Ómir qáwipsizligi páni haqqinda tu`sinik. (2 saat)

Ayrıqsha jaǵday – adamlar qurban bolıwı, olardıń den sawlıǵı yaki átirap tábiyiy ortalıqqa zıyan etiwi, táshwishke salıwshı materiallıq qırǵınlar keltirip shıǵarıwı hámde adamlar tirishilik iskerligi sharayatın izden shıǵarıwǵa alıp keliwi múmkin bolǵan yaki alıp kelgen, avariya hám qáwipli tábiyiy hádiyse yaki basqa tábiyiy apat nátiyjesinde sol jerdegi aymaqta júzege kelgen jaǵday. Xalıqtı hám aymaqlardı ayrıqsha jaǵdaylardan qorǵaw – ayrıqsha jaǵdaylardıń aldın alıw hám olardı joq etiw sharaları usılları, úskeneleri dizimine say háreketlerin payda etedi. Ayrıqsha jaǵdaylardıń aldın alıw – aldınnan ótkerilip, ayrıqsha jaǵdaylarda júz beriwshi qáwipin tez arada kemeytiwge, bunday jaǵdaylar júz bergen jagdayda adamlardıń den sawlıǵın saqlaw qorshaǵan tábiyiy ortalıqqa jetkerilgen zıyan hám shıǵınlar muǵdarın esaplastırıwǵa qaratılǵan usınıslar kompleksi. Ayırıqsha jaǵdaylardı qorǵawdıń ayrıqsha jaǵdaylarda júz bergende ótkerilip, adamlar ómiri hám den sawlıǵın saqlaw, qorshaǵan tábiyiy ortalıqqa jetkerilgen zıyan hám materiallıq shıǵınlar muǵdarın kemeytiwge, sonıń menen birge ayrıqsha jaǵdaylar júz bergen zonalardı saqıynaǵa alıp, qáwipli faktorlar tásirin tawsılıwına qaratılǵan avariya – qutqarıw jumısları hám keshiktirip bolmaytuǵın basqa jumıslar kompleksi. Xalıq hám aymaqlardı ayrıqsha qorǵaw tarawında qoyılatuǵın qádemlerden biri aldınnan qorǵaw ministrligi qasındaǵı puxaralardı qorǵawshı hám ayrıqsha jaǵdaylar basqarmasınıń sońǵı hám keyingi basqarma negizidn. Ózbekstan Respublikasınıń prezidentiniń 1996-jıl 4-marttaǵı PF – 1378 qararı menen ayrıqsha jaǵdaylar ministrligi sho’lkemlestirildi. Ministrlik iskerligi júrite baslaǵannan soń xalıq hám aymaqlardı ayrıqsha jaǵdaylardan qorǵaw tarawınıń huqıqıy tiykarın payda etiwshi bir qatar nızam hám qararlar qabıl qılındı.