Milliy kurash turlari va uni o’qitish metodikasi” moduli bo’yicha o‘quv-uslubiy majmua farg ‘ona 2023

15 - Mavzu: ” Milliy kurashchlarda psixologik-pedagogik mahoratlarini shakillantirish ”
Reja:
1.Psixologik tayyorgarlik
2.Ruhiy tayyorgarlik
Tayanch iboralar: Ma`naviy va irodaviy tayyorgarligini oshirish.Diqqatini bir joyga to`’lash.Maqsadga intilish.G`alabaga ishonchini uyg`otish. Raqibiga imkoniyat qoldirmasdan harakat qilishga undash.
Mamlakatimiz mustaqil bo`lganidan keyin sportga e`tibor yanada ortdi. Mamlakatimiz sportchilari jahon arenalarida O`zbekiston bayroqini yuqori ko`tarib yurtimiz sha`nini himoya qilib kelishmoqda. Nafaqat shahar xattoki qishloq yoshlari o`rtasida ham jismoniy tarbiya va sportga e`tibor qaratilgan.
Prezidentimiz I.A. Karimovning “Davlat va jamoat tashkilotlari, yangidan tashkil bo`layotgan birlashma va jamg`armalar o`z kuchlarini bir maqsad yo`lida to`plashlari hamda jismonan bardam, axloqiy pok, ma`naviy sog`lom avlod tarbiyasi yo`lida kuch va vositalarini ayamasliklari lozim”degan so`zlari, barcha o`quv muassasalarida, tashkilotlarda, maxalla va qishloqlarda jismoniy tarbiya va sport bilan shug`ullanish uchun barcha shart-sharoitlar amalga oshirishga sabab bo`lmoqda. Jismoniy tarbiya va sport borasida qanchadan qancha qaror, farmoyishlar chiqib, ularni bajarilishi natijalarini respublika miqyosida o`tkazilayotgan “Umid nihollari”, “Barkamol avlod” “Universiada” musobaqalarini o`tkazilishida hamda O`zbekistonlik sportchilarning erishayotgan muvofaqqiyatlarida yaqqol ko`rishimiz mumkin.
Jismoniy tarbiya bilan shug`ullanish kishini sog`lom bo`lishga olib kelsa, sport bilan shug`ullanish kishini jismoniy sifatlarini oshiradi va yuqori natijalar ko`rsatishga olib keladi hamda bo`sh vaqtini foydali mashg`ulotlarga sarf qiladi. Ana shunday sport turlaridan biri o`zbek kurashidir. Bu kurash tarixi bundan 2500 yil ilgari hozirgi O`zbekiston xududida yashagan qabilalar orasida ham mavjud bo`lgan.
Demak o`zbek kurashining tarixi ana shu davrlarga borib taqaladi. O`zbek kurashining hozirgi kundagi rivojlanishi nafaqat mamlakatimizda hattoki chet mamlakatlarda ham ancha yuqoridir. Chet mamlakatlarda ham bu kurash bo`yicha bir necha bor yirik musobaqalar o`tkazilmoqda. Ana shunday musobaqalarga tayyorgarlik ko`rish, texnik va taktik jihatlarni malakali murabbiylar yordamida o`zlashtirishi sportchining yuqori natijalari ko`rsatishiga olib keladi. Ammo kurashchilar uchun texnik va taktik xolatlarini o`zi kamlik qiladi.