın
44. Cərir rəvayət edir ki, Peyğəmbər vida həccində ona: “İnsanlara susub dinləməyi əmr et” dedi. (Hamı susduqdan) sonra o, belə buyurdu: “Məndən sonra bir-birinin boynunu vuran kafirlərdən olmayın!” (Buxari 121, 4405, 6869, 7080, Muslim 98, 232)
45. Abdullah İbn Ömər rəvayət edir ki, Peyğəmbər Vida həccində demişdir: “Ay yazıqlar! (yaxud: Ay biçarələr!) Məndən sonra bir-birinizin boynunu vuraraq kafir olmayın!” (Buxari 4403, 6785, Muslim 99, 234)
27
Küfrünün Bəyanı
46. Zeyd İbn Xalid əl-Cuhəni deyir ki: “Allah Elçisi Hudeybiyədə gecə ikən yağmış yağışdan sonra bizə sübh namazını qıldırdı və namazı bitirdikdən sonra üzünü camaata çevirib soruşdu: “Bilirsinizmi, Rəbbiniz nə buyurdu?” (Əshabələr:) “Allah və Onun elçisi daha yaxşı bilir” dedilər. Peyğəmbər: “(Allah buyurdu): “Qullarımdan bir qismi mömin, digər qismi isə kafir oldu. “Bizə Allahın lütfü və mərhəməti sayəsində yağış göndərilmişdir” deyənlərə gəlincə, onlar Mənə iman gətirmiş və ulduzları inkar etmişlər. “Yağış bizə filan və filan ulduza görə nazil olmuşdur” deyənlərə gəldikdə isə, onlar Mənə küfr etmiş və ulduzlara iman gətirmişlər. (Buxari 846, 1038, Muslim 104, 240)
47. Ənəs rəvayət edir ki, Peyğəmbər buyurdu: “(Kamil) imanın əlaməti ənsarı sevməkdir, münafiqliyin əlaməti isə ənsara nifrət etməkdir.” (Buxari 17, 3784, Muslim 108, 244)
48. Bəra rəvayət edir ki, Peyğəmbər buyurdu: “Ənsarı yalnız mömin sevər və onlara yalnız münafiq nifrət edər. Kim onları sevsə, Allah onu sevər. Kim onlara nifrət etsə, Allah da ona nifrət edər.” (Buxari 3783, Muslim 110, 246)
28 İmanın Naqisləşməsi İtaətin Naqisləşməsilədir
49. Əbu Səid əl-Xudri rəvayət edir ki, Peyğəmbər qurban yaxud fitrə bayramında namaz qılınan yerə getdi. Qadınların yanından keçdikdə (dayanıb) belə buyurdu: “Ey qadınlar! Sədəqə verin! Çünki mənə Cəhənnəm əhlinin əksəriyyətinin siz qadınlar olduğu göstərildi.” Qadınlar: “Nəyə görə, ya Rəsulullah?” deyə soruşdular. Peyğəmbər: “Çünki siz (insanları) tez-tez lənətləyir və ərlərinizə qarşı nankorluq edirsiniz. Mən ağıllı və ehtiyatlı bir adamın sizin qədər həm ağıl, həm də din baxımından nöqsanlı olduğunu görmədim.” Qadınlar: “Dinimizdə və ağlımızda olan nöqsan nədir, ya Rəsulullah?” deyə soruşdular. Peyğəmbər: “Məgər qadının şahidliyi kişinin şahidliyinin yarısına bərabər deyilmi?” Onlar: “Bəli!” deyə cavab verdilər. Peyğəmbər: “Bu, qadının ağlının naqisliyidir. Məgər (qadın) heyz olduğu zaman namazını və orucunu tərk etmirmi?” Onlar: “Bəli!” deyə cavab verdilər. Peyğəmbər: “Bu da, onun dininin naqisliyidir.” (Buxari 304, Muslim 114, 250)
50. Əbu Hureyra rəvayət edir ki, Peyğəmbərdən soruşdular: “Hansı əməl ən yaxşı əməl sayılır?” Dedi: “Allaha və Onun elçisinə iman gətirmək”. Soruşdular: “Bəs sonra hansıdır?” Dedi: “Allah yolunda cihad etmək”. (Yenə) soruşdular: “Bəs sonra hansıdır?” Dedi: “Qəbul olunmuş həcc”. (Buxari 26, Muslim 118, 258)
