Köynəklik parçalar. Bu parçalar müxtəlif lilərdən və müxtəlif saplardan hazırlandığına görə bir neçə qrupa bölünür. Lakin bunların içərisində əsas yeri lavsan - viskoz və ya lavsan- pambıq qarışıq liflərdən hazırlanan parçalar tutur. Bu parçaları öyrənən zaman qeyd etmək lazımdır ki, onlar əsasən polotno toxunması ilə hazırlanır, ağardılmış, saya boyanmış, bəzən melanj, əlvan naxışlı və güllü olur.
Astarlıq parçalar. Bunlar əsasən süni sapların digər liflərlə qarışığından hazırlanır (ərişi viskoz kompleks saplarından və arğacı pambıq və ya viskoz ipliyindən olmaqla). Bundan başqa bu parçalar süni saplardan (ərişi viskoz və asetat, arğacı və ya hər iki sistemi viskoz saplarından olmaqla) sətin, atlas sarja toxunmaları ilə, saya boyanmış, az yığılan və əzilməyən arayışlandırmaqla hazırlanır.
