Xarajatlarni oqilona rejalashtirish mahsulot narxini pasaytirishga ta’sir ko’rsatib, korxona daromadlarini ko’paytirish imkoniyatini yaratadi. Shuning uchun xarajatlarni rejalashtirishda barcha resurslar bo’yicha sarf me’yorlarini to’g’ri me’yorlashtirish korxona oldidagi eng muhim vazifalardan biri hisoblanadi.
Qisqacha xulosalar
Mahsulot tannarhi- korxonaning mahsulot tayyorlash jarayonida sarflangan xom-ashyo, materiallar, ishlab chiqarish vositalari, ishlab chiqarish va sotish bilan bog’liq bo’lgan xizmatlar uchun to’lov va harajatlarning pul orqali ifodalanishidir. Mahsulot tannarxining pasayishi asosida qo’shimcha moddiy resurslar yaratilib, mahsulot bahosini pasayishiga imkoniyat yaratiladi.
Mahsulot tannarxini to’g’ri rejalashtirishda hisoblash va tahlil etish hamda uning pasayishi manbalarini aniqlash maqsadida faqat umumiy harajatlarnigina emas, balki ularning tarkibiy qismlarini ham bilish zarur.
Mahsulot tannarxini rejalashtirishda quyidagi xarajat guruh turlari
ishlatiladi:
Iqtisodiy elementlar bo’yicha
Kalkulyatsiya moddalari bo’yicha
Harajat elementlari iqtisodiy mazmuni jihatdan bir turda bo’lgan harajatlarni birlashtirsa, kalkulyatsiya moddalari ishlab chiqarilayotgan mahsulot birligi tannarxi harajatlarining alohida moddalari bo’yicha pulda ifodalanishini ko’rsatadi.
Dostları ilə paylaş: | 