29
51. Əbu Zərr rəvayət edir ki, mən Peyğəmbərdən soruşdum: “Hansı əməl daha fəzilətli sayılır?” O buyurdu: “Allaha iman gətirmək və Onun yolunda cihad etmək.” Mən soruşdum: “Hansı köləni azad etmək daha yaxşıdır?” O buyurdu: “Ən bahalı və sahibi üçün ən dəyərli olanı.” Mən soruşdum: “Əgər bunu edə bilməsəm?” O buyurdu: “Bir iş görən adama kömək et və ya işi bacarmayan adamın işini gör.” Mən soruşdum: “Əgər bunu da edə bilməsəm?”. O buyurdu: “İnsanlara pislik etməkdən çəkin. Belə etsən, bu, sənin özünə verdiyin bir sədəqə olar.” (Buxari 2518, Muslim 119, 260)
52. Abdullah İbn Məsud rəvayət edir ki, mən Peyğəmbərdən soruşdum: “Allahın ən çox sevdiyi (əməl) hansı əməldir?” O buyurdu: “Namazı vaxtlı- vaxtında qılmaq.” Mən dedim: “Sonra hansıdır?” O buyurdu: “Valideynlərin qayğısına qalmaq.” Mən dedim: “Bəs sonra hansıdır?” O buyurdu: “Allah yolunda cihad etmək.” İbn Məsud: “Bunları mənə Peyğəmbər buyurdu. Əgər soruşsaydım, yenə cavab verərdi.” (Buxari 527, 5970, Muslim 122, 264)
53. Abdullah (İbn Məsud) demişdir: “(Bir dəfə) mən Peyğəmbərdən soruşdum ki: “Hansı günah Allah yanında ən böyük günah sayılır?” Dedi: “Səni yaradan Allaha (başqa birisini) tay tutmağındır!” Mən: “Doğrudan da, bu, böyük günahdır” dedim, sonra (yenə) soruşdum: “Bəs sonra hansıdır?” Dedi: “Övladının səninlə birgə yemək yeyəcəyindən qorxub onu öldürmək!”
30 Mən soruşdum: “Sonra hansıdır?” Dedi: “Qonşunun zövcəsi ilə zina etmək!” 14
(Buxari 4477, 7520, Muslim 124, 267)
54. Əbu Bəkrə rəvayət edir ki, Peyğəmbər üç dəfə: “Sizə günahların ən böyüyü barədə xəbər verimmi?” deyə soruşdu. Əshabələr: “Bəli, ya Rəsulallah!” deyə cavab verdilər. Peyğəmbər: “Allaha şərik qoşmaq və valideynlərin üzünə ağ olmaqdır” dedi. (Bunu deyəndə) o söykənmişdi; sonra qalxıb oturdu və: “yalan söz danışmaqdır” dedi. O bunu dalbadal o qədər təkrar etdi ki, biz (bir- birimizə): “Nə olaydı, susaydı!” dedik”. (Buxari 2654, 6919, Muslim 126, 269)
55. Ənəs rəvayət edir ki, Peyğəmbərdən böyük günahlar barədə soruşduqda, belə buyurdu: “Allaha şərik qoşmaq və valideynlərin üzünə ağ olmaq, (Allahın haram buyurduğu) cana qəsd etmək və yalandan şahidlik etməkdir”. (Buxari 2653, 5977, Muslim 128, 271)
56. Əbu Hureyra rəvayət edir ki, Peyğəmbər buyurdu: “Məhvedici yeddi günahdan çəkinin!” (Əshabələr) soruşdular: “Nədir onlar, ya Rəsulullah?”. Peyğəmbər: “Allaha şərik qoşmaq, sehrbazlıq, Allahın haram buyurduğu cana nahaq yerə qəsd etmək, sələm yemək, yetimin malını yemək, döyüş meydanından qaçmaq və (zinadan) xəbəri olmayan namuslu, ismətli mömin qadınları zinada ittiham etmək.” (Buxari 2766, 6857, Muslim 129, 272)
14 Digər isnadla rəvayət olunmuş bu hədisin tamamında deyilir: “...Uca Allah onun dediyini təsdiq edib, bu ayəni nazil etdi: “Onlar Allahla yanaşı başqa məbuda yalvarmaz, Allahın haram etdiyi cana haqsız yerə qıymaz və zina etməzlər.” (əl-Furqan 68).
