Bashoratning maqsadi - bozorga ta’sir kiluvchi omillarni, shu bilan birga, xo‘jalikning umumiy axvoli, tuzilmaviy siljishlar, investitsion faollik, fan-texnika taraqqiyotining iste’molchi va ishlab chikaruvchilarga ta’sir ko‘rsatishi, an’anaviy maxsulotlardan tashkari korxonani barqarorlik va raqobatbardoshlikka olib keluvchi yangi maxsulot ishlab chiqarish istiqbolida yuzaga kelishi mumkin bo‘lgan xolatlarni belgilashdadir.
Bashorat- korxona, ob’ekt yoki xodisaning kelajakdagi axvoli va ularni amalga oshirish variantlari va muddati to‘g‘risidagi ilmiy asoslangan muloxazadir. Bashoratlarni ishlab chiqish jarayoni bashorat qilish, ya’ni kelajakni xozirgi vaqtdan kelib chikkan xolda oldindan ko‘ra bilish deb ataladi. Iqtisodiy bashoratlarning asosiy vazifalari: rivojlanish maqsadlarini belgilash, optimal yo‘nalishlar va ularga erishish vositalarini izlab topish, resurslarni va ko‘yilgan vazifalarni bajarish muddatlarini belgilash, korxona rivojlanishiga ta’sir ko‘rsatishi mumkin bo‘lgan cheklashlarni aniqlash.
Korxonaning samarali ishlashi uchun faoliyatning turli sohalarida pozitsiyalarni aniqlashga mo‘ljallangan rejalar tizimini ishlab chiqish va amalga oshirish kerak. Kompaniya quyidagi rejalashtirish turlarini ajratib turadi (2.9-rasm).
Rasm 2.9. Korxonada rejalashtirish turlari Rejalashtirish - balans, me’yoriy, iqtisodiy-matematik, statistik, omillar bo‘yicha, ko‘p variantli xisob-kitob usullaridan iborat.
Me’yor - belgilangan sifatdagi maxsulot birligi tayyorlash uchun sarflanuvchi xomashyo, material, yoqilg‘i, energiya va boshqa resurslardan foydalanishning yo‘l ko‘yilishi mumkin bo‘lgan maksimal yoki minimal chegarasidir.
