Mühazirə İnformasiya təhlükəsizliyinin əsas konseptual məsələləri

Ensefaloqram analizi. Elektroensefaloqrafik tədqiqat prosesindә beyindә uzunluğu bir neçә millisaniyә olan elektrik impulslarının yeri vә intensivliyi müəyyәn edilir. Sistem beynin elektrik aktivliyinin monitorinqini hәyata keçirir vә informasiyanı kompüterә göndәrir. Daha sonra istifadәçinin xüsusi rәqәmsal portreti formalaşdırılır. Sonrakı identifikasiya zamanı götürülәn elektroensefaloqram әvvәl yazılmışla müqayisә edilir və kompüter insanın şәxsiyyәti haqqında nәticә çıxarır.

Mühazirə 15. Verilənlər bazalarına icazəsiz müdaxilə

Verilənlər bazalarında informasiya təhlükəsizliyinin təmin edilməsi üsulları.
Verilənlər bazası anlayışı. Verilənlər bazasına qarşı əsas təhlükələrin təsnifatı. Əsas qoruma texnologiyaları. Təhlükəsizliyin təmini üçün identifikasiya vasitələri.

Verilənlər bazasına icazəsiz müdaxilə nəticəsində onun üzərində aşağıdakı əməliyyatlar yerinə yetirilə bilər:

• 
  verilənlər bazasında saxlanılan informasiyanın tərkibinin dəyişdirilməsi;
  
• 
  cədvəllərin ləğv edilməsi;
  
• 
  cədvəllər atributlarının dəyişdirilməsi;
  
• 
  verilənlər bazasında saxlanılan informasiyanın emal olunma ssenarisinin dəyişdirilməsi;
  
• 
  verilənlər bazasının ləğv edilməsi;
  
• 
  verilənlər bazasının fayllarının ləğv edilməsi.
  

Qeyd etmək lazımdır ki, adətən bütün bu əməliyyatları yerinə yetirməkdən ötrü müdaxilə edən müəyyən imtiyazlara malik olan verilənlər bazasına daxil olma parolunu bilməlidir.
Lokal, izolə olunmuş və ya şəbəkəyə qoşulmuş kompüter sisteminə cinayətkar tərəfindən həyata keçirilən informasiya təhlükələrinin əsas istiqamətlərinə aşağıdakıları aid etmək olar:
1. Bilavasitə daxil olma obyektlərinə müraciət. Xəlvətcə baxış keçirtmək yolu ilə leqal istifadəçinin parolundan tam şəkildə və ya bir hissəsindən istifadə edərək, cinayətkar sistemə daxil olmağa; təhlükəsizlik siyasətində ola biləcək səhvlərə güvənərək, fayllar, şəbəkə portları kimi obyektlərə daxil olmanı əldə etməyə səy göstərir.