|
3. Ömürlük renta müqaviləsinin ləğv edilməsi
Ömürlük renta müqaviləsinin əsas xüsusiyyətlərindən biri onun müddətli əqd olmasıdır. Müddətli əqdin be-
lə bir cəhəti var ki, müddətin başa çatması əqdin xitam edilməsini şərtləndirir. Ömürlük renta müqaviləsinin
qüvvədə olma müddəti isə renta alanın ölümü ilə bitir və sona çatır. Deməli, renta alanın ölümü ilə ömürlük
renta müqaviləsi xitam edilir. Bu, müqavilənin ləğv edilməsinin təbii əsasıdır.
Bununla bərabər, ömürlük renta müqaviləsi renta alanın sağlığında onun təşəbbüsü ilə birtərəfli qaydada
ləğv edilə bilər ki, bu, müqavilənin xitam edilməsinin xüsusi əsası və qaydası hesab edilir. Qanun renta alanın
tələbi ilə ömürlük renta müqaviləsinin ləğv edilməsinin xüsusi qaydasını və əsasını nəzərdə tutur (MM-in 879-
cu maddəsi).
Dostları ilə paylaş: | 
