|
Ambulator – poliklinika xidməti.
Ambulator – poliklinika xidməti əhaliyə göstərilən tibbi
xidmətin təşkilində daha səmərəli, kütləvi formasıdır və
səhiyyə sistemində əsas yeri tutur.
Ixtisaslaşdırılmış tibbi xidmətin
əhaliyə
yaxınlaşdırılması, xəstəliyin erkən formasının aşkara
çıxarılması, xəstələrin stasionara vaxtında göndərilməsi,
əhalinin sanitar – mədəni səviyyəsinin qaldırılması – bunların
hamısı əsasən ambulator – poliklinika xidmətinin metodudur.
Əhalinin böyük əksəriyyətinin həkim köməyinə
müraciəti ambulator – poliklinikaya olur ki, xəstənin müalicəsi
burada başlanır və burada qurtarır.
1966-cı ildə ambulator – poliklinika köməyini göstərən
müəssisələrin sayı – 50 (onlardan 21-i şəhərlərdə, 29-u kənd
yerlərində), 1940-cı ildə isə 30 olmuşdur (1-ci diaqram).
Poliklinikaların (ambulatoriyaların), dispanserlərin,
qadın və uşaq məsləhətxanalarının səmərəli fəaliyyətinin
əsasını sahə prinsipi xidməti təşkil edir, hansı ki, bu prinsip
əhaliyə keyfiyyətli müalicə profilaktika xidmətinin
göstərilməsi işində xüsusi əhəmiyyət kəsb edir.
Həyatın təsdiq etdiyi sahə – ərazi prinsipi xidməti
müalicə həkiminə imkan verir ki, o, öz sahəsində xəstəlikləri,
onun sanitar vəziyyətini, əhalinin tərkibini, onun əmək və
məişətini yaxşı öyrənsin.
| 
