9. TSİİL-in komponentləri, alt- komponentləri və onların vəzifələri
Alt-komponent 1.1: Kurrikulum islahatının davam etdirilməsi və kurrikulumun tətbiqinə dəstək.
Əsas vəzifələri - V-XI sinif kurrikulumlarının təsdiqi və tətbiqi; Ümumtəhsil kurrikulumlarının mənimsənilməsinə dəstək; Məktəbəqədər təhsil kurrikulumunun hazırlanması; Peşə təhsili üzrə yeni peşə ixtisas klassifikatorunun və seçilmiş ixtisaslar üzrə yeni kurrikulumların hazırlanması.
Alt-komponent 1.2: Yeni tədris materiallarının hazırlanması və məktəb kitabxanalarının müasirləşdirilməsi.
Əsas vəzifələr - Məktəb kitabxanası fəaliyyətinin təkmilləşdirilməsi; Mövcud tədris və təlim materiallarının birbaşa müqavilə əsasında satınalınması və məktəb kitabxanalarına çatdırılması; Yeni kurrikulumun tətbiqi ilə bağlı əlavə tədris materiallarının hazırlanması və internet portalına yerləşdirilməsi.
Komponent 2: Müəllimlər üçün əlavə təhsil sisteminin müasirləşdirilməsi.
Əsas vəzifələr - Əlavə təhsil müəssisələrinin təmiri, onların mebel və İKT avadanlıqları ilə komplektləşdirilməsi; Yeni ümumtəhsil kurrikulumlarının tətbiqi ilə bağlı əlavə təhsil tədbirləri; Əlavə təhsil üzrə xidmətlərin təklifində alternativliyin yaradılması; Əlavə təhsil sistemində distant təhsilin tətbiqi; Yeni məktəbəqədər təhsil kurrikulumlarının tətbiqi ilə bağlı əlavə təhsil tədbirləri.
Komponent 3: Təhsilin idarə olunmasında təhsil alanların nailiyyətlərinin qiymətləndirilməsi nəticələrindən istifadə.
Əsas vəzifələr - PISA-2009, PISA-2012 və TIMSS-2011 şagird nailiyyətlərinin beynəlxalq qiymətləndirilməsi proqramlarında iştirak; Şagird nailiyyətlərinin milli qiymətləndirilməsi; Ümumtəhsil sistemində buraxılış imtahanları nəticəsində təhsil sənədlərinin verilməsi sisteminin təkmilləşdirilməsi; Yeni məktəbdaxili qiymətləndirmə sisteminin hazırlanması və sınaqdan keçirilməsi.
Komponent 4: Məktəbə hazırlığın inkişaf etdirilməsi.
Əsas vəzifələr - Qısa müddətli qruplarda məktəbə hazırlıq proqramının və valideynlərin maarifləndirməsi proqramının Xətai, Xızı, Quba, Şamaxı, Lənkaran və Füzuli pilot rayonlarında sınaqdan keçirilməsi; Qısa müddətli qruplarda məktəbə hazırlıq proqramının və valideynlərin maarifləndirməsi proqramının sınaq nəticələrinin təhlili və dövlətin təhsil siyasətində onların nəzərə alınması.
Dostları ilə paylaş: |
