Psixiatriya ruhiy kasalliklarning kelib chiqishi, patogenezi, klinik
Yüklə 1,38 Mb. Pdf görüntüsü
|
- Bu səhifədəki naviqasiya:
- Psixofarmakologik moddalarni iste‟mol etish bilan o‟tadigan toksikomaniyalar.
|
Gallyutsinogenlar giyohvandligi (LSD va boshqalar). Bu moddalarga tez
o‘rganib qoladi. Bemorlarda depressiya yoki maniakal holat, deliriy, gallyutsinator-vasvasali va depersonalizatsiya holatlari kuzatiladi. Toksikomaniyalarning klinik ko‟rinishi. Toksikomaniya-narkotik moddalar ro‘yxatiga kirmagan tabiiy va sun‘iy zaharlovchi moddalarni iste‘mol qilish natijasida yuz beradigan vaqtinchalik yoki surunkali zaharlanish holati. Toksikomaniyani keltirib chiqaruvchi moddalarning asosiysi psixotrop moddalardir. Trankvilizatorlar, parkinsonizmda qo‘llaniladigan moddalar, antidepressantlar, ruxiy holatni tetiklashtiruvchi dorilar (tsentedrin, kofein), korxonalarda va sanoatda ishlatiladigan kimeviy moddalarni xidlash natijasida toksikomaniyaning o‘tkir va surunkali zaharlanish belgilari namoyon bo‘ladi. Toksikomaniyaning o‘tkir zaharlanishda 4 ta bosqich farqlanadi: eyforiya, ongning uzgarishi, gallyutsinatsiyalar, holatdan chiqish bosqichlari. Surunkali zaharlanishda psixoorganik sindrom belgilari namoyon bo‘ladi. Toksikomaniyalarda ham xuddi narkomaniyalardagi singari shu moddalarga moyillik va chidamlilikning oshishi, xumor holatining paydo bo‘lishi kuzatiladi. Psixofarmakologik moddalarni iste‟mol etish bilan o‟tadigan toksikomaniyalar. Bemorlar o‘z holatlarini yaxshilovchi har qanday psixofarmakologik moddalarga o‘rganib qolishlari mumkin. Bu holat ko‘pincha psixotrop (trankvilizatorlar, antidepressantlar) moddalar bilan uzoq davolashda yoki psixopatik shaxslarda, nevrozlarda, ipoxondrik holatdagi bemorlarda kuzatiladi. Hozirgi vaqtgacha psixofarmakologik moddalarga moyillik belgilari haqida umumiy fikrlar yo‘q. Lekin ko‘pgina tajribalar shuni ko‘rsatadiki, neyroleptiklarga jismoniy moyillik rivojlanganda bosh og‘rishi, bexushlik holatlari, yurak urishi tezlashishi, titroq bosishi, tutqanoqlar, psixoz holatlari kuzatiladi. Ko‘pincha benzodiazepam turkumidagi psixotrop moddalarga (xlordiazepoksid, diazepam, nozepam, nitrozepam, lorazepam, tazepam) ham moyillik bo‘lishi mumkin. Shu moddalar uzoq vaqt iste‘mol etilganda ularga chidamlilik oshadi, xumor (qo‘rquv, uyqusizlik, bezovtalik, ko‘p terlash, titroq) holatlari paydo bo‘ladi, bu esa jismoniy moyillik, vegetativ o‘zgarishlar paydo 115 bo‘lishiga olib keladi. Psixofarmakologik moddalarni surunkali iste‘mol etishda toksikomaniyalarga xos shaxs o‘zgarishlari asta-sekin rivojlanib boradi. Bu shaxs o‘zgarishlari befarqlik, mujmallik, o‘zini tuta bilmaslik, jahldorlik, kayfiyatning o‘zgaruvchanligi, qiziqishlari faqat davolashga qaratilganligi bilan kuzatiladi. Yüklə 1,38 Mb. Dostları ilə paylaş:
|