Mühazirə : 8 İnformasiyanın ötürülmə üsulları . Kompüter şəbəkələri və onların təsnifatı .
İnternetin əsasları və xidmətləri.İnternetdə informasiya axtarışı texnologiyası. Elektron
poçt (e-mail). Domen adlar.
Plan :
1.
İnformasiyanın ötürülmə üsulları .
2.
Kompüter şəbəkələri və onların təsnifatı .
3.
İnternetin əsasları və xidmətləri.İnternetdə informasiya axtarışı texnologiyası.
4.
Elektron poçt (e-mail). Domen adlar.
İnsan cəmiyyətində informasiya mübadiləsi olmasa idi,
ümumiyyətlə, cəmiyyət inkişaf
etməzdi. Toplanmış informasiyaların, əldə olunmuş biliklərin insanlar arasında yayılması, bir
nəsildən başqa nəslə ötürülməsi bəşəriyyətin inkişafının başlıca amili olmuşdur.
İnformasiyanın ötürülməsi ilə bağlı istənilən prosesi aşağıdakı
çox sadə sxemlə göstərmək
olar.
İnformasiya mənbəyindən
çıxan
informasiya
rabitə kanalından
keçərək
informasiya
qəbuledicisinə
çatır. Bu sxemdəki üç hissənin hər birinin öz xassələri, başqa sözlə, parametrləri
var və ötürülmənin keyfiyyəti bu parametrlərdən asılı olur.
İnformasiya mənbəyi canlı varlıq, yaxud texniki qurğu (məsələn, kompüter) ola bilər.
İnformasiya oradan
kodlaşdırıcı qurğuya
(məsələn, modemə) daxil olur.
Bu qurğu ona daxil
olan informasiyanı ötürmək üçün əlverişli formaya çevirir. Rabitə kanalından (məsələn, telefon
xəttindən) keçən informasiya
dekodlaşdırıcı qurğuya
(məsələn, modemə)
düşür ki, bu qurğu
kodlaşdırılmış məlumatı qəbuledicinin başa düşdüyü formaya çevirir.
Verilənləri bir kompüterdən başqasına ötürmək üçün həmin verilənləri daşıyan müəyyən növ
aralıq bağlayıcıya ehtiyac var. Bu bağlayıcı
rabitə kanalı
adlanır. Belə kanala nümunə kimi bu
gün həyatımızda mühüm rol oynayan telefon şəbəkəsini göstərmək olar.
Telefon sistemi
dünyadakı bütün telefon şəbəkələrinin – yerli, uzaqməsafəli, mobil və peyk rabitəsi şəbəkələrinin
toplusudur. Telefon şəbəkəsi səs rabitəsi üçün nəzərdə tutulsa da, indi ondan verilənlərin (faks,
e-poçt, canlı audio və video) ötürülməsi məqsədi ilə də istifadə olunur.
Verilənləri kanal vasitəsilə göndərmək üçün istər fiziki, istərsə
də simsiz rabitə vasitələri
lazım olur.
