Masala. Korxona aroq mahsulotini ishlab chiqarmoqda. Hisobot davrida korxona 20 000 butilka (0,5 litrdan) aroq mahsulotini ishlab chiqargan. Aroq mahsulotida spirtning hajmi (quvvati) 40 foizni tashkil etadi.
Talab qilinadi: 1. 20 ming butilka aroq mahsuloti uchun korxona budjetga qancha aksiz solig‘i to’laydi?
2. Korxonaning hisobot davri uchun “Moliyaviy natijalar to’g’risida”gi hisobot shaklini (2-shakl) to’ldiring.
Masala. Aksiz osti tovari bo‘lgan mahsulot bo‘yicha to‘lanishi lozim bo‘lgan aksiz solig‘ini hisoblang, agarda korxonaning bir dona mahsulot ishlab chiqarishi uchun barcha xarajatlari – 1 800 000 so‘mni, foyda me‘yori – 25 foizni, aksiz solig‘i stavkasi – 29 foizni tashkil etsa.
Talab qilinadi: 1. Korxona budjetga to’lashi lozim bo’lgan aksiz solig‘i so’mmasini hisoblang?
2. Korxonaning hisobot davri uchun “Moliyaviy natijalar to’g’risida”gi hisobot shaklini (2-shakl) to’ldiring.
Masala. Import qilinayotgan 1 litr aroq mahsulotining (Germaniyada ishlab chiqarilgan) bojxona qiymati – 60 000 so‘m. Bojxona qiymati o’z ichiga yukni bir joydan ikkinchi joyga ko‘chirish, ortish, tushirish, o‘lchash va sug‘urta qilish va boshqa summalarni oladi.
Talab qilinadi: 1. Import qiluvchi korxonaning firma do‘konida mazkur bir butilka aroq mahsuloti necha so‘mdan sotiladi, agarda korxonaning qo‘shimcha xarajatlari aroq mahsulotini omborga olib kelishga va boshqa zarur xarajatlar (sertifikatsiya qilish va h.k) olingan tovarning haqiqiy tannarxiga ya‘ni bojxona qonun xujjatlariga muvofiq hisoblab chiqilgan (aksiz va qo‘shilgan qiymat soliqlarini hisobga olgan holda), nisbatan taxminan 12 foiz (ushbu xarajatlarni hisobga olmagan holda), savdo ustamasi – 15 foiz. Ushbu masalani echishda bojxona bojlari hisobga olinmaydi.
2. Korxonaning hisobot davri uchun “Moliyaviy natijalar to’g’risida”gi hisobot shaklini (2-shakl) to’ldiring.
Masala. Aksiz solig’ini to’lovchi korxona hisobot davrida quyidagi ko’rsatkichlarga ega:
korxonaning hisobli bahosi – 12 000 000
mahsulot uchun belgilangan soliq stavkasi – 29 foiz.
