Bariy ionini ochish va ajratish. Bariy ioni kaliy dixromat bilan ochiladi. Reaksiyani sirka kislotali (5-7 tomchi) sharoitda o‘tkaziladi. Agar reaksiya ijobiy natija bersa, bariy kationini to‘liq cho‘ktirish uchun kaliy dixromat eritmasidan mo‘lroq qo‘shiladi. Cho‘kmani sentrifugalanadi va cho‘kma tashlab yuboriladi. Eritmada esa kalsiy va stronsiy ionlari bo‘lib, ularni analizi quyidagicha davom ettiriladi: Kalsiy va stronsiylarni dixromat ionidan ajratish.Eritmani sariq- zarg‘aldoq rangga bo‘yalishi dixromat ioni borligini bildiradi. Stronsiy va kalsiy ionlarini dixromat ionlaridan ajratish uchun sentrifugatga natriy karbonat eritmasidan qo‘shiladi. Hosil bo‘lgan stronsiy va kalsiy karbonat cho‘kmalarini sentrifugalab, sentrifugat tashlab yuboriladi. Cho‘kmani distillangan suv bilan yuvib, 2mol/dm3sirka kislotasida eritiladi va stronsiy, kalsiy ionlari shu eritmada ochiladi. Stronsiy ioni«gipsli suv» reaksiyasi bo‘yicha ochiladi. Kalsiy ionini ochish. Stronsiy ioni bo‘lmaganda kalsiy ioni ammoniy oksalat yoki ammoniy tuzi ishtirokida kaliy geksatsianoferrit (II) reagentlari bilan ochiladi. Stronsiy ioni bo‘lganda kalsiy ioni faqat kaliy geksatsianoferrit (II) bilan ochiladi (nima uchun?). III guruh sulfatlarining analiz chizmasi quyidagi ko‘rinishga ega: sxema II GURUH KATIONLARI SULFATLI CHO‘KMALARINING ANALIZ CHIZMASI
