“Qardaşlar Mebel” Qapalı Səhmdar Cəmiyyətinin işçisi Qurbanov İlkin Zahir oğlunun 23.11.2022-ci il tarixdə xəsarət alması ilə bağlı 23.11.2022-ci il tarixli 480 nömrəli məktubunuz əsasında Azərbaycan Respublikasının Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətində araşdırma aparılır.
Bildiririk ki, Azərbaycan Respublikası Nazirlər Kabinetinin 28.02.2000-ci il tarixli 27 nömrəli qərarı ilə təsdiq edilmiş “İstehsalatda baş verən bədbəxt hadisələrin təhqiqi və uçota alınması Qaydaları”nın (bundan sonra-Qaydalar) 1.2-ci bəndində nəzərdə tutulan hallarda işçilərin səhhətinin pozulması təhqiq edilməlidir.
Qaydaların 2.2-ci bəndinə müvafiq olaraq təhqiqat komissiyasının tərkibində iştirak edəcək nümayəndələr barədə Dövlət Əmək Müfəttişliyi Xidmətinə rəsmi məlumat verilməsi xahiş olunur.