31
57. Abdullah İbn Amr rəvayət edir ki, (bir dəfə) Peyğəmbər buyurdu: “Adamın öz valideynlərini lənətləməsi böyük günahlardandır”. (Əshabələr təəccüblə) dedilər: “Ya Rəsulullah, heç adam da öz valideynlərini lənətləyərmi?”. Peyğəmbər: “Bir adam başqa birisinin atasını söyər, o da qayıdıb onun ata-anasını söyər”. (Buxari 5973, Muslim 130, 273)
58. Abdullah (İbn Məsud) rəvayət edir ki, Peyğəmbər buyurdu: “Kim Allaha şərik qoşub ölərsə, Cəhənnəmə girər.” Mən dedim: “Kim Allaha şərik qoşmayıb ölərsə, Cənnətə daxil olar.” (Buxari 1238, Muslim 134, 278)
59. Əbu Zərr rəvayət edir ki, Peyğəmbər buyurdu: “Bir nəfər (Cəbrail) yanıma gəlib mənə xəbər verdi (və ya məni müjdələdi) ki, ümmətimdən Allaha şərik qoşmayıb ölən hər kəs Cənnətə daxil olacaq.” Mən soruşdum: “Zina və oğurluq etmiş olsa belə?” Dedi: “Zina və oğurluq etmiş olsa belə.” (Buxari 1237, Muslim 137, 282)
60. Əbu Zərr deyir ki: “(Bir dəfə) Peyğəmbər əynində ağ paltar yatmış ikən mən onun yanına gəldim. (Mən onun yatdığını görüb çıxıb getdim və bir müddətdən) sonra yenə onun yanına gəldim. O artıq oyanmışdı. (Məni görəndə) dedi: “Lə Ilahə Illəllah” deyib ölən hər bir bəndə mütləq Cənnətə daxil olacaqdır!” Mən soruşdum: “Zina və oğurluq etsə də belə?” Dedi: “Zina
32 və oğurluq etsə də belə.” (Yenə) soruşdum: “Zina və oğurluq etsə də belə?” Dedi: “Zina və oğurluq etsə də belə.” (Bir daha) soruşdum: “Zina və oğurluq etsə də belə?” Dedi: “Zina və oğurluq etsə də belə, Əbu Zərin xoşuna gəlməsə də belə.” Əbu Zər hər dəfə bu hədisi danışarkən deyərdi: “Əbu Zərin xoşuna gəlməsə də belə!” (Buxari 5827, Muslim 138, 283)
61. Bəni Zuhra qəbiləsinin müttəfiqi olmuş, Bədr döyüşündə iştirak etmiş Miqdad İbn Amr əl-Kindi demişdir: “(Bir dəfə) mən Peyğəmbərə dedim: “Söylə görək, əgər mən (döyüşdə) kafirlərdən biri ilə üzbəüz gəlib onunla vuruşsam, o, mənim bir əlimi kəssə, sonra da canını məndən qurtarmaq üçün ağaca qalxıb: “Allaha təslim oluram!” desə, bu sözü deməyinə (baxmayaraq) mən onu öldürə bilərəmmi, ya Rəsulullah?”