" O’zbekiston temir yo’llari " aj markaziy sanitariya-epidemiologiya stansiyasi



Yüklə 22,5 Kb.
tarix21.01.2017
ölçüsü22,5 Kb.
#6020
 " O’zbekiston temir yo’llari " AJ

Markaziy sanitariya-epidemiologiya stansiyasi

"O’zbekiston temir yo’llari" AJ Markaziy sanitariya-epidemio-logiya stansiyasi o’zining joylardagi 8 ta tarmoq SES filiallari bilan "O’zbekiston temir yo’llari" AJ tarkibiga kiruvchi sog’liqni saqlash bosh muassasasi hisoblanadi.

O’zbekiston Respublikasi Vazirlar Mahkamasining 31-mart 2006 yilgi №53-sonli "O’zbekiston temir yo’llari" DATK faoliyatining ayrim masalalari to’g’risida"gi qaroriga asosan O’zbekiston Respublikasi temir yo’l transportida “Davlat sanitariya-epidemiologiya nazorati markazi”dan “Markaziy sanitariya-epidemiologiya stansiyasi” nomi bilan qayta tuzilgan.

Markaziy SES O’zbekiston Respublikasining 26.08.2015 yil №O’RQ-393-sonli "Aholining sanitariya-epidemiologik osoyishtaligi to’g’risi-dagi" Qonuni, respublika va “O’TY” AJ tomonidan chiquvchi qonunosti xujjatlariga ko’ra vakolat doirasida sanitariya nazoratini o’tkazuvchi boshqaruv apparati hisoblanadi.

Markaziy SES "O’zbekiston temir yo’llari " AJ tarkibiy qismi hisoblanib, tugallangan balansga, yuridik shaxs maqomiga ega, bank bo’limida o’zining hisob raqamiga va subhisobiga, O’zbekiston Respublikasi gerbi tushirilgan muhriga hamda korxona nomi aks ettirilgan shtampiga ega.

 Markaziy SESni Markaziy SES bosh sanitariya vrachi boshqaradi.

Turgan joyi va yuridik manzilgohi: 

"O’zbekiston temir yo’llari" AJ Markaziy sanitariya-epidemiologiya stansiyasi Toshkent shahar Mirobod tumani Nukus 1-tor ko’cha 5-uyda joylashgan bo’lib, qisqartirilgan nomi – MSES. 

MSES tarkibiga quyidagi 8 ta tarmoq SES filiallari kiradi: Xovos, Qo’qon, Andijon, Samarqand, Buxoro, Qarshi, Termiz va Qo’ng’irot stansiyalaridagi tarmoq sanitariya-epidemiologiya stansiyalari bo’lib (qisqartirilgan nomi - TSES ), Qo’ng’irot TSES tarkibiga Urganch stansiyasidagi sanitariya-epidemiologiya bo’limi kiradi. TSESlar amaldagi “O’TY” AJning Ustavi, MSES bosh vrachi tomonidan tasdiqlangan yo’riqnomasi xamda O’zbekiston Respublikasi fuqarolik Kodeksining 47-moddasiga asosan faoliyat ko’rsatadilar. Tarmoq SESlarni mintaqaviy temir yo’l uzellariga tegishli bosh sanitariya vrachlari boshqaradi.

O’zining faoliyati davomida quyidagilarga amal qiladi:

O’zbekiston Respublikasi Konstitusiyasi, O’zbekiston Respublikasi-ning 26.08.2015 yil №O’RQ-393-sonli "Aholining sanitariya-epidemiologik osoyishtaligi to’g’risida"gi  Qonuni, 29.08.1996 yilgi “Fuqarolar sog’li-g’ini himoya qilish to’g’risida”gi Qonuni, O’zbekiston Respublikasi Prezidentining Farmonlari (“Sanitariya qonunini buzganligi uchun  javobgarlikni kuchaytirish to’g’risida" №PF-1933 02.03.1998 yil va boshqalar), O’zbekiston Respublikasi Vazirlar Mahkamasining Qarorlari (№147-sonli 08.04.1998 yilgi “Davlat sanitariya nazorati samaradorligini oshirish bo’yicha chora-tadbirlar xaqida”gi Qaror va boshqalar), “O’zbekiston temir yo’llari” AJ rahbariyati tomonidan taqdim etiladigan xujjatlar, sanitariya-gigienik va epidemiologik masalalar bo’yicha esa O’zbekiston Respublikasi Sog’liqni saqlash vazirligining buyruqlari asosida xamda boshqa qonun osti xujjatlariga yondoshgan holda ish olib boradi. 
MSES faoliyatining asosiy prinsiplari:

