Bolaning uyda qolgan boshka barcha holatlarda qonuniy vakil tomonidan to‘lovlar umumiy asoslarda to‘lanadi. Davlat maktabgacha ta’lim tashkilotlarida bolalar ta’minotiga haq to‘lash tartibi amaldagi qonun hujjatlari talablariga muvofiq amalga oshiriladi. 11. Qarzdorlik kelib chiqqan kundan boshlab 60 kalendar kuni mobaynida tarbiyalanuvchini DMTTda saqlash uchun mavjud bo‘lgan qarzdorlik qoplanganda, tarbiyalanuvchi ushbu DMTTga tiklanadi. Ko‘rsatilgan muddat o‘tib ketgan hollarda, DMTTga bolani qabul qilish umumiy asoslarga ko‘ra amalga oshiriladi. Tarbiyalanuvchining DMTTga qatnashi vaqtincha yoki butunlay to‘xtatilishi to‘g‘risida qonuniy vakilning yozma arizasi bo‘lmagan hollarda ota-ona to‘lovi to‘liq oy uchun hisoblanadi va umumiy asoslarda undiriladi. O‘tgan oy uchun ota-ona to‘lovining qolgan kismi to‘langandan so‘ng tarbiyalanuvchini DMTTga qatnashiga yo‘l qo‘yiladi. Qonuniy vakilning oldindan bergan yozma arizasiga asosan, bolaning DMTTga qatnashi butunlay to‘xtatilgan taqdirda, to‘lov to‘liq bo‘lmagan oy uchun, ya’ni tarbiyalanuvchi amalda DMTTga qatnagan kunlar uchun to‘lanadi. V. TARAFLARNING JAVOBGARLIGI 12. Taraflar ushbu shartnoma shartlarini bajarmagan yoki lozim darajada bajarmagan hollarda, ular O‘zbekistan Respublikasining amaldagi qonun hujjatlariga muvofiq javobgar bo‘ladilar. VI. ShARTNOMANI O‘ZGARTIRISh VA BEKOR QILISh 13. Taraflar shartnomani o‘zgatirish va bekor qilishni mazkur shartnomada nazarda tutilgan xollarda va amaldagi qonun xujjatlariga muvofik amalga oshirishi mumkin. 14.Shartnoma bajarilishini bir taraflama rad etishga yoki shartnoma shartlarini bir taraflama o‘zgartirishga faqat qonun hujjatlariga muvofiq yo‘l qo‘yiladi. VII. NIZOLARNI HAL QILISh TARTIBI 15. Mazkur shartnoma bir xil yuridik kuchga ega bulgan xolda ikki nusxada tuzilib, taraflar tomonidan imzolangan vaktdan boshlab kuchga kirgan xisoblanadi.