. Peyğəmbər: “Sən onu öldürməməlisən!” dedi. (Miqdad) dedi: “Ya Rəsulullah, axı, o, mənim bir əlimi kəsmiş və bu sözü ancaq əlimi kəsdikdən sonra demişdir.” Peyğəmbər: “Sən onu öldürməməlisən. Çünki əgər sən onu öldürsən, onun halı, sənin onu öldürməmişdən qabaqkı halın kimi olacaq. Sənin halın isə, onun bu sözü deməmişdən əvvəlki halı kimi olacaq 15 ” (Buxari 4019, Muslim 139, 284)
15 Peyğəmbərin : “...onun halı, sənin onu öldürməmişdən qabaqkı halın kimi olcaq” sözü o deməkdir ki, zahirən müsəlman olduqdan sonra onun qəsdinə durmaq qadağan olacaq, özü də şəriətə uyğun şəkildə mühakimə olunacaq. “Sənin halın onun bu sözü deməmişdən əvvəlki halı kimi olacaq” sözü isə o deməkdir ki, əgər sən onu öldürsən, onun varislərinin səndən qisas və ya qanbahası almağa haqqı olacaq. “Fəthul Bari” 19/301.
33 62. Usamə İbn Zeyd deyir ki: “(Bir dəfə) Peyğəmbər bizi Hurəqəyə göndərdi və biz səhər tezdən düşmənə hücum edib onları darmadağın etdik. (Döyüş əsnasında) mən ənsardan olan bir əshabə ilə birgə düşməndən olan birisinə çatıb onu yaxaladıqda o adam: “Lə Ilahə Illəllah” dedi. (Bunu eşidəndə) ənsardan olan əshabə ona dəymədi, mən isə mizrağımla onu vurub öldürdüm. Biz (Mədinəyə) gəldikdə bu xəbər Peyğəmbərə çatdı və (mənə): “Ey Usamə! (Adam) “Lə Ilahə Illəllah” deyəndən sonra sən onu öldürmüsən?!” Dedim: “O, (məndən) qorunmaq üçün belə dedi.” Peyğəmbər bunu o qədər təkrar etdi ki, mən həmin günədək müsəlman olduğuma peşman oldum.” (Buxari 4269, 6872, Muslim 141, 288)
63. Abdullah İbn Ömər rəvayət edir ki, Peyğəmbər buyurdu: “Bizə qarşı silah qaldıran adam bizdən deyildir.” (Buxari 6874, 7070, Muslim 143, 291)
64. Əbu Musa rəvayət edir ki, Peyğəmbər buyurdu: “Bizə qarşı silah qaldıran adam bizdən deyildir.” (Buxari 7071, Muslim 145, 293)
65. Abdullah rəvayət edir ki, Peyğəmbər buyurdu: “Üz-gözünə döyən, paltarının yaxasını cıran və cahiliyyət dövründə deyilən sözləri deyən kimsə bizdən deyildir 16 ” (Buxari 1297, 1298, 3519, Muslim 148, 296)
16 Ölüyə ağladıqda həddi aşan hər kəs Peyğəmbərin sünnəsinə zidd hərəkət etmiş hesab olunur.
