Samarqand davlat universiteti matematika fakulteti Nazariy va amaliy mexanika kafedrasi
Yüklə 0,87 Mb. Pdf görüntüsü
|
|
KIRISH Hozirda kasb-hunar kollejlarida kadrlar tayyorlash hamda ularning malakasini oshirishni zamon talablariga javob beradigan darajada tashkil etish, talabalar bilim saviyasi va salohiyatining sifatiga qo‘yiladigan zarur talablarni belgilab beruvchi Davlat ta’lim standartlariga asoslangan darslik va o‘quvuslubiy qo‘llanmalarning yangi avlodlarini yaratish dolzarb vazifalardandir. Robototexnik tizimlari va komplekslari hozirgi zamon ishlab chiqarishini rivojlantirishning texnik asoslari hisoblanadi. Avtomobilsozlikdagi yangi texnologiyalarda, robotlar va roboto texnik tizimlarni qo‘llash yildan yilga oshib bormoqda. Ular yordamida yangi texnologik jarayonlar o‘zlashtirilrnoqda, odamlarni toliqtiradigan, bir xil, og‘ir qo‘l mehnatidan, sog‘liklari uchun zararli va xavfli ishlardan ozod qilinmoqdalar. Robototexnik tizimlar va komplekslar odam uchun qiziqarsiz bo‘lgan, ayrim intellekt talab qilinadigan ishlarni ham bajarishlari mumkin. Robotlar va robototexnik tizimlar ishlab chiqarish texnikasining yangi turlari bo‘lib, turli sohalarda keng qo‘llanilmoqda. Mazkur o‘quv qo‘llanmada robototexnik tizimlar va komplekslar asoslari yoritilgan. Birinchi bobda robotlar va robot texnikasi to‘g‘risidagi asosiy ma’lumotlar, tushunchalar, ta’riflar hamda avtomobilsozlikda robototexnik tizimlar va komplekslarning qo‘llanilishi yoritilgan. Ikkinchi bobda robot texnikasining asosiy elementlari, robotlarni boshqarish usullari, programmali, adaptiv va intellektual robotlar bayon qilingan. Uchinchi bobda sanoat robotlari va robototexnik komplekslarining ishlatilishi, asosiy turlari va tizimlari keltirilgan. To‘rtinchi bob robototexnik komplekslarining ishlab chiqarishda qo‘llanilishiga bag‘ishlangan. Beshinchi bobda detallarga ishlov berish robotexnik komplekslari bayon qilingan. Oltinchi bobda nuqtali kontakt payvandlash komplekslari va elektr yoyi bilan payvandlash komplekslari keltirilgan. |