- inson salomatligini saqlash va mustahkamlash xuquqini kafolatlashga qaratilgan tashqi muhitni sog’lomlashtirish, tarbiyalash, o’qitish, ish sharoitlarini, dam olishini va ovqatlanishini yaxshilashga qaratilgan kompleks qonuniy sanitariya va epidemiyaga qarshi tashkiliy chora-tadbirlarni amalga oshirish;

- yangi ob’ektlarni loyihalash va ishga tushirish, transport vositalarini rivojlantirish, yangi texnologik qurilmalarni o’rnatganda, temir yo’l qurilishida atrofdagi ishlab chiqarish muhitlaridagi noqulay omillarni aholini va ishlovchilarni sog’ligiga ta’sir etishini oldini olishga qaratilgan birinchi darajada ahamiyatga ega bo’lgan faoliyatni ta’minlash;

- temiryo’lchilarni va aholini sanitariya madaniyatini oshirish;

- temiryo’lchilarni, transport quruvchilarni va yo’lovchilarni ushbu masalaga dahldor tashkilotlar bilan birgalikda O’zbekiston Respublikasi hududiga temir yo’l transporti orqali chetdan karantin va o’ta xavfli infeksiyalarni kirib kelishi va tarqalishini oldini olishga qaratilgan sanitariya-epidemiologik va radiasion barqarorlikni ta’minlash.
Markaziy SES asosiy vazifalari.

- O’zbekiston Respublikasida temir yo’l uchun ajratilgan xududlarda joylashgan korxona va tashkilotlarda, tadbirkorlik sub’ektlarida sanitariya qonunchiligi xamda sanitariya-gigiena va epidemiyaga qarshi qoida va me’yorlarga amal qilgan holda ogohlantiruvchi va joriy sanitariya nazoratini o’tkazish;

- Sanitariya-epidemiologik nazoratini o’tkazishda vujudga keluvchi muammo va ziddiyatlarni yuridik qonun va xujjatlar asosida hal etish;

- “O’zbekiston temir yo’llari” AJ ob’ektlarida sanitariya-gigienik, epidemiyaga qarshi xamda profilaktik dezinfeksion-deratizasion chora-tadbirlarni o’tkazish;

- Sanitariya-gigienik, bakteriologik, parazitologik, radiologik xamda asbob-uskunalar yordamida laboratorriya tekshiruvlarini o’tkazish;

- O’ta xavfli infeksiyalar, parazitar va kasb kasalliklari, ovqatdan zaharlanish, temir yo’l ob’ektlarida sanitariya-epidemiologik holati, radiasion holatlar xamda demografik ko’rsatkichlar asosida profilaktik chora-tadbirlar monitoringi bo’yicha ishni tashkillashtirish. Korxona, muassasa va tashkilotlarda ishlovchi ishchilarni salomatligi holatini xamda atrof muhitni xavfli antropogen ta’sirini baholash;

- Temir yo’l ob’ektlarida aholi salomatligiga xavf tug’diruvchi texnogen omillarni yo’qotishga (kamaytirishga) qaratilgan sanitariya-profilaktik va epidemiyaga qarshi chora-tadbirlarni olib borilishi ustidan sanitariya nazoratini o’tkazish xamda sog’lom turmush tarzini targ’ibot qilish;

- Favqulotda holatlarda va kontingent sog’ligini himoya qilishga qaratilgan profilaktik va epidemiyaga qarshi chora-tadbirlarni tashkillashtirish va olib borishda ishtirok etish;

- “O’zbekiston temir yo’llari” AJ MSES xodimlarini maxsus o’quv muassasalarida va ish joylaridadoimiy malakalarini oshirib borishni ta’minlash;

- Temir yo’l tibbiy muassasalarini virusologik va bakteriologik preparatlariga bo’lgan ehtiyojlarini o’rganish, ularni sotib olish uchun talabnomalarni ko’rib chiqish;



- Doimiy ish davomida, avariyalarda, falokatlar va boshqa favqulotda holatlar vujudga kelganda diagnostikumlar, vaksinalar, virusologik ozuqa muhitlari va bakteriologik praperatlar, kimyoviy reaktivlarni profilaktik maqsadlarda qo’llanilishi uchun uzluksiz zahirasini ta’minlash.

 
Yüklə 22,5 Kb.

Dostları ilə paylaş:




Verilənlər bazası müəlliflik hüququ ilə müdafiə olunur ©www.azkurs.org 2024
rəhbərliyinə müraciət

gir | qeydiyyatdan keç
    Ana səhifə


yükləyin