34
66. (Bir dəfə) Əbu Musa ağır xəstələndi və başı zövcələrindən birinin qucağında ikən bayıldı. Bu vaxt zövcəsi (fəryad qoparıb) ağlamağa başladı və Əbu Musa ona heç nə deyə bilmədi. Ayıldıqda isə dedi: “Peyğəmbərin uzaq olduğu kimsədən mən də uzağam. Həqiqətən, Peyğəmbər (müsibət üz verdikdə) şivən salıb ağlayan, başını qırxdıran və paltarını cıran kimsədən uzaqdır!”. (Buxari 1296, Muslim 149, 298)
67. Huzeyfə rəvayət edir ki, mən Peyğəmbərin belə dediyini eşitmişəm: “Dedi-qodu yayan Cənnətə girməz!” (Buxari 6056, Muslim 152, 153, 304, 305)
68. Əbu Hureyra rəvayət edir ki, Peyğəmbər buyurdu: “Qiyamət günü üç sinif insan olacaq ki, Allah onların üzünə baxmayacaq və onları təmizə çıxarmayacaqdır (Başqa rəvayətdə: Danışmayacağı). Üstəlik onları üzücü bir
35 əzab gözləyir: – o adam ki, yol kənarındakı suya sahib olmuş və (oradan keçən) müsafirlərə bu sudan verməmişdir – o adam ki, əmirə yalnız dünya xatirinə beyət etmiş və əmir dünya malından ona verdikdə ondan razı qalmış, heç nə vermədikdə isə ona qəzəbi tutmuşdur – o adam ki, malını axşam çağı satmağa çıxarıb: “Özündən başqa məbud olmayan Allaha and olsun ki, bu mala filan qədər pul vermişəm” deyər, camaat da ona inanar (Başqa rəvayətdə: Libasını yerlə sürükləyən kimsə). Sonra Peyğəmbər bu ayəni oxudu:
69. Əbu Hureyra rəvayət edir ki, Peyğəmbər buyurdu: “Kim özünü dağdan atıb canına qəsd edərsə, Cəhənnəm odunda özünü daima yuxarıdan aşağı atar və orada əbədi olaraq qalar. Kim zəhər içib özünü öldürərsə, Cəhənnəm odunda o zəhəri əlində tutub həmişə zəhər içər və orada əbədi olaraq qalar. Kim dəmir parçası ilə öz canına qəsd edərsə, Cəhənnəm odunda bu dəmir parçasını daim qarnına soxar və orada əbədi olaraq qalar.” (Buxari 5778, Muslim 158, 313)
36 70. Ağac altında beyət edən əshabələrdən Sabit İbn Dəhhak rəvayət etmişdir ki, Peyğəmbər buyurdu: – kim İslamdan başqa bir din üzərində olduğuna and içərsə, and içdiyi kimi olar – Adəm oğlu gücü çatmadığı bir şeyi nəzir edəcəyinə dair söz verməməlidir – kim bu dünyada (hər hansı) bir şeylə öz canına qəsd edərsə, Qiyamət günü həmin şeylə ona əzab verilər – kim bir möminə lənət oxuyarsa, onu öldürmüş hesab olunar – habelə, kim bir mömini küfrdə ittiham edərsə, onu öldürmüş hesab edilər”. (Buxari 6047, Muslim 160, 316)
71. Əbu Hureyra deyir ki: “Biz Peyğəmbərlə birlikdə Huneyn döyüşündə iştirak etdik. Orada Peyğəmbər müsəlman adlanan kimsələrdən biri haqqında: “Bu, Cəhənnəm əhlindəndir” dedi. (Nəhayət,) döyüşə başladığımız zaman həmin adam var gücü ilə vuruşdu və (ağır) yaralandı. (Peyğəmbərə dedilər): “Ey Allahın Elçisi! Bayaq haqqında: “O, Cəhənnəm əhlindəndir” dediyin adam bu gün var gücü ilə vuruşdu və (aldığı yaralardan) dünyasını dəyişdi”. Peyğəmbər: “Onun yolu Cəhənnəmədir” dedi. (Bu sözdən sonra) az qaldı ki, müsəlmanların bəzisi şübhəyə düşsün. Onlar şübhə içində ikən birdən (səhabələrdən biri): “O adam ölməyib, lakin ağır yaralanıb” dedi. Nəhayət, gecə düşdükdə həmin adam ağrılara dözməyib öz canına qəsd etdi. Onun barəsində Peyğəmbərə xəbər verildikdə o: “Allah Böyükdür! Şahidlik edirəm ki, mən, həqiqətən də, Allahın qulu və elçisiyəm!” dedi. Sonra Bilala buyurdu, o da camaata bunu elan etdi: “Şübhəsiz ki, Cənnətə yalnız müsəlman girər. Və sözsüz ki, Allah bu dini günahkar bir adamın vasitəsilə olsa belə, qüvvətləndirər”. (Buxari 3062, 6606, Muslim 162, 319)
37
72. Səhl İbn Səd əs-Saidi rəvayət edir ki, (yürüşlərin birində) Peyğəmbər (və onun əshabələri) müşriklərlə üz-üzə gəlib döyüşməyə başladılar. (Bir müddətdən sonra) Peyğəmbər öz düşərgəsinə, müşriklər də öz düşərgələrinə çəkildilər. Peyğəmbərin əshabələri arasında elə birisi var idi ki, (döyüşdə) heç bir fürsəti əldən verməmiş, çatdığı hər kəsi qılıncdan keçirib qətlə yetirmişdi. (Bəziləri) dedilər: “Bu gün bizim heç birimiz filankəs kimi döyüşmədi”. Peyğəmbər: “(Filankəsə) gəlincə, o, Cəhənnəm əhlindəndir!” Əshabələrdən biri: “Bu gün mən onu izləyəcəyəm” dedi və onun dalınca düşdü. Adam hər dayandıqda, əshabə onunla bərabər dayanar, tez-tez getdikdə isə (ona çatmağa) tələsərdi. Sonra həmin adam ölümcül yaralandı və canını (əzab-əziyyətdən) qurtarsın deyə qılıncının qəbzəsini yerə dayadı, tiyəsini də sinəsinə dirədi, sonra da özünü qılıncının üstünə yıxdı. (Bu hadisədən sonra) əshabə Peyğəmbərin yanına gəlib dedi: “Mən şahidlik edirəm ki, sən Allahın Elçisisən!”. Peyğəmbər: “Nə olub ki?” (Əshabə) dedi: “Bayaq sən bir adamın Cəhənnəm əhlindən olduğunu söylədin və bu, hamını heyrətə saldı. Onda mən (öz-özümə): “Mən onun barəsində sizə (bir xəbər) gətirərəm” dedim və həmin adamı izləməyə başladım. Bu əsnada həmin adam ölümcül yaralandı və canını (əzab-əziyyətdən) tez qurtarmaq üçün qılıncının qəbzəsini yerə dayadı, tiyəsini də sinəsinə dirədi, sonra da özünü qılıncının üstünə yıxaraq canına qəsd etdi.” Bunu eşidəndə Peyğəmbər buyurdu: “Həqiqətən, insanlara kimsənin Cənnət əhlinin əməli kimi bir əməl etdiyi görünə bilər, (halbuki) həmin adam Cəhənnəm əhlindəndir. Həmçinin onlara kimsənin Cəhənnəm əhlinin əməli kimi bir əməl etdiyi görünə bilər, halbuki həmin adam Cənnət əhlindəndir.” (Buxari 2898, 4202, Muslim 163, 320)
73. Cundəb İbn Cunadə rəvayət edir ki, Peyğəmbər buyurdu: “Sizdən əvvəl yaşamış insanlar arasında bir nəfər yaralandı. Adam ağrıya dözmədiyindən bıçaq götürüb əlini kəsdi və çoxlu qan itirib öldü. Uca Allah buyurdu: “Qulum canına qəsd etməklə Məni qabaqlamaq istədi, Mən də Cənnəti ona haram etdim!” (Buxari 3463, Muslim 164, 321)
Yüklə 5,61 Mb. Dostları ilə paylaş:
|