O‘lchash vositalarini qiyoslash va kalibrlash
Yüklə 5,01 Kb. Pdf görüntüsü
|
- Bu səhifədəki naviqasiya:
- 1. O‘lchash vositalariga bo‘lgan texnik talablar 2. Metrologiya xizmati idorasi tekshiruv o‘tkazish tartibi. 3.
|
Nazorat savollari.
1. O‘lchashga ta’rif keltiring va uni izohlab bering. 2. O‘lchash ob’ektlariga misollar keltiring. 3. O‘lchashlarning qanday turlari bor. Ularga misollar keltiring. 4. O‘lchash usullariga izoh bering. 5. O‘lchov va o‘lchash asboblarining farqi qanday? 62 VII-bob. O‘LCHASH VOSITALARI METROLOGIK KO‘RSATKICHLARI NATIJALARIGA TA’SIR ETUVCHI OMILLAR. 1. O‘lchash vositalariga bo‘lgan texnik talablar 2. Metrologiya xizmati idorasi tekshiruv o‘tkazish tartibi. 3. O‘lchash vositalarini idoraviy tekshirilishi 12 §. O‘LCHASH VOSITALARIGA BO‘LGAN TEXNIK TALABLAR Agar bir turdagi o‘lchash vositalariga bo‘lgan texnik talablar (texnik shartlar) ning davlat standarti mavjud bo‘lsa va tekshirish vositalarini seriyali ishlab chiqarilishi ta’minlangan bo‘lsa, bunday o‘lchash vositalari uchun Tekshirishlar metodikasining Davlat standarti ishlab chiqiladi. Seriyali ishlab chiqariladigan yoki partiyalab import qilinadigan va tekshirish vositalari bilan ta’minlangan o‘lchash vositalari uchun O‘zstandartning tekshirish bo‘yicha metodik (uslubiy) ko‘rsatmasi ishlab chiqiladi. Davlat sinovi qabuliga taqdim etilgan yangi o‘lchash vositalari uchun tekshirish bo‘yicha metrologiya institutlarining uslubiy ko‘rsatmasi ishlab chiqiladi va davlat metrologiya xizmatlari ko‘rsatish organlari yoki idoralarida sinovdan o‘tkazilgandan keyin tekshirish bo‘yicha O‘zstandartning uslubiy ko‘rsatmalari yoki davlat standartlarini ishlab chiqish uchun asos bo‘lib xizmat qiladi. Standartlashtirilmagan, tor sohaga mo‘ljallangan, bir marta ishlab chiqilgan o‘lchash vositalarini idoraviy tekshiruvdan o‘tkazish uchun O‘zstandartning davlat standartlari va uslubiy ko‘rsatmalari bo‘lmaganda, ishlab chiqaruvchilar ushbu o‘lchash vositalarini tekshirish bo‘yicha uslubiy ko‘rsatma tuzishlari lozim. Ushbu ko‘rsatma ishlab chiqaruvchi korxonaning bosh metrologi tomonidan tasdiqlanadi. Bitta fizik kattalikni o‘lchashga mo‘ljallangan yoki barcha diapazonda ishlatilmaydigan kombinirlashgan va ko‘p diapazonli o‘lchash vositalarini davriy tekshirish korxonaning bosh metrologi qaroriga ko‘ra faqat ishlatiladigan diapazonlardagina amalga oshirilishi mumkin. Bunday hollarda o‘lchash vositasiga qo‘llanish sohasini belgilab beruvchi yozuv osiladi. Bunday yozuv pasport va tekshiruv haqidagi guvohnomaga ham amalga oshirilgan bo‘lishi lozim. Faqatgina, fizik kattaliklarning o‘zgarishini, ularni me’yorlashtirilmagan aniqlik bilan sifat bo‘yicha baholash uchun xizmat qiluvchi o‘lchash vositalari, ya’ni indikatorlar, shuningdek o‘quv maqsadlarida qo‘llaniladigan o‘lchash vositalari tekshiruvdan o‘tkazilmaydi. Ularning sozligini nazorat qilish idora xizmati tomonidan amalga oshiriladi. Bunday o‘lchash vositalariga ko‘rinadigan qilib, “I” (indikator) yoki “U” (o‘quv (uchebnыy)) belgilari qo‘yiladi. Yüklə 5,01 Kb. Dostları ilə paylaş:
|