Windows operatsion tizimida fayllarni izlash uchun fayllarni saqlash va ochish universal muloqat oynalari nazarda tutilgan. Dialogs bandining mos komponentlarini shaklda o‘rnatib ulardan foydalanish mumkin.
Bu komponentlarni shaklda o‘rnatib fayllar bilan ishlash standart muloqat oynalarini chaqirish va keyinchalik bu muloqat ishlari natijalaridan foydalanish mumkin.
Fayllarni ochish standart muloqat oynasi shu ko‘rinishga ega.
Fayllarni saqlash standart muloqat oynasi shu ko‘rinishga ega.
«Saqlash» - «Soxranit» yoki «Ochish» - «Открыть» tugmalari bosilgandan so‘ng, ammo oynani yopgunga qadar (ya’ni CanClose holati paytida), foydalanuvchi tomonidan tanlangan fayl nomi AnsiString turiga ega shakl ob’yektiga mos FileName xossasida joylashadi.
8 - misol: «Matn muharriri» Dastur tasnifi
Vazifa: Matn fayllarini tashkil qiluvchi va o‘zgartiruvchi dastur tuzilsin. Diskdagi fayllarni ochish va kritilgan o‘zgartirishlarni saqlash imkoniyatlari amalga oshirilsin.
Fayllarni izlash, hamda fayllarni saqlash joyini tanlash uchun fayllarni ochish/saqlash standart muloqatlardan foydalanilsin.
Faylning matni Memo maydonida aks ettirilsin.
Muammolar
ifstream va ofstream sinflarining ob’yektlari fayllarni hosil qilish va ular bilan ishlashda uzatilayotgan fayl nomini belgilar massivi sifatida ishlatadi. Standart muloqatlar esa «satr» (AnsiString) turidagi qiymatlarni qaytaradi. Ya’ni standart muloqat oynalari qaytarayotgan qiymatlarni to‘g‘ridan-to‘g‘ri ifstream yoki ofstream ob’yektlarga uzatishning imkoni yo‘q.
Bu muammoni yechish uchun satrni belgilar massiviga almashtiruvchi protsedura tuzish tavsiya etiladi.
Zarur ko‘nikmalar
Mazkur dasturni yozish uchun dastur yaratish muhitining standart komponentlari, fayllarni izlashga mo‘ljallangan muloqat oynalari bilan ishlashni bilish kerak. Undan tashqari matn holatdagi fayllarni o‘qish va diskda saqlashni ham bilish zarur.
Dostları ilə paylaş: